ନୂଆଦିଲ୍ଲୀ,୨୫।୧ : କେନ୍ଦ୍ର ସରକାର ଗୁରୁବାର ଜାତୀୟ ସାହସିକତା ଏବଂ ସେବା ପୁରସ୍କାର ଘୋଷଣା କରିଛନ୍ତି। ସ୍ବରାଷ୍ଟ୍ର ମନ୍ତ୍ରଣାଳୟ ଦ୍ୱାରା ପ୍ରକାଶିତ ତାଲିକା ଅନୁଯାୟୀ ଚଳିତ ବର୍ଷ ପୋଲିସ, ଅଗ୍ନିଶମ ସେବା, ହୋମଗାର୍ଡ, ସିଭିଲ ଡିଫେନ୍ସ ଏବଂ ସୁଧାର ସେବା ବିଭାଗର ୧୧୩୨ କର୍ମଚାରୀ ଏହି ପୁରସ୍କାରରେ ସମ୍ମାନିତ ହେବେ।
ଏହି ପୁରସ୍କାରଗୁଡିକ ମଧ୍ୟରେ ଦୁଇଜଣ କର୍ମଚାରୀଙ୍କୁ ରାଷ୍ଟ୍ରପତି ଗାଲାଣ୍ଟ୍ରି ପୁରସ୍କାର (ପିଜିଏମ) ରେ ସମ୍ମାନିତ କରାଯିବ। ଏଥିସହିତ ୨୭୫ ଜଣ କର୍ମଚାରୀଙ୍କୁ ଗାଲାଣ୍ଟ୍ରି ପୁରସ୍କାର (ଜିଏମ) ପ୍ରଦାନ କରାଯିବ। ଏହି ମୋଟ ୨୭୭ ଗ୍ୟାଲେଣ୍ଟ୍ରି ପୁରସ୍କାର ପ୍ରାପ୍ତକାରୀଙ୍କ ମଧ୍ୟରୁ ସର୍ବାଧିକ ୧୧୯ କର୍ମଚାରୀ ମାଓବାଦ ଏବଂ ନକ୍ସଲବାଦ ଦ୍ୱାରା ପ୍ରଭାବିତ ଅଞ୍ଚଳରେ ପୋଷ୍ଟ କରାଯାଇଛି। ଏହା ସହିତ ଜମ୍ମୁ-କଶ୍ମୀର ଅଞ୍ଚଳର ୧୩୩ଜଣ କର୍ମଚାରୀ ଅଛନ୍ତି। ଏଥି ସହିତ ଅନ୍ୟ ଅଞ୍ଚଳର ୨୫ ଜଣ କର୍ମଚାରୀ ମଧ୍ୟ ସେମାନଙ୍କର ସାହସିକତା ପାଇଁ ସମ୍ମାନିତ ହେବେ।
୨୭୫ ଗ୍ୟାଲେଣ୍ଟ୍ରି ପୁରସ୍କାର ମଧ୍ୟରୁ ଜମ୍ମୁ-କଶ୍ମୀର ପୋଲିସ କର୍ମଚାରୀଙ୍କୁ ସର୍ବାଧିକ ୭୨ ଗ୍ୟାଲେଣ୍ଟ୍ରି ପୁରସ୍କାର ପ୍ରଦାନ କରିବାକୁ ଘୋଷଣା କରାଯାଇଛି। ଏହା ପରେ ଛତିଶଗଡ ତାଲିକାରେ ଦ୍ୱିତୀୟ ସ୍ଥାନରେ ଅଛି। ଯେଉଁଠାରେ ୨୬ ଜଣ କର୍ମଚାରୀ ଏହି ସମ୍ମାନ ପାଇବେ । ଏହା ପରେ ଝାଡଖଣ୍ଡର ୨୩ ଜଣ କର୍ମଚାରୀ, ମହାରାଷ୍ଟ୍ରର ୧୮ ଜଣ, ଓଡିଶାର ୧୫ ଜଣ, ଦିଲ୍ଲୀର ୮ ଜଣ, ସିଆରପିଏଫର ୬୫ ଜଣ ଏବଂ ଏସସିବି-ସିଏପିଏଫ ଏବଂ ଅନ୍ୟାନ୍ୟ ରାଜ୍ୟ-ୟୁନିଅନର ସେବା ବିଭାଗର ୨୧ ଜଣ କର୍ମଚାରୀଙ୍କୁ ଗ୍ୟାଲେଣ୍ଟ୍ରି ପୁରସ୍କାର ପ୍ରଦାନ କରାଯିବ।
ଏହି ଗ୍ୟାଲେଣ୍ଟ୍ରି ପୁରସ୍କାର ସହିତ ବିଶିଷ୍ଟ ସେବା ପାଇଁ ରାଷ୍ଟ୍ରପତିଙ୍କ ଦ୍ୱାରା ୧୦୨ପଦକ ପ୍ରଦାନ କରାଯିବ। ସେଥିମଧ୍ୟରୁ ପୋଲିସ ସେବାକୁ ୯୪, ଫାୟାର ସର୍ଭିସକୁ ଚାରିଟି, ସିଭିଲ ଡିଫେନ୍ସ ଏବଂ ହୋମ ଗାର୍ଡ ସେବାକୁ ପଦକ ପ୍ରଦାନ କରିବାକୁ ଘୋଷଣା କରାଯାଇଛି। ରାଷ୍ଟ୍ରପତିଙ୍କ ସ୍ବତନ୍ତ୍ର ସେବା ପୁରସ୍କାର ବ୍ୟତୀତ, ସମ୍ମାନଜନକ ସେବା ପାଇଁ ୭୫୩ପୁରସ୍କାର ମଧ୍ୟ ଘୋଷଣା କରାଯାଇଛି । ସେଥିମଧ୍ୟରୁ ୬୬୭ ଟି ପୋଲିସ ସେବାକୁ, ୩୨ଟି ଅଗ୍ନିଶମ ସେବାକୁ, ୨୭ ଟି ସିଭିଲ ଡିଫେନ୍ସ-ହୋମ ଗାର୍ଡ ସେବାକୁ ଏବଂ ୨୭ ଜଣଙ୍କୁ ସୁଧାର ସେବା କର୍ମଚାରୀଙ୍କୁ ପ୍ରଦାନ କରିବାକୁ ଘୋଷଣା କରାଯାଇଛି।
