ଏମିତି ବିବାହ ନାହିଁ ଯେଉଁଠି ବରକନ୍ୟାଙ୍କ ସାଙ୍ଗସାଥୀ ଉପସ୍ଥିତ ନ ଥିବେ। ବିବାହରେ ସାଙ୍ଗମାନେ ଥଟ୍ଟାମଜା କରି ବେଶ୍ ଆନନ୍ଦିତ ହୋଇଥାନ୍ତି। ବର୍ତ୍ତମାନ ସୋସିଆଲ ମିଡିଆରେ ବିବାହ ସମୟର ସେମିତି ଏକ ମଜାଳିଆ ଭିଡିଓ ଭାଇରାଲ ହେଉଛି।
ଏହି ଭିଡିଓରେ, ବରକନ୍ୟା ଷ୍ଟେଜ୍ ଉପରେ ବସିଥିବା ବେଳେ ତାଙ୍କ ଉପରେ ନୋଟ୍ ବର୍ଷା କରୁଛନ୍ତି କିଛି ବନ୍ଧୁ। କିନ୍ତୁ ମଝିରେ ବନ୍ଧୁ ଜଣଙ୍କ ଏପରି କଲେ ଯେ ଯାହା ବରଙ୍କୁ ପସନ୍ଦ ଆସିଲାନି। ସେ ହଠାତ୍ ରାଗିଗଲେ।
View this post on Instagram
ଭାଇରାଲ ହେଉଥିବା ଏହି ଭିଡିଓଟି ଇନ୍ଷ୍ଟାଗ୍ରାମରେ ଶେୟାର କରାଯାଇଛି। ଏଥିରେ ବରକନ୍ୟା ମଞ୍ଚ ଉପରେ ବସିଛନ୍ତି। ସେମାନଙ୍କ ସାମ୍ନାରେ ଠିଆ ହୋଇଥିବା ଦୁଇଜଣ ବନ୍ଧୁ ନୋଟ୍ ବର୍ଷା କରୁଛନ୍ତି। ପରେ ଜଣେ ବନ୍ଧୁ ନୋଟ୍ ଉଡ଼ାଇବା ସମୟରେ ବରକନ୍ୟାଙ୍କ ଉପରେ ପଡ଼ି ଯାଉଛନ୍ତି। ଏହା ଦେଖି ଖୁବ୍ ଜୋରରେ ବର ଜଣକ ରାଗି ବନ୍ଧୁଙ୍କୁ ଚାପୁଡ଼ା ମାରିବା ସହ ସେଠାରୁ ଚାଲିଯିବାକୁ କହିଥିଲେ।
ଭିଡିଓଟିକୁ ବର୍ତ୍ତମାନ ସୁଦ୍ଧା ୧ ଲକ୍ଷରୁ ଅଧିକ ଲୋକ ପସନ୍ଦ କରିଛନ୍ତି। ଲୋକମାନେ ଭିଡିଓରେ ମଜାଳିଆ ମନ୍ତବ୍ୟ ମଧ୍ୟ ଦେଉଛନ୍ତି। ଜଣେ ୟୁଜର ଲେଖିଛନ୍ତି, ଏତେ ଟଙ୍କା ଉଡ଼ାଇବାର କ’ଣ ଆବଶ୍ୟକତା କ’ଣ। ସେହିପରି ଅନ୍ୟ ଜଣେ ଲେଖିଛନ୍ତି, ମିଳିଗଲା ତ ପୁରସ୍କାର।
