ନୂଆଦିଲ୍ଲୀ, ୨୩।୮: ଦେଶରେ କରୋନା ମହାମାରୀ ସଂକ୍ରମଣ ବଢ଼ିବାରେ ଲାଗିଛି। ପ୍ରତିଦିନ ନୂଆ ଆକ୍ରାନ୍ତ ଏବଂ ମୃତକଙ୍କ ସଂଖ୍ୟା ବଢ଼ିଚାଲିଛି। ଏହା ସରକାରଙ୍କ ପାଇଁ ଚିନ୍ତାର କାରଣ ପାଲଟିଛି। ତେବେ ଇତିମଧ୍ୟରେ ଦିଲ୍ଲୀରୁ ଖୁସି ଖବର ଆସିଛି। ଆସନ୍ତା ୭୮୩ ଦିନ ମଧ୍ୟରେ ଭାରତରେ କରୋନା ଟୀକା ମିଳିବ ବୋଲି କୁହାଯାଉଛି। ଏଥି୍ପାଇଁ ଏବେ କାଉଣ୍ଟ୍ଡାଉନ୍ ଆରମ୍ଭ ହୋଇଛି। ପୁଣେର ସିରମ୍ ଇନଷ୍ଟିଚ୍ୟୁଟ୍ ପକ୍ଷରୁ ପ୍ରସ୍ତୁତ କରାଯାଇଥିବା କରୋଟା ଟୀକା କୋଭିଶିଲ୍ଡ ବଜାରରେ ମିଳିବାକୁ ଯାଉଛି। ରାଷ୍ଟ୍ରୀୟ ଟୀକାକରଣ କାର୍ଯ୍ୟକ୍ରମ ଅନ୍ତର୍ଗତ ଭାରତ ସରକାର ମାଗଣାରେ ଟୀକା ଦେଶର ଜନସାଧାରଣଙ୍କୁ ଦେବେ। ଇତିମଧ୍ୟରେ କ୍ଲିନିକାଲ୍ ଟ୍ରାଏଲ୍ର ତୃତୀୟ ପର୍ଯ୍ୟାୟ ଟୀକାକରଣର ପ୍ରଥମ ଡୋଜ୍ ଆରମ୍ଭ ହୋଇ ସାରିଛି। ଏବେ ୨୯ ଦିନ ପରେ ଦ୍ୱିତୀୟ ଡୋଜ୍ ଦିଆଯିବ। ଭାରତର ଜନସଂଖ୍ୟା ୧୩୦ କୋଟିରୁ ଅଧିକ ରହିଛି। ସିରମ୍ ଇନଷ୍ଟିଚ୍ୟୁଟ୍ଠାରୁ ଭାରତ ସରକାର ୨୦୨୨ ମଧ୍ୟରେ ୬୮ କୋଟି ଡୋଜ୍ ଟୀକା କିଣିବେ। ଏଥିପାଇଁ ସିରମ୍ ଇନଷ୍ଟିଚ୍ୟୁଟ୍ ପ୍ରତିମାସରେ ୬ କୋଟି ଟୀକା ପ୍ରସ୍ତୁତ କରିବ। ୨୦୨୧ ବେଳକୁ ପ୍ରତିମାସରେ ୧୦ କୋଟି ଟୀକା ପ୍ରସ୍ତୁ କରିବା ଲାଗି ସିରମ୍ ଇନଷ୍ଟିଚ୍ୟୁଟ୍ ଉଦ୍ୟମ କରିବ। ଅବଶିଷ୍ଟ ଟୀକା ଭାରତ ସରକାର ଅନ୍ୟ ଔଷଧ କମ୍ପାନୀଠାରୁ କିଣିବେ ବୋଲି କୁହାଯାଉଛି।
