ଲଭିଭ୍‌ରେ ଘନଘନ କ୍ଷେପଣାସ୍ତ୍ର ମାଡ଼

ଲଭିଭ୍‌, ୨୮ା୩: ଫେବୃୟାରୀ ୨୪ରୁ ପଶ୍ଚିମ ୟୁକ୍ରେନ୍‌ର ଲଭିଭ୍‌ ସହର ରୁଷିଆର ପ୍ରଚଣ୍ଡ ଆକ୍ରମଣରୁ ଏକପ୍ରକାର ରକ୍ଷା ପାଇଥିବାବେଳେ ହଠାତ୍‌ ଘନଘନ ରୁଷୀୟ ମିଶାଇଲର ସାମ୍‌ନା କରିଛି। ଶନିବାର ଆମେରିକା ରାଷ୍ଟ୍ରପତି ଜୋ ବାଇଡେନ୍‌ଙ୍କ ପୋଲାଣ୍ଡ ଗସ୍ତବେଳଠାରୁ ଏହାର ସୀମା ନିକଟ ଲଭିଭ୍‌ ସହରରେ ରୁଷିଆ ଗୋଟିଏ ପରେ ଗୋଟିଏ ରକେଟ୍‌ ମାଡ଼ କରିଚାଲିଛି। ନାଟୋ ସଦସ୍ୟ ପୋଲାଣ୍ଡର ସୀମାଠାରୁ ମାତ୍ର ୭୦ କିଲୋମିଟର ଦୂରରେ ଥିବା ଲଭିଭ୍‌ରେ ମସ୍କୋର ତୀବ୍ର ଆକ୍ରମଣ ବାଇଡେନ୍‌ଙ୍କ ପାଇଁ ରୁଷିଆ ରାଷ୍ଟ୍ରପତି ଭ୍ଲାଡିମିର ପୁଟିନ୍‌ଙ୍କ ଏକ ବାର୍ତ୍ତା ବୋଲି ଏହି ସହରର ମେୟର ଆଣ୍ଡ୍ରି ସାଡୋଭି କହିଛନ୍ତି। ଏହା ଏକ ବାସ୍ତବ ବିପଦ ବୋଲି ପୁଟିନ୍‌ ବାଇଡେନ୍‌ଙ୍କୁ ଚେତାବନୀ ଦେଇଥିବା ସେ ପ୍ରକାଶ କରିଛନ୍ତି।
ଏବଂ ରଣନୈତିକ ଦୃଷ୍ଟିକୋଣରୁ ଲଭିଭ୍‌ ସହରର ବେଶ୍‌ ଗୁରୁତ୍ୱ ରହିଛି। ୧୯୩୯ ମସିହା ପୂର୍ବରୁ ଲଭିଭ୍‌ ପୋଲାଣ୍ଡର ଅଂଶ ଥିଲା। ୧୯୩୯ରେ ଜର୍ମାନ-ସୋଭିଏଟ୍‌ର ପୋଲାଣ୍ଡ ଆକ୍ରମଣ ପରେ ଏହା ସୋଭିଏଟ୍‌ ସଂଘର ଅଂଶ ହୋଇଥିଲା। ୧୯୪୪-୪୬ରେ ପୋଲାଣ୍ଡ ଓ ସୋଭିଏଟ୍‌ ୟୁକ୍ରେନ୍‌ ମଧ୍ୟରେ ପପୁଲେଶନ ଏକ୍ସଚେଞ୍ଜ ବା ଲୋକଙ୍କ ସ୍ଥାନାନ୍ତର ହୋଇଥିଲା। ୧୯୯୧ରେ ଲଭିଭ୍‌ ସ୍ବାଧୀନ ୟୁକ୍ରେନ୍‌ର ଅଂଶ ପାଲଟିଥିଲା। ପଶ୍ଚିମ ୟୁକ୍ରେନ୍‌ର ସବୁଠୁ ବଡ଼ ସହର ଲଭିଭ୍‌ ଏବେ ରୁଷିଆ ଟାର୍ଗେଟରେ। ଆମେରିକା ଓ ପାଶ୍ଚାତ୍ୟ ଦେଶ ୟୁକ୍ରେନ୍‌କୁ ଯୋଗାଉଥିବା ସାମରିକ ସହାୟତାର ପ୍ରମୁଖ ଟ୍ରାନ୍‌ଜିଟ୍‌ ପଏଣ୍ଟ ଲଭିଭ୍‌ରେ ରୁଷିଆ ଆକ୍ରମଣ କରି ସେଠାରେ ଥିବା ଯୁଦ୍ଧାସ୍ତ୍ର ଭଣ୍ଡାରକୁ ଟାର୍ଗେଟ କରିଛି। ଏଥିସହ କ୍ରୁଜ୍‌ ମିଶାଇଲ ଓ ଅନ୍ୟ ଦୂର ଲକ୍ଷ୍ୟଭେଦୀ କ୍ଷେପଣାସ୍ତ୍ର ଦ୍ୱାରା ଲଭିଭ୍‌ରେ ଥିବା ତୈଳ ଡିପୋ, ଆଣ୍ଟାଇ-ଏୟାରକ୍ରାଫ୍ଟ ସିଷ୍ଟମ୍‌ ମରାମତି ପାଇଁ ବ୍ୟବହାର ହେଉଥିବା ଏକ ପ୍ଲାଣ୍ଟ, ରାଡାର ସିଷ୍ଟମ, ଟ୍ୟାଙ୍କଗୁଡ଼ିକୁ ନଷ୍ଟ କରାଯାଇଥିବା ରୁଷିଆ ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ କୁହାଯାଇଛି। ୟୁକ୍ରେନ୍‌ର ତୈଳ ଡିପୋ ଉପରେ ମସ୍କୋ ଲଗାତର ଆକ୍ରମଣ କରି ଏହାର ଅର୍ଥନୀତିକୁ ଧ୍ୱଂସ କରିଦେବାକୁ ଉଦ୍ୟମ କରୁଥିବା କୁହାଯାଉଛି। ସେପଟେ ଲଭିଭ୍‌ରେ ମିଶାଇଲ ଷ୍ଟ୍ରାଇକ୍‌ର ଭିଡିଓ ଉକ୍ତ ମନ୍ତ୍ରଣାଳୟ ପକ୍ଷରୁ ଜାରି ହୋଇଛି। ରୁଷିଆ ଆକ୍ରମଣରେ ସାଧାରଣ ନାଗରିକ ଆହତ ହୋଇଥିବା ଲଭିଭ୍‌ ପ୍ରଶାସନ କହିଛି।

ୟୁକ୍ରେନ୍‌କୁ ଦୁଇ ଭାଗ କରିବାକୁ ଚାହୁଁଛି ରୁଷିଆ

ମିଲିଟାରି ଅପରେଶନ ନାଁରେ ୟୁକ୍ରେନ୍‌ରେ ଆକ୍ରମଣ ଜାରି ରଖିଥିବା ରୁଷିଆ ଏହି ପୂର୍ବ ୟୁରୋପୀୟ ଦେଶକୁ ଦୁଇ ଭାଗ କରିବାକୁ ଚାହୁଁଛି ବୋଲି ୟୁକ୍ରେନ୍‌ ଗୋଇନ୍ଦା ମୁଖ୍ୟ କିରିଲୋ ବୁଦାନୋଭ୍‌ କହିଛନ୍ତି। ଆକ୍ରମଣ ପୂର୍ବରୁ ଫେବୃୟାରୀ ୨୧ରେ ବିଚ୍ଛିନ୍ନତାବାଦୀଙ୍କ କବଳରେ ଥିବା ଡୋନ୍‌ବାସ୍‌ ଅଞ୍ଚଳର ଡୋନେସ୍କ ଓ ଲୁହାନ୍‌ସ୍କକୁ ରୁଷିଆ ରାଷ୍ଟ୍ରପତି ଭ୍ଲାଡିମିର ପୁଟିନ୍‌ ସ୍ବାଧୀନ ରାଷ୍ଟ୍ର ଘୋଷଣା କରିଥିଲେ। ଏବେ ଲୁହାନ୍‌ସ୍କକୁ ରୁଷିଆରେ ମିଶାଇବା ପାଇଁ ସେଠାରେ ଥିବା ବିଚ୍ଛିନ୍ନତାବାଦୀ ସଙ୍ଗଠନ ଉଦ୍ୟମ କରୁଛନ୍ତି। ରୁଷିଆର ଅଂଶ ହେବାପାଇଁ ସେହି ଅଞ୍ଚଳରେ ଗଣଭୋଟ୍‌ ହେବ ବୋଲି ଲୁହାନ୍‌ସ୍କର ମୁଖ୍ୟ ଲିଓନିଡ୍‌ ପାସେଚିଙ୍କ୍‌ କହିଛନ୍ତି। ଖୁବଶୀଘ୍ର ଲୁହାନ୍‌ସ୍କରେ ଭୋଟ ଗ୍ରହଣ ହେବ ଏବଂ ଲୋକେ ରୁଷିଆରେ ମିଶିବା ନିମନ୍ତେ ସେମାନଙ୍କ ମତ ଦେବେ ବୋଲି ଲିଓନିଡ୍‌ ପ୍ରକାଶ କରିଛନ୍ତି। ୨୦୧୪ରେ ରୁଷିଆ ଆକ୍ରମଣ କରି ୟୁକ୍ରେନ୍‌ର କ୍ରିମିଆ ଉପଦ୍ୱୀପକୁ କବ୍‌ଜା କରିବା ପରଠାରୁ ଡୋନେସ୍କ ଓ ଲୁହାନ୍‌ସ୍କ କିଭ୍‌ ନିୟନ୍ତ୍ରଣ ବାହାରକୁ ଚାଲିଯାଇଛି। ଏଠାକାର ଲୋକ ସାଧାରଣତଃ ରୁଷିଆ ଭାଷା କହିଥାନ୍ତି।


Enter your email to get our daily news in your inbox.

All Right Reserved By Dharitri.Com

କେଜ୍‌ରିଓ୍ବାଲଙ୍କ ଗିରଫଦାରୀକୁ ନେଇ ଆମେରିକା ଦେଇଥିବା ମନ୍ତବ୍ୟ ଉପରେ କଡ଼ା ଜବାବ ଦେଲା ଭାରତ

ନୂଆଦିଲ୍ଲୀ,୨୮।୩ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିଓ୍ବାଲଙ୍କ ଗିରଫଦାରୀ ଏବଂ କଂଗ୍ରେସର ବ୍ୟାଙ୍କ ଆକାଉଣ୍ଟକୁ ଅଚଳ କରାଯିବା ଘଟଣା ଉପରେ ଆମେରିକାର ମନ୍ତବ୍ୟ ଅବାଞ୍ଛିତ ବୋଲି...

ଭାରତର ଆପତ୍ତି ସତ୍ତ୍ୱେ ସୁଧୁରୁନି ଆମେରିକା, ପୁଣି କେଜ୍‌ରିଓ୍ବାଲଙ୍କ ଗିରଫକୁ ନେଇ ଏମିତି କହିଲା

ଓ୍ବାଶିଂଟନ୍‌,୨୮।୩: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିୱାଲଙ୍କ ଗିରଫଦାରୀ ଉପରେ ଆମେରିକା ପୁଣି ଥରେ ମନ୍ତବ୍ୟ ଦେଇଛି। ଭାରତ ବିରୋଧ ପ୍ରଦର୍ଶନ ସତ୍ତ୍ୱେ ଆମେରିକା ଏଥିରୁ ନିବୃତ୍ତ...

ରାଜକୁମାରୀଙ୍କୁ କ୍ୟାନସର, ତଥାପି ତୁଟୁନି ରାଜ ପରିବାର କଳି

ଲଣ୍ଡନ,୨୮।୩: ବ୍ରିଟିଶ ରାଜ ପରିବାରର ଦୁଇ ଭାଇଙ୍କ ମଧ୍ୟରେ ମତଭେଦ ବଢିବାରେ ଲାଗିଛି। ରାଜକୁମାରୀ କେଟ ମିଡଲେଟନ କ୍ୟାନସର ରୋଗ ସହ ସଂଗ୍ରାମ କରୁଛନ୍ତି। ଏହି...

୭୦ ହଜାର ସରକାରୀ କର୍ମଚାରୀଙ୍କୁ ଛଟେଇ କରିବେ ସରକାର

ନୂଆଦିଲ୍ଲୀ,୨୭।୩: ଦେଶର ଅର୍ଥନୀତିକୁ ସୁଧାରିବା ପାଇଁ ଆଗାମୀ ସମୟରେ ୭୦ ହଜାର କର୍ମଚାରୀଙ୍କୁ ଛଟେଇ କରିବେ ସରକାର। ମାର୍ଚ୍ଚ ୨୬ ରେ ଏକ କାର୍ୟ୍ୟକ୍ରମରେ ସମ୍ବୋଧନ...

ଥାଇଲାଣ୍ଡରେ ସମଲିଙ୍ଗୀ ବିବାହକୁ ମଞ୍ଜୁରୀ

ବ୍ୟାଙ୍କକ୍‌,୨୭ା୩:ଥାଇଲାଣ୍ଡ ପାର୍ଲାମେଣ୍ଟର ନିମ୍ନ ସଦନ ବୁଧବାର ସମଲିଙ୍ଗୀ ବିବାହ ସମ୍ପର୍କିତ ବିଲ୍‌କୁ ମଞ୍ଜୁରୀ ଦେଇଛି। ହାଉସ୍‌ ଅଫ୍‌ ରିପ୍ରେଜେଣ୍ଟେଟିଭ୍ସର ୪୧୫ ସଦସ୍ୟଙ୍କ ମଧ୍ୟରୁ ୪୦୦ ଜଣ...

କେଜ୍‌ରିଓ୍ବାଲଙ୍କ ଗିରଫଦାରୀକୁ ନେଇ ଆମେରିକା ଦେଇଥିବା ମନ୍ତବ୍ୟ ଉପରେ ଭାରତ ଅସନ୍ତୋଷ, ଆମେରିକା କୂଟନୀତିଜ୍ଞଙ୍କୁ…

ନୂଆଦିଲ୍ଲୀ,୨7୭।୩: ଦିଲ୍ଲୀ ଏକ୍ସାଇଜ ପଲିସି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ କେଜ୍‌ରିଓ୍ବାଲଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ଗିରଫ କରିଛି। ଏହି ଖବର ଆମେରିକାରୁ ଜର୍ମାନୀ ପର୍ଯ୍ୟନ୍ତ ପହଞ୍ଚିଥିବା ବେଳେ...

ଆମେରିକାର ବ୍ରିଜ୍‌ ଭୁଶୁଡିବା ଘଟଣା: ଜାହାଜ କ୍ରୁ ମେମ୍ବରଙ୍କୁ ମିଳିଲା ହିରୋ ଆଖ୍ୟା

ଓ୍ବାଶିଂଟନ୍‌,୨୭।୩: ଆମେରିକାର ମେରିଲ୍ୟାଣ୍ଡସ୍ଥିତ ବାଲଟିମୋର ସହରରେ ଏକ ନଦୀ ଉପରେ ନିର୍ମିତ ବ୍ରିଜ୍‌ ଏକ ଜାହାଜ ସହିତ ଧକ୍କା ହେତୁ ଭୁଶୁଡି ପଡିଛି। ଏହି ଦୁର୍ଘଟଣାରେ...

ପାକିସ୍ତାନରେ ବଡ଼ ଧରଣର ଆତଙ୍କବାଦୀ ଆକ୍ରମଣ, ୫ ଚାଇନା ନାଗରିକଙ୍କ ମୃତ୍ୟୁ

ଇସଲାମାବାଦ,୨୬।୩: ପାକିସ୍ତାନରେ ମଙ୍ଗଳବାର ବଡ଼ ଆତ୍ମଘାତୀ ଆତଙ୍କବାଦୀ ଆକ୍ରମଣ ଘଟିଛି। ଖେବର୍‌ ପାଖ୍‌ତୁନ୍‌ଖ୍ବାଠାରେ ହୋଇଥିବା ଏହି ଆକ୍ରମଣରେ ୫ ଚାଇନା ନାଗରିକଙ୍କ ସମେତ ୬ଜଣଙ୍କ ମୃତ୍ୟୁ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri