ସିଲଭରଷ୍ଟୋନ୍, ୯ା୮ (ଏପି)-ଫର୍ମୁଲା ଓ୍ବାନ୍ର ୭୦ତମ ବାର୍ଷିକୀ ଗ୍ରାଁ ପ୍ରି ପାଇଁ ମର୍ସିଡିଜ୍ ଟିମ୍ମେଟ୍ ଲିଓ୍ବିସ ହାମିଲଟନଙ୍କୁ ପଛରେ ପକାଇ ଭାଲଟେରି ବୋଟାସ ଏଠାରେ ପୋଲ ପୋଜିଶନ ହାସଲ କରିଛନ୍ତି। ଗତ ରବିବାର ଏହି ସିଲ୍ଭରଷ୍ଟୋନ୍ ସର୍କିଟ୍ରେ ବ୍ରିଟିଶ ଗ୍ରାଁପ୍ରି ଜିତିବା ପରେ ସେ ୭ଥର ବିଶ୍ୱ ଟାଇଟଲ ରେକର୍ଡ ସମକକ୍ଷ ଲକ୍ଷ୍ୟରେ ଅଛନ୍ତି ହାମିଲଟନ। ଚାମ୍ପିୟନଶିପ୍ ଟେବୁଲ୍ରେ ସେ ବୋଟାସଙ୍କଠାରୁ ୩୦ପଏଣ୍ଟ ଆଗରେ ରହିଛନ୍ତି। ସେଣ୍ଟ୍ରାଲ ଇଂଲଣ୍ଡ ସର୍କିଟରେ ବୋଟାସଙ୍କ ଦ୍ରୁତତମ ଲାପ୍ ୧ ମିନିଟ୍, ୨୫.୧୫୪ ସେକେଣ୍ଡ ରହିଥିଲା। ହାମିଲଟନଙ୍କଠାରୁ ସେ୦.୦୬୩ ପଏଣ୍ଟ ଆଗରେ ରହିଥିଲେ। କରୋନା ଭାଇରସ୍ରେ ସଂକ୍ରମିତ ହୋଇ ଚିକିତ୍ସିତ ହେଉଥିବା ସର୍ଗିଓ ପେରେଜଙ୍କ ସ୍ଥାନରେ ରେସିଂ ପଏଣ୍ଟରୁ ପ୍ରତିନିଧିତ୍ୱ କରୁଥିବା ନିକୋ ହକେନବର୍ଗ ତୃତୀୟ ସ୍ଥାନ ଅଧିକାର କରିଥିଲେ।
