ପାଟନା,୧୭।୭ : ଯଦିଓ ଜୁଲାଇ ୧୮ ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଅନୁଷ୍ଠିତ ହେବାକୁ ଥିବା ଏନଡିଏ ବୈଠକରେ ଯୋଗଦେବାକୁ ଚିରାଗ ପାସୱାନଙ୍କ ଲୋକ ଜନତା ପାର୍ଟି (ରାମ ଭିଲାସ) ନିମନ୍ତ୍ରଣ ପାଇଛି। ତଥାପି ଚିରାଗ ପାସୱାନ ଏହି ବୈଠକରେ ଯୋଗଦେବା ପାଇଁ ଭାଜପା ସମ୍ମୁଖରେ କିଛି ସର୍ତ୍ତ ରଖିଛନ୍ତି। ଏନଡିଏ ବୈଠକରେ ଯୋଗଦେବା ପୂର୍ବରୁ ଚିରାଗ ପାସୱାନ ଭାରତୀୟ ଜନତା ପାର୍ଟି ସମ୍ମୁଖରେ ଦାବି କରିଛନ୍ତି ତାଙ୍କ ଦଳକୁ ଲୋକସଭା ନିର୍ବାଚନରେ ୬ଟି ଆସନ ଏବଂ ଗୋଟିଏ ରାଜ୍ୟସଭା ଆସନ ଦେବାର ନିର୍ଭର ପ୍ରତିଶ୍ରୁତି ମିଳିବା ପରେ ସେ ଏନଡିଏରେ ଯୋଗଦେବେ।
ସୂଚନାନୁସାରେ, ଚିରାଗ ପାସୱାନ କହିଛନ୍ତି ଏଲଜେପିରେ ବିଭାଜନ ପୂର୍ବରୁ ଦଳ ୨୦୧୯ ଲୋକସଭା ନିର୍ବାଚନରେ ୬ଟି ଆସନ ପାଇଥିଲା ଏବଂ ସମସ୍ତ ଆସନ ଜିତିଥିଲା। ସେଥିପାଇଁ ଚିରାଗ ପାସୱାନ ସମସ୍ତ ୬ ଟି ଲୋକସଭା ଆସନରେ ଦାବି କରିଛନ୍ତି। ଉଲ୍ଲେଖନୀୟ କଥା ହେଉଛି, ୨୦୨୧ ମସିହାରେଏଲେଜେପି ବିଭାଜିତ ହୋଇଥିଲା ଏବଂ ସେତେବେଳେ ଚିରାଗ ପାସୱାନଙ୍କ ଚାଚା ପଶୁପତି ପରାସଙ୍କ ନେତୃତ୍ୱରେ ରାଷ୍ଟ୍ରୀୟ ଲୋକକଳା ପାର୍ଟି ଗଠନ କରାଯାଇଥିଲା, ଯାହା ସେହି ସମୟରେ ଏନଡିଏରେ ଯୋଗ ଦେଇଥିଲା ଏବଂ ପରେ ପଶୁପତି କେନ୍ଦ୍ରରେ ମନ୍ତ୍ରୀ ହୋଇଥିଲେ। ଅନ୍ୟପକ୍ଷରେ, ଚିରାଗ ପାସୱାନଙ୍କ ନେତୃତ୍ୱରେ ଲୋକ ଜନଶକ୍ତି ପାର୍ଟି (ରାମ ବିଲାସ) ଗଠନ କରାଯାଇଥିଲା।
