ନୂଆଦିଲ୍ଲୀ,୨୨ା୧୦: ଚଳିତ ପାର୍ବଣ ଉପଲକ୍ଷେ ଗୋଦ୍ରେଜ୍ ଆପ୍ଲାଏନ୍ସେସ୍ର ନ୍ୟୁ ମାଇକ୍ରୋ ଓଭେନ୍ର ସର୍ବଭାରତୀୟ ଉନ୍ମୋଚନ କରାଯାଇଛି। ଏଥିରେ ଥିବା ଅଏଲ୍-ଫ୍ରି ହେଲ୍ଦି ଫ୍ରାଏ ମୋଡ୍ ଏହାକୁ ଏକ ଠିକ୍ ୨-ଇନ୍-୧ ମେଶିନରେ ପରିଣତ କରିଛି। ଏହାଦ୍ୱାରା ନିଜ ପସନ୍ଦର ଖାଦ୍ୟ ତିଆରି କରିବା ଲାଗି ଏକାଧିକ ଆପ୍ଲାଏନ୍ସେସ୍ ବ୍ୟବହାର କରିବାକୁ ପଡ଼ିବ ନାହିଁ। ଏହାର ଉନ୍ନତ କୁକିଂ ପ୍ରଯୁକ୍ତି ଆପଣମାନଙ୍କୁ ପସନ୍ଦର ଫ୍ରାଏଡ୍ ଫୁଡ୍ ଯଥା ଫ୍ରେଞ୍ଚ୍ ଫ୍ରାଇଜ୍, ସମୋସା, ପକୋଡା ଏବଂ କଟ୍ଲେଟ୍ ଆଦି ରୋଷେଇ କରିବାର ସୁବିଧା ପ୍ରଦାନ କରିବ ଏବଂ ପାରମ୍ପରିକ ରୋଷେଇ ପଦ୍ଧତି ତୁଳନାରେ ଏଥିରେ ୯୦% କମ୍ ତେଲ ଖର୍ଚ୍ଚ ହେବ। ମାଇକ୍ରୋୱେଭ୍ ଓଭେନ୍ର କ୍ୟାବିନେଟ୍ର କ୍ଷମତା ଅଧିକ ଥିବାରୁ ୩ଗୁଣା ଅଧିକ ଖାଦ୍ୟ ଏଥିରେ ରୋଷେଇ କରି ହେଉଛି ଏବଂ ୩୩% କମ୍ ସମୟ ଲାଗୁଛି। ଏଥିରେ ବିଭିନ୍ନ ପ୍ରକାରର ମୋଡ୍ ଏବଂ ପ୍ରି-ସେଟ୍ ମେନୁ ରହିଛି ଯାହା ଫ୍ରାଏ, ଗ୍ରିଲ୍, ବେକିଂ, ରୋଷ୍ଟିଂ, ଟୋଷ୍ଟିଂ, ଷ୍ଟିମିଂ ଏବଂ ବଏଲିଂ ଆଦି କାର୍ଯ୍ୟ ପାଇଁ ବେଶ୍ ଉପଯୁକ୍ତ।
ଏ ସମ୍ପର୍କରେ ଗୋଦ୍ରେଜ୍ ଆପ୍ଲାଏନ୍ସେସ୍ର ବ୍ୟବସାୟ ମୁଖ୍ୟ ଓ କାର୍ଯ୍ୟନିର୍ବାହୀ ଉପସଭାପତି କମଳ ନନ୍ଦୀ କହିଛନ୍ତି, କୋଭିଡ୍ ମହାମାରୀ ପରେ ଭାରତୀୟମାନେ ସାଧାରଣରେ ଅଧିକ ସ୍ବାସ୍ଥ୍ୟ ସଚେତନ ହୋଇପଡ଼ିଛନ୍ତି। ଏହା ସେମାନଙ୍କ କିଣାକିଣି ଏବଂ ପସନ୍ଦରେ ହୋଇଥିବା ପରିବର୍ତ୍ତନରୁ ଜଣାପଡ଼ିଛି। ଏପରିକି ମହାମାରୀ ପରେ ଏକ ବର୍ଗ ଭାବେ ମାଇକ୍ରୋଓଭେନ୍ରେ ବୃଦ୍ଧି ଘଟିଛି। ଚଳିତ ଆର୍ଥିକ ବର୍ଷରେ ଏହି ବର୍ଗରେ ଆମେ ୧୫%ରୁ ଅଧିକ ବୃଦ୍ଧି ଆଶା କରୁଛୁ। ଗୋଦ୍ରେଜ୍ ଆପ୍ଲାଏନ୍ସେସ୍ରେ ଆମେ ଚିନ୍ତାଶୀଳ ଭାବେ ପ୍ରସ୍ତୁତ ସମାଧାନ ପ୍ରଦାନ କରିବାକୁ ପ୍ରତିବଦ୍ଧ ରହିଛୁ। ଏହା ଗ୍ରାହକମାନଙ୍କ ସ୍ବାସ୍ଥ୍ୟ ଓ କଲ୍ୟାଣରେ ଉନ୍ନତି ଆଣିପାରିବ। ଆମର ପାରମ୍ପରିକ ମାଇକ୍ରୋଓଭେନ୍ରେ ଥିବା ଅଏଲ୍-ଫ୍ରି ହେଲ୍ଥ ଫ୍ରାଏ ମୋଡ୍ ତା’ର ହେଉଛି ଏକ ସ୍ପଷ୍ଟ ଉଦାହରଣ।
