ୱାଶିଂଟନ,୨୧ ।୧: ରୁଷିଆ-ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧ ଏବେ ସାରା ବିଶ୍ୱ ପାଇଁ ଚର୍ଚ୍ଚାର ବିଷୟ ପାଲଟଛି । ବିଶେଷ କରି ପଶ୍ଚିମ ଦେଶ ପାଇଁ ଏବେ ଏହି ଯୁଦ୍ଧ ଚିନ୍ତାର କାରଣ ହୋଇଗଲାଣି । ଯୁଦ୍ଧ ଶେଷ ହେବାର କୌଣସି ରାସ୍ତା ଦେଖାଯାଉନାହିଁ । ଏହାରି ଭିତରେ ଜଣେ ବଡ ଫ୍ରାନସିସି ଖବରଦାତା ଏକ ବୟାନ ଦେଇଛନ୍ତି । ସେ କହିଛନ୍ତି ଭାରତର ପ୍ରଧାନମନ୍ତ୍ରୀ ଏମିତି ଜଣେ ବ୍ୟକ୍ତି ଦୁଇ ଯୁଦ୍ଧରତ ପଡୋଶୀ ଦେଶ ମଧ୍ୟରେ ବାର୍ତ୍ତାକୁ ସୁବିଧାଜନକ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ନେଇପାରିବେ । ପ୍ରଧାନମନ୍ତ୍ରୀ ମୋଦିଙ୍କ ଛବି ରୁଷିଆରେ ଖୁବ ଭଲ । ପ୍ରଧାନମନ୍ତ୍ରୀ ମୋଦି ରୁଷିଆ ରାଷ୍ଟ୍ରପତି ପୁଟିନଙ୍କ ସହ ଯୁଦ୍ଧ ଶେଷ ହେବାକୁ ନେଇ କଥା ହୋଇପାରିବେ ।
ଖବରଦାତା ଲାରା ହାଇନ କହିଛନ୍ତି, ଏବେ ଯୁଦ୍ଧ ଶେଷ ହେବା ବଡ କଠିନ ଲାଗୁଛି । କାରଣ ୟୁକ୍ରେନ ଚର୍ଚ୍ଚା କରିବାକୁ ଚାହୁଁନାହିଁ ଓ ୟୁକ୍ରେନ୍ ଚାହୁଁଛି ଅନ୍ତରାଷ୍ଟ୍ରୀୟ ନ୍ୟାୟାଳୟ(ଆଇସିଜେ) ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନକୁ ନେଇ ବିଚାର କରନ୍ତୁ । ସେ କହିଛନ୍ତି, ଆଶ୍ଚର୍ଯ୍ୟ ଲାଗୁଛି କି ଆମେରିକାରେ ଲୋକେ ରୁଷିଆ-ୟୁକ୍ରେନ୍ ଯୁଦ୍ଧ ସମ୍ପର୍କରେ କଥା ହେଉ ନାହାନ୍ତି ।
