ନୂଆଦିଲ୍ଲୀ,୨୬।୮: ବିହାରର ମୁଖ୍ୟମନ୍ତ୍ରୀ ସମ୍ରାଟ ଚୌଧୁରୀ ରାଜ୍ୟର ମହିଳା, ବିଶେଷକରି ଅନୁସୂଚିତ ଜାତି (SC) ଓ ଅନୁସୂଚିତ ଜନଜାତି (ST) ବର୍ଗର ମହିଳାଙ୍କ ପାଇଁ ବଡ଼ ଘୋଷଣା କରିଛନ୍ତି। ସିଏମ ସମ୍ରାଟ କହିଛନ୍ତି ଯେ SC/ST ବର୍ଗର ଯେଉଁ ମହିଳାମାନେ ଅନ୍ତଃଜାତୀୟ ବିବାହ କରିବେ, ସେମାନଙ୍କୁ ବିହାର ସରକାରଙ୍କ ପକ୍ଷରୁ ୨.୫ ଲକ୍ଷ ଟଙ୍କା ଆର୍ଥିକ ସହାୟତା ଦିଆଯିବ। କେବଳ ରାଜ୍ୟ ସରକାର ନୁହେଁ, କେନ୍ଦ୍ର ସରକାର ମଧ୍ୟ ଏଥିପାଇଁ ୨.୫ ଲକ୍ଷ ଟଙ୍କା ଦେବେ। ଅର୍ଥାତ୍ ଅନ୍ତଃଜାତୀୟ ବିବାହ କରୁଥିବା ଯୋଗ୍ୟ ମହିଳାଙ୍କୁ ସରକାରଙ୍କ ଠାରୁ ମୋଟ ଅଢ଼େଇ ଲକ୍ଷ ଟଙ୍କା ଆର୍ଥିକ ସହାୟତା ମିଳିବ।
ରକ୍ଷାବନ୍ଧନ ପର୍ବ ପୂର୍ବରୁ ସିଏମ ସମ୍ରାଟ ମହିଳାଙ୍କୁ ରୋଜଗାର ଓ ସ୍ବାସ୍ଥ୍ୟ ସହ ଯୋଡ଼ିବା ପାଇଁ ଏକ ବିଶେଷ ଅଭିଯାନର ମଧ୍ୟ ଶୁଭାରମ୍ଭ କରିଛନ୍ତି। ସରକାରଙ୍କ ପକ୍ଷରୁ ମହିଳା ଓ ଶିଶୁଙ୍କ ସ୍ବାସ୍ଥ୍ୟକୁ ନେଇ ମଧ୍ୟ ଗୁରୁତ୍ୱ ଦିଆଯାଉଛି।
ରକ୍ଷାବନ୍ଧନ ପର୍ବ ପୂର୍ବରୁ ସିଏମ ସମ୍ରାଟ ମହିଳାଙ୍କୁ ରୋଜଗାର ଓ ସ୍ବାସ୍ଥ୍ୟ ସହ ଯୋଡ଼ିବା ପାଇଁ ଏକ ବିଶେଷ ଅଭିଯାନର ମଧ୍ୟ ଶୁଭାରମ୍ଭ କରିଛନ୍ତି। ସରକାରଙ୍କ ପକ୍ଷରୁ ମହିଳା ଓ ଶିଶୁଙ୍କ ସ୍ବାସ୍ଥ୍ୟକୁ ନେଇ ମଧ୍ୟ ଗୁରୁତ୍ୱ ଦିଆଯାଉଛି।
ମହିଳାଙ୍କ ସ୍ବାସ୍ଥ୍ୟ ପାଇଁ ବିହାର ସରକାର ‘ଅନିମିଆ ମୁକ୍ତ ବିହାର’ ଅଭିଯାନ ଆରମ୍ଭ କରିଛନ୍ତି। ମୁଖ୍ୟମନ୍ତ୍ରୀ କହିଛନ୍ତି ଯେ ମହିଳା ଓ ଶିଶୁଙ୍କ ସ୍ବାସ୍ଥ୍ୟକୁ ଉନ୍ନତ କରିବା ପାଇଁ ଏହି ଅଭିଯାନ ଚାଲିବ।
ଏହି ଅଭିଯାନ ଅଧୀନରେ ବିହାରରେ ଶିଶୁ, ମହିଳା ଏବଂ ବିଶେଷକରି ଗର୍ଭବତୀ ମହିଳାଙ୍କର ଅନିମିଆ ପରୀକ୍ଷା କରାଯିବ। ଯେଉଁମାନଙ୍କଠାରେ ଅନିମିଆ ଚିହ୍ନଟ ହେବ, ସେମାନଙ୍କୁ ଆବଶ୍ୟକତା ଅନୁଯାୟୀ ଚିକିତ୍ସା ଯୋଗାଇ ଦିଆଯିବ।
ଏହି ଅଭିଯାନ ଅଗଷ୍ଟ ୨୫ରୁ ନଭେମ୍ବର ୩୦, ୨୦୨୬ ପର୍ଯ୍ୟନ୍ତ ଚାଲିବ। ସରକାରଙ୍କ ଲକ୍ଷ୍ୟ ହେଉଛି ଏହି ଅଭିଯାନ ମାଧ୍ୟମରେ ୧ କୋଟି ୨୦ ଲକ୍ଷ ୮୨ ହଜାର ୫୦୦ ମହିଳାଙ୍କ ପାଖରେ ପହଞ୍ଚିବା।
