ଚଣ୍ଡିଗଡ଼,୨୪।୨: ପଞ୍ଜାବର ରାଜ୍ୟପାଳ ବନଓ୍ବାରୀ ଲାଲ ପୁରୋହିତ ଭଗଓ୍ବନ୍ତ ମାନ ସରକାରଙ୍କୁ ଏକ ବଡ଼ ଝଟ୍କା ଦେଇଛନ୍ତି। ଚଳିତ ଥର ବଜେଟ ଅଧିବେଶନକୁ ରାଜ୍ୟପାଳ ଅନୁମୋଦନ ଦେବାକୁ ମନା କରିଦେଇଛନ୍ତି। ଏ ସମ୍ପର୍କରେ ରାଜ୍ୟପାଳ ଭଗଓ୍ବନ୍ତ ମାନଙ୍କୁ ନିୟମିତ ଚିଠି ଲେଖିଛନ୍ତି। ବଜେଟ ଅଧିବେଶନକୁ ଅନୁମୋଦନ ଦେବା ପୂର୍ବରୁ ରାଜ୍ୟପାଳ ମୁଖ୍ୟମନ୍ତ୍ରୀଙ୍କଠାରୁ ସ୍ପଷ୍ଟିକରଣ ମାଗିଛନ୍ତି। ସୂଚନାଯୋଗ୍ୟ, ପଞ୍ଜାବ କ୍ୟାବିନେଟ ଫେବୃୟାରୀ ୨୧ରେ ଏକ ବୈଠକ କରି ମାର୍ଚ୍ଚ ୩ ରୁ ମାର୍ଚ୍ଚ ୨୪ପର୍ଯ୍ୟନ୍ତ ବଜେଟ ଅଧିବେଶନ ଡକାଇବାକୁ ସୁପାରିଶ କରିଥିଲା ଏବଂ ଏହାକୁ ଅନୁମୋଦନ ପାଇଁ ରାଜ୍ୟପାଳଙ୍କ ନିକଟକୁ ପଠାଇଥିଲା। ହେଲେ ଶୁକ୍ରବାର ରାଜ୍ୟପାଳ ଏହାକୁ ଅନୁମୋଦନ ଦେବାକୁ ମନା କରିଛନ୍ତି।
