ଜରିମାନାରେ ଜାଲିଆତି

କଟକ ଅଫିସ,୩।୧୦: ଜରିମାନା ଆଦାୟରେ ଜାଲିଆତି ହେଉଛି। ପୋଲିସ ଯେତିକି ଟଙ୍କାର ଚାଲାଣ କାଟୁଛି, ସରକାରଙ୍କ ନିକଟରେ ଏହାଠୁ କମ୍‌ ରାଶି ଦର୍ଶାଯାଉଛି। ଏଭଳି ଏକ ଘଟଣା ଚାଉଳିଆଗଞ୍ଜ ଥାନା ଅଧୀନରେ ହୋଇଥିବା ଅଭିଯୋଗ ହୋଇଛି। ଗତ ଜୁଲାଇ ୨୦ ତାରିଖରେ ଜଣେ ବ୍ୟକ୍ତି କରୋନା କଟକଣା ନ ମାନି ୨୦୦ ଟଙ୍କାର ତଣ୍ଡ ଗଣିଥିଲେ। ତାଙ୍କୁ ଦିଆଯାଇଥିବା ଚାଲାଣରେ ମଧ୍ୟ ୨୦୦ ଟଙ୍କା ଦର୍ଶାଯାଇଥିଲା। ପରେ ଏ ନେଇ ସେ ସୂଚନା ଅଧିକାର ଆଇନ ବଳରେ ରିପୋର୍ଟ ମାଗିଥିଲେ। ତେବେ ଆଶ୍ଚର୍ଯ୍ୟର କଥା, ତାଙ୍କଠାରୁ ୧୦୦ ଟଙ୍କା ଜରିମାନା ନିଆଯାଇଥିବା କମିଶନରେଟ ପୋଲିସ ପକ୍ଷରୁ ରିପୋର୍ଟ ଦିଆଯାଇଛି। ଏଥିରୁ ଜରିମାନା ଆଦାୟରେ ପୋଲିସର ଅନିୟମିତତା କାରସାଦି ପଦାକୁ ଆସିଛି।
ଚାଲାଣ କାଟିବାରେ ଅନିୟମିତତା ଅଭିଯୋଗ ଆଣିଛନ୍ତି ଅନୁଗୋଳର ସୁଜିତ କୁମାର ସାହୁ (୩୦)। ସେ କଟକ ନୂଆବଜାର ଅଞ୍ଚଳରେ ଘରଭଡ଼ା ନେଇ ରୁହନ୍ତି। କରୋନା ଯୋଗୁ ଗତ ଜୁଲାଇ ମାସରେ ସାଧାରଣ ଯାତାୟାତ ଉପରେ କଟକଣା ଥିଲା। ଜରୁରିକାଳୀନ ସ୍ଥିତିରେ ଯେଉଁମାନେ ଯିବା ପାଇଁ ଚାହିଁବେ ସେମାନେ ପୋଲିସଠାରୁ ଅନୁମତି ନେବାକୁ ନିର୍ଦ୍ଦେଶ ରହିଥିଲା। ଗତ ୨୦ ତାରିଖରେ ସୁଜିତ ବ୍ୟକ୍ତିଗତ କାର୍ଯ୍ୟରେ କଲେଜ ଛକକୁ ଆସୁଥିଲେ। ନୂଆବଜାର ଓଭରବ୍ରିଜ ନିକଟରେ ପୋଲିସ ତାଙ୍କୁ ଅଟକାଇ ପଚରାଉଚରା କରିଥିଲା। ପରେ କରୋନା କଟକଣା ଉଲ୍ଲଂଘନ ଅଭିଯୋଗରେ ୫୦୦ ଟଙ୍କା ଜରିମାନା ଦେବାକୁ ସେଠାରେ ଉପସ୍ଥିତ ଥିବା ଜଣେ ସବ୍‌ଇନ୍ସପେକ୍ଟର କହିଥିଲେ। ତେବେ ତାଙ୍କ ପାଖରେ ୨୦୦ ଟଙ୍କା ଅଛି ବୋଲି ସୁଜିତ କହିଥିଲେ। ତୁମେ ୨୦୦ ଟଙ୍କା ଦିଅ, ଆଉ ୩୦୦ ଟଙ୍କା ଆମେ ଅନ୍ୟ କାହାଠାରୁ ଆଣି ଆଡଜଷ୍ଟ କରିଦେବୁ ବୋଲି ପୋଲିସ କହିବା ସହିତ ୨୦୦ ଟଙ୍କାର ଏକ ରସିଦ (ନଂ-୨୭୩୫୩୦୬) ଦେଇଥିଲେ। ଏହାକୁ ନେଇ ସୁଜିତଙ୍କର ସନ୍ଦେହ ସୃଷ୍ଟି ହୋଇଥିଲା। ଏହା ପରଦିନ ସେ ଚାଉଳିଆଗଞ୍ଜ ଥାନାରେ ଆର୍‌ଟିଆଇ ଜରିଆରେ ଏକ ରିପୋର୍ଟ ମାଗିଥିଲେ। ୨୦ ତାରିଖରେ କେତେ ଜଣ କେତେ ଟଙ୍କା ଲେଖାଏ ଜରିମାନା ଦେଇଛନ୍ତି ବୋଲି ସେ ଏଥିରେ ପ୍ରଶ୍ନ କରିଥିଲେ। ପରେ ଅଗଷ୍ଟ ୨୭ରେ ମଧ୍ୟ ପୁନର୍ବାର ଆଉ ଥରେ ରିପୋର୍ଟ ମାଗିଥିଲେ। ହେଲେ ସମସ୍ତ ତଥ୍ୟ କମିଶନରେଟ ଅଫିସରେ ମିଳିବ ବୋଲି ଥାନା ପକ୍ଷରୁ କୁହାଯାଇଥିଲା। ପରେ ସେ ପୋଲିସ କମିଶନରେଟ ଅଫିସକୁ ଏକ ଚିଠି ପଠାଇଥିଲେ। ଶୁକ୍ରବାର କମିଶନରେଟଙ୍କ ଅଫିସରୁ ଉତ୍ତର ଦିଆଯାଇଛି। ତାଙ୍କଠାରୁ ସେହିଦିନ ୧୦୦ ଟଙ୍କା ଜରିମାନା ନିଆଯାଇଥିବା ଏଥିରେ ଉଲ୍ଲେଖ ରହିଛି। ତେବେ ପୋଲିସ ଅବଶିଷ୍ଟ ୧୦୦ ଟଙ୍କା ହଡ଼ପ କରିଥିବା ଏଥିରୁ ସ୍ପଷ୍ଟ ହେଉଛି। ରସିଦ ନମ୍ବର, ତାରିଖ ଓ ଦସ୍ତଖତ ସମାନ ଥାଇ ସୁଦ୍ଧା ପୋଲିସ ଅଧିକାରୀ ସରକାରଙ୍କୁ ଭୁଆଁ ବୁଲାଉଛନ୍ତି ବୋଲି ସୁଜିତ ଅଭିଯୋଗ କରିଛନ୍ତି। ଏ ସମ୍ପର୍କରେ ଚାଉଳିଆଗଞ୍ଜ ଥାନା ଅଧିକାରୀ ତାପସ ପ୍ରଧାନଙ୍କୁ ପଚାରିବାରୁ ଘଟଣା ସମ୍ପର୍କରେ ତଦନ୍ତ କରାଯିବ ବୋଲି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ସଙ୍ଗରୋଧ କେନ୍ଦ୍ର ପରିଦର୍ଶନ କଲେ ଜିଲାପାଳ

ରାଇରଙ୍ଗପୁର/ବିଶୋଇ,୧୫ା୫(ଡି.ଏନ୍‌.ଏ.)-ମୟୂରଭଞ୍ଜ ଜିଲାପାଳ ବିନୀତ ଭରଦ୍ବାଜ ଗୁରୁବାର ବିଭିନ୍ନ ସଙ୍ଗରୋଧ କେନ୍ଦ୍ର ପରିଦର୍ଶନ କରିଥିଲେ। ଜିଲାପାଳଙ୍କ ସହିତ ଜିଲା ଚିକିତ୍ସାଧିକାରୀ ରୂପଭାନୁ ମିଶ୍ର, ଉପଜିଲାପାଳ ଧର୍ମାନନ୍ଦ ବେହେରା,...

ଦମ୍ପତିଙ୍କ ଉପରେ ଓଲଟିଲା କ୍ରୋମ ବୋଝେଇ ଟିପ୍ପର

କଳିଙ୍ଗନଗର/ଡୁବୁରୀ, ୧୦।୧୨(ଡି.ଏନ.ଏ):ଯାଜପୁର ଜିଲା କଳିଙ୍ଗନଗର ଥାନା ପଙ୍କପାଳ ବଙ୍ଗଳା ଛକ ନିକଟରେ ସୋମବାର ଏକ କ୍ରୋମ ବୋଝେଇ ଟିପ୍ପର ଏକ ବାଇକ୍‌କୁ ଧକ୍କା ଦେଇ ରାସ୍ତାକଡ଼କୁ...

ଗଜପତିଙ୍କୁ ଜଣାଇଲେ ଦଇତାପତି

ପୁରୀ ଅଫିସ,୨୬।୬:  ଆଷାଢ ମାସ କୃଷ୍ଣପକ୍ଷ ଦ୍ୱାଦଶୀ ଶନିବାର ଅବସରରେ ଶ୍ରୀମନ୍ଦିର ପରମ୍ପରା ଅନୁଯାୟୀ ଜ୍ୱରରେ ପଡ଼ିଥିବା ମହାପ୍ରଭୁ ସୁସ୍ଥ ହୋଇଛନ୍ତି। ଏହି ଖବର ଶ୍ରୀନଅରରେ...

ଆରମ୍ଭ ହେଲା ‘ନିକ୍ରା’

ଢେଙ୍କାନାଳ ଅଫିସ, ୯।୪ ଜଳବାୟୁ ପରିବର୍ତ୍ତନର ସମ୍ମୁଖୀନ ହେବା, ଚାଷରେ ସମୟାନୁକୂଳ ବୈଷୟିକ ଜ୍ଞାନକୌଶଳର ପ୍ରୟୋଗ, ସମନ୍ବିତ କୃଷି ଭଳି ବହୁମୁଖୀ ଲକ୍ଷ୍ୟ ନେଇ ଢେଙ୍କାନାଳ...

ବିକାଶ ଅପେକ୍ଷାରେ ହଟକେଶ୍ୱର ପୀଠ

ଖୋର୍ଦ୍ଧା ଅଫିସ,୨୭ା୫: ଖୋର୍ଦ୍ଧା-ନୟାଗଡ଼ ୫୭ ନମ୍ବର ଜାତୀୟ ରାଜପଥ ବାଘମାରୀ ନିକଟ ଅଟ୍ରି ଗ୍ରାମରେ ରହିଛି ଏକାଦଶ ରୁଦ୍ର ହଟକେଶ୍ୱରଙ୍କ ପୀଠ। ମନ୍ଦିର ନିର୍ମାଣ ଭାସ୍କର୍ଯ୍ୟ...

ପାଇପ୍‌ ଲାଇନ ଫାଟି ରାସ୍ତା ଜଳମଗ୍ନ

ମାଲକାନଗିରି,୩ା୩ (ଡି.ଏନ୍‌.ଏ.)  ମାଲକାନଗିରି ପୌର ପରିଷଦ ଅଞ୍ଚଳ ମୁଖ୍ୟ ରାସ୍ତାରୁ ଦୁର୍ଗାଗୁଡି ସାହିକୁ ଯାଇଥିବା ରାସ୍ତା ତଳେ ଏକ ପାନୀୟ ଜଳ ପାଇପ ଲାଇନ ଦୀର୍ଘ ୪...

ପେଟ୍ରୋଲ୍‌ ପମ୍ପ ମାଲିକଙ୍କୁ ଗୁଳିମାଡ଼

ବ୍ରହ୍ମଗିରି,୩୦।୧୨(ଡି.ଏନ.ଏ): ପୁରୀ ଜିଲା ସତ୍ୟବାଦୀ ଥାନା ଅର୍ନ୍ତଗତ ସାକ୍ଷୀଗୋପାଳ-ଅଳଗୁମା ରାସ୍ତାର ପୁରୁଣା ସୋମେଶ୍ୱରପୁର ଛକ ନିକଟରେ ସୁଜାତା ପେଟ୍ରୋଲ୍‌ ପମ୍ପରେ ରବିବାର ରାତିରେ ଗୁଳିକାଣ୍ଡ ଘଟିଛି। ...

ଅବକାରୀ ବିଭାଗର ଚଢ଼ାଉ, ୪ ଜଣଙ୍କୁ ଉଠାଇ ନେଲା ଟିମ୍‌

ଗଞ୍ଜାମ,୨୧ା୭(ଡି.ଏନ୍‌.ଏ.): ଗଞ୍ଜାମ ସହର ଓ ଆଖପାଖ ଅଞ୍ଚଳରେ ଅଧିକାଂଶ ସମୟରେ ବେଆଇନ ମଦ ବିକ୍ରି ଅଭିଯୋଗ ହେଉଛି। ତେବେ ଏହି ଅଭିଯୋଗକୁ ଆଧାର କରି ପୂର୍ବ...

Advertisement
Archives

Model This Week