କଲମ୍ବୋ,୨୦ ।୬: ଶ୍ରୀଲଙ୍କାରେ ବେଳକୁ ବେଳ ଆର୍ଥିକ ସଙ୍କଟ ବଢିବାରେ ଲାଗିଛି । ଲୋକେ ଖାଦ୍ୟ ପାଇଁ ଏକ ପ୍ରକାର ସଂଗ୍ରାମ କରୁଛନ୍ତି କହିଲେ ଚଳେ । ତୈଳ ସଙ୍କଟ ଲୋକଙ୍କ ପାଇଁ ଆଉ ଏକ ବଡ ଚିନ୍ତାର କାରଣ ପାଲଟି ଯାଇଛି । ଇତିମଧ୍ୟରେ ଶ୍ରୀଲଙ୍କାର ପୂର୍ବତନ କ୍ରିକେଟର ରୋଶନ ମହାନାମା ଦେଶବାସୀଙ୍କୁ ସାହଯ୍ୟ କରିବାକୁ ଆଗେଇ ଆସିଛନ୍ତି । ପେଟ୍ରୋଲ ପମ୍ପରେ ଲମ୍ବା ଲାଇନରେ ଥିବା ଲୋକଙ୍କୁ ଆବଶ୍ୟକ ସାମଗ୍ରୀ ଯୋଗାଇ ଦେଇ ସାହାଯ୍ୟ କରୁଛନ୍ତି । ଏମିତିକି ପେଟ୍ରୋଲ ପମ୍ପରେ ପୂର୍ବତନ କ୍ରିକେଟର ଲୋକଙ୍କୁ ଚା’ ପରସୁଥିବା ଦେଖାଯାଇଛି । ଏହାସହ ସେ କହିଛନ୍ତି ଖରପ ସମୟରେ ସେମାନେ ନିଜର ଓ ପରିଜନଙ୍କ ଉପରେ ଧ୍ୟାନ ଦିଅନ୍ତୁ ।
ସୂଚନାଯୋଗ୍ୟ, ଶ୍ରୀଲଙ୍କାରେ ଇନ୍ଧନ ସଙ୍କଟ ମଧ୍ୟରେ ଦେଶର ପୂର୍ବତନ କ୍ରିକେଟର ରୋଶନ ମହାନାମା ଫୁଏଲ ଓ ରୋଷେଇ ଗ୍ୟାସ କ୍ରୟ କରିବାକୁ ଦୋକାନରେ ଲମ୍ବା ଲାଇନରେ ଠିଆ ହୋଇଥିବା ଲୋକଙ୍କୁ ସେ ଚା’ ଓ ବନ୍ ଦେଉଥିବା ଦେଖାଯାଇଛି । ୧୯୪୮ରେ ସ୍ୱାଧିନତା ପରେ ଏବେ ଶ୍ରୀଲଙ୍କାରେ ଲୋକେ ଖାଦ୍ୟ, ଔଷଧ ଓ ଇନ୍ଧନର ଘୋର ସଙ୍କଟ ମଧ୍ୟଦେଇ ଗତି କରୁଛନ୍ତି ।
