ଜୟପୁର,୯।୧ : ଜେଡିଏ କାର୍ଯ୍ୟନିର୍ବାହୀ ଦଳ ସୋମବାର ସକାଳ ସାଢ଼େ ୭ଟା ରୁ ଜୟପୁରର ଜୋନ-୫ ଅଞ୍ଚଳର ଗୋପାଳପୁର ବାଇପାସ ମୁଖ୍ୟ ରୋଡ ଗୁର୍ଜର ଥାଡିରେ ପହଞ୍ଚିଛି। ଯେଉଁଠାରେ ଶିକ୍ଷକ ନିଯୁକ୍ତି ପରୀକ୍ଷା ପେପର ଲିକ ମାମଲାରେ ମୁଖ୍ୟ ଅଭିଯୁକ୍ତଙ୍କ ଦ୍ୱାରା ପରିଚାଳିତ ଅଧିଗମ କୋଚିଂ ଇନଷ୍ଟିଚ୍ୟୁଟ ବିଲଡିଂ ଉପରେ ବୁଲଡୋଜରର ଚଲାଯାଇଛି।
ପୂର୍ବରୁ ଉତ୍ତରପ୍ରଦେଶରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ସରକାର ଏଭଳି କରୁଥିଲେ। ଏବେ ଯୋଗୀଙ୍କୁ ଅନୁସରଣ କରି ରାଜସ୍ଥାନର ମୁଖ୍ୟମନ୍ତ୍ରୀ ଆଶୋକ ଗେହଲଟ ସରକାର ସମାନ ଧାରାରେ କାର୍ଯ୍ୟ କରିଛନ୍ତି।
ଆଇନଗତ ପ୍ରକ୍ରିୟା ଗ୍ରହଣ କରି ପ୍ରାଧିକୃତସ୍ତରରେ ଅନୁମତି ନେଇ ବେଆଇନ ବାଣିଜି୍ୟକ କୋଠାକୁ ଭାଙ୍ଗି ଦିଆଯାଇଛି। ଧାର୍ଯ୍ୟ ସମୟ ମଧ୍ୟରେ ବିଜ୍ଞପ୍ତିର ଉତ୍ତର ଦିଆଯାଇ ନ ଥିବାରୁ ଏଭଳି କରାଯାଇଥିବା ପ୍ରଶାସନ କହିଛି। ଜିଡିଏର ମୁଖ୍ୟ ନିୟନ୍ତ୍ରକ ଏନଫୋର୍ସମେଣ୍ଟ, ସମସ୍ତ ସବ-କଣ୍ଟ୍ରୋଲର୍, ଜୋନ -୫ ର ଡେପୁଟି କମିଶନର, ସମସ୍ତ କାର୍ଯ୍ୟନିର୍ବାହୀ ଅଧିକାରୀ,ଇଞ୍ଜିନିୟରିଂ ଦଳ, ଜୟପୁର ପୋଲିସ କମିଶନର ମାନସରୋବର ଏସିପି ପ୍ରମୁଖଙ୍କ ଉପସ୍ଥିତିରେ କୋଠାକୁ ଭଙ୍ଗା ଯାଇଛି। ଶାନ୍ତି ବଜାୟ ରଖିବା ପାଇଁ ୫୦ଜଣ ପୋଲିସ କର୍ମଚାରୀଙ୍କୁ ମୁତୟନ କରାଯାଇଥିଲା।
ବିଲ୍ଡିଂ ନିୟମ ଉଲ୍ଲଂଘନ, ଆବାସିକ ଜମି ଉପରେ ବେଆଇନ ବ୍ୟବସାୟିକ ନିର୍ମାଣ ଏବଂ ରାସ୍ତା ଅବରୋଧ ଅଭିଯୋଗ ଆଧାରରେ ପଦକ୍ଷେପ ଗ୍ରହଣ କରାଯାଇଛି।
