ନୂଆଦିଲ୍ଲୀ,୮।୯: ଜି-୨୦ନେଇ ରାଜଧାନୀ ଦିଲ୍ଲୀରେ ପ୍ରସ୍ତୁତ ଶେଷ ହୋଇ ସାରିଛି। ବ୍ରିଟେନ୍ ପ୍ରଧାନମନ୍ତ୍ରୀ ଋଷି ସୁନକ ଓ ଇଟାଲୀ ପ୍ରଧାନମନ୍ତ୍ରୀ ଜର୍ଜିଆ ମେଲୋନି ଦିଲ୍ଲୀରେ ପହଞ୍ଚି ସାରିଛନ୍ତି। ସେହିପରି ଆମେରିକା ରାଷ୍ଟ୍ରପତି ଜୋ ବାଇଡେନ ଓ ସାଉଦି ଆରବର କ୍ରାଉନ ପ୍ରିନ୍ସ ମହମ୍ମଦ ବିନ ସଲମାନ ମଧ୍ୟ ଭାରତ ଆସୁଛନ୍ତି। ତେବେ ଏକ ଜାତୀୟ ଗଣମାଧ୍ୟର ସୂଚନା ଅନୁଯାୟୀ, ପିଏମ ମୋଦି ଏହି ନୁଇ ନେତାଙ୍କ ସମେତି ଜି-୨୦ର କିଛି ଅତିଥି ଦେଶଙ୍କ ମଧ୍ୟରେ ରେଳ ଚୁକ୍ତି କରିପାରନ୍ତି। ଏହି ଚୁକ୍ତି ପଛର କାରଣ ହେଉଛି ମଧ୍ୟ ପୂର୍ବରେ ଚାଇନା ନିଜ ଅଧିକାର ସାବ୍ୟସ୍ତ କରିବାକୁ ମୁଣ୍ଡ ପୁରାଇଲାଣି।
ଚାଇନାର ବେଲ୍ଟ ଏବଂ ରୋଡ ଇନିସିଏଟିଭକୁ ପ୍ରତିହତ କରିବା ଉଦ୍ଦେଶ୍ୟରେ, ଏହି ଚୁକ୍ତି ସମ୍ମିଳନୀ ସମୟରେ କିମ୍ବା ଦ୍ୱିପାକ୍ଷିକ ଆଲୋଚନା ସମୟରେ ଚୂଡ଼ାନ୍ତ କରାଯିବ। ଆମେରିକାରେ ଏହି ଆଲୋଚନା ମଧ୍ୟ ଜୋର ଧରିଛି। କାରଣ ଯଦି ଏହି ଚୁକ୍ତି ଚୂଡାନ୍ତ ରୂପ ନିଏ ତେବେ ମଧ୍ୟ ପୂର୍ବରେ ବାଇଡେନ ସରକାର ନିଜର ନୀତି କାର୍ଯ୍ୟକାରୀ କରିବା ସହଜ ହେବ। ଉଦାହରଣ ସ୍ବରୂପ, ଇସ୍ରାଏଲ ଏବଂ ସାଉଦି ଆରବ ମଧ୍ୟରେ ସମ୍ପର୍କ ସୁଦୃଢ ହେବ। ଏହି ନୂଆ ପ୍ରକଳ୍ପ ଦ୍ୱାରା ଚାଇନାକୁ ଉଚିତ୍ ଜବାବ ଦିଆଯାଇ ପାରିବ।
