ଫାଷ୍ଟଫୁଡ୍ ମଧ୍ୟରେ ଲୋକଙ୍କ ପ୍ରଥମ ପସନ୍ଦ ହେଉଛି ବର୍ଗର। ଭାରତରେ ମଧ୍ୟ ଲୋକେ ଏହାକୁ ଖାଇବା ପାଇଁ ପାଗଳପ୍ରାୟ। ଏଠାରେ ବର୍ଗର ସାଧାରଣତଃ ୫୦ରୁ ୫୦୦ ଟଙ୍କାରେ ମିଳିଥାଏ। କିନ୍ତୁ ଆମେରିକାରେ ଏକ ବର୍ଗରର ଦାମ୍ ୫୯ ଡଲାର ଅର୍ଥାତ୍ ଭାରତୀୟ ମୁଦ୍ରାରେ ୪୩୩୦ ଟଙ୍କାରେ ବିକ୍ରି ହେଉଛି।
ଏହି ମହଙ୍ଗା ବର୍ଗର ଆମେରିକାର ଏକ ରେଷ୍ଟୁରାଣ୍ଟରେ ଉପଲବ୍ଧ। ଏହାର ବିଶେଷତ୍ୱ ହେଉଛି ଏଥିରେ ସୁନା କାମ ହୋଇଛି। ଗ୍ରାହକଙ୍କୁ ଆକର୍ଷିତ କରିବା ପାଇଁ ଏହାକୁ ୨୪ କ୍ୟାରେଟ୍ର ନାମ ଦିଆଯାଇଛି।
ସାଉଥ ଚାଇନା ମର୍ନିଂ ଅନୁଯାୟୀ ରେଷ୍ଟୁରାଣ୍ଟର ରୋଷେୟା ମାରିଆ ପାଉଲା କହିଛନ୍ତି ଯେ, ରେଷ୍ଟୁରାଣ୍ଟରେ ଥିବା ହାମବର୍ଗରକୁ ପ୍ରଥମେ ପ୍ଲାଷ୍ଟିକରେ ଭର୍ତ୍ତି କରାଯାଇ ତା’ଉପରେ ସୁନାର ଆବରଣ ଦିଆଯାଇଛି। ପାଉଲା ମଧ୍ୟ ଏହି ବର୍ଗର କିପରି ପ୍ରସ୍ତୁତ କରାଯାଇଛି ସେ ସମ୍ପର୍କରେ ବ୍ୟାଖ୍ୟା କରିଛନ୍ତି। ସେ କହିଛନ୍ତି, ଏହା ନଷ୍ଟ ହେବ ନାହିଁ। ଯଦି ଏହା ଆପଣଙ୍କ ଆଙ୍ଗୁଳିରେ ଲାଗିଯିବ ତେବେ ନଷ୍ଟ ହୋଇଯିବ।
