ସୋସିଆଲ ମିଡିଆରେ ବେଳେବେଳେ ଏମିତି କିଛି ଭିଡିଓ ଭାଇରାଲ ହୋଇଥାଏ, ଯାହା ମଣିଷମାନଙ୍କର ହୃଦୟ ଜିତିଥାଏ ଆଉ ଏମିତି ଭିଡିଓ ଦେଖିବାକୁ ବାରମ୍ବାର ମନ ହୁଏ। ଆପଣ ନିଶ୍ଚିତ ଭାବରେ ଇଣ୍ଟରନେଟ୍ରେ ପଶୁପକ୍ଷୀ ମଜା କରିବାର ଅନେକ ଭିଡିଓ ଦେଖିଥିବେ। କିନ୍ତୁ ଏବେ ଯେଉଁ ଭିଡିଓ ସାମ୍ନାକୁ ଆସିଛି ତାହା ସେମାନଙ୍କ ବନ୍ଧୁତାର ପରିଚୟ ଦେଉଛି। ସୋସିଆଲ ମିଡିଆରେ ମାଙ୍କଡ଼ ଏବଂ ଛେଳି ଏକା ସାଙ୍ଗରେ ଖାଉଥିବା ଏକ ଭିଡିଓ ଭାଇରାଲ ହେଉଛି। ଏହି ଭିଡିଓ ଆପଣଙ୍କ ହୃଦୟକୁ ନିଶ୍ଚିତ ଜିଣିବ।
ଭିଡିଓରେ ଦେଖିବାକୁ ମିଳିଛି, ଜଣେ ବ୍ୟକ୍ତି ଜଙ୍ଗଲରେ ଥାଇ ତାଙ୍କ ଛେଳିକୁ ଡାକୁଛନ୍ତି। ତାଙ୍କ ସ୍ବର ଶୁଣି ଜଙ୍ଗଲ ପାର୍ଶ୍ୱରୁ ଏକ ଛେଳି ତାଙ୍କ ପାଖକୁ ଆସୁଛି। କିନ୍ତୁ ଆଶ୍ଚର୍ଯ୍ୟର କଥା ହେଉଛି ଛେଳିର ବେକକୁ ଧରି ଏକ ମାଙ୍କଡ଼ ତା’ ପିଠି ଉପରେ ବସିଛି।
ଏହି ଭିଡିଓଟି Kristi Yamaguccimane (@wapplehouse ନାମକ ଏକ ଟୁଇଟର ଆକାଉଣ୍ଟରେ ଶେୟାର କରାଯାଇଛି।
ଗୋଟିଏ କୋଳି ନେବା ପରେ, ମାଙ୍କଡ଼ ଆଉ କିଛି କୋଳି ନେବାକୁ ଚାହୁଁଛି। ଏଥିପାଇଁ ତାକୁ ପ୍ରଥମେ ଏକ ଆରାମଦାୟକ ସ୍ଥାନ ଦରକାର ପଡୁଛି। ସେ ତା’ପରେ ଛେଳିର ପିଠିରେ ବସିପଡୁଛି। ଏହା ପରେ ସେ ଆରାମରେ କୋଳି ଖାଉଛି।
ଦୁଇଟି ଛୋଟ ତଥା ନିରୀହ ପ୍ରାଣୀଙ୍କ ମଧ୍ୟରେ ଅବିଶ୍ୱସନୀୟ ପ୍ରେମ ପ୍ରଦର୍ଶନ କରୁଥିବା ଏହି ଭିଡିଓକୁ ସୋସିଆଲ ମିଡିଆରେ ଲୋକମାନେ ପସନ୍ଦ କରୁଛନ୍ତି। ଏପର୍ଯ୍ୟନ୍ତ ୧୩ ଲକ୍ଷରୁ ଅଧିକ ଲୋକ ଏହି ଭିଡିଓକୁ ଦେଖିଥିବାବେଳେ ୬ ଲକ୍ଷରୁ ଅଧିକ ଲୋକ ଏହାକୁ ପସନ୍ଦ କରିଛନ୍ତି। ୧ ଲକ୍ଷରୁ ଅଧିକ ଲୋକ ଭିଡିଓକୁ ରିଟୁଇଟ୍ ବି କରିଛନ୍ତି।
