କେନ୍ଦୁଝର,୨୫।୫(ନରେଶ ଚନ୍ଦ୍ର ପଟ୍ଟନାୟକ): ଆଜି ଏକ ଗୁରୁତ୍ୱପୂର୍ଣ୍ଣ ଦୁର୍ନୀତି ବିରୋଧୀ ଘଟଣାକ୍ରମରେ ଓଡିଶା ଭିଜିଲାନ୍ସ କେନ୍ଦୁଝର ଜିଲା ଚମ୍ପୁଆ ବ୍ଲକର ପୂର୍ବତନ ଉନ୍ନୟନ କ୍ଲର୍କ-କମ-ଷ୍ଟୋର ଇନଚାର୍ଜଙ୍କୁ ଏକ ଦୁର୍ନୀତି ମାମଲାରେ ଦୋଷୀ ସାବ୍ୟସ୍ତ କରିଛି। ଏନେଇ ଭିଜିଲାନ୍ସ ବିଭାଗ ପ୍ରେସ ରିଲିଜ କରିଛି। ଦୋଷୀ ଉନ୍ନୟନ କ୍ଲର୍କ-କମ-ଷ୍ଟୋର ଇନଚାର୍ଜ ହେଉଛନ୍ତି ଶରତ ଚନ୍ଦ୍ର ନନ୍ଦ। ତାଙ୍କ ବିରୋଧରେ ଓଡ଼ିଶା ଭିଜିଲାନ୍ସ ଦ୍ୱାରା ଦୁର୍ନୀତି ନିବାରଣ ଆଇନରେ ତଦନ୍ତ କରି ଦୋଷ ପ୍ରମାଣ ହୋଇ ଚାର୍ଜସିଟ ଦାଖଲ କରାଯାଇଥିଲା।
ସେ ୨୦୦୪-୨୦୦୫ ଏବଂ ୨୦୦୫-୨୦୦୬ ସମୟ ମଧ୍ୟରେ ଚମ୍ପୁଆ ବ୍ଲକର ସିମେଣ୍ଟ ଷ୍ଟକ ଏବଂ ଇସ୍ୟୁ ରେଜିଷ୍ଟରରେ ହେରାଫେରି କରି ସରକାରୀ ଟଙ୍କା ଆତ୍ମସାତ କରିଥିବା ନେଇ ଅଭିଯୋଗ ହୋଇଥିଲା। ଏନେଇ ଭିଜିଲାନ୍ସ ବିଭାଗ ତଦନ୍ତ କରିଥିଲା। ଆଜି ସୱତନ୍ତ୍ର ବିଚାରପତି, କେନ୍ଦୁଝର ଭିଜିଲାନ୍ସ ଦ୍ୱାରା ଦୋଷୀ ସାବ୍ୟସ୍ତ ହୋଇ ୨ ବର୍ଷ ପାଇଁ ସଶ୍ରମ କାରାଦଣ୍ଡ ଏବଂ ୧୦,୦୦୦/- ଟଙ୍କା ଜରିମାନାରେ ଦଣ୍ଡିତ ହୋଇଥିଲେ। ଚମ୍ପୁଆ ବ୍ଲକର ପୂର୍ବତନ ଡେଭଲପମେଣ୍ଟ କ୍ଲର୍କ-କମ-ଷ୍ଟୋର ଇନଚାର୍ଜ (ଅବସରପ୍ରାପ୍ତ) ଶରତ ଚନ୍ଦ୍ର ନନ୍ଦଙ୍କୁ ଦୋଷୀ ସାବ୍ୟସ୍ତ କରିବା ପରେ ତାଙ୍କ ପେନସନ ବନ୍ଦ କରିବା ପାଇଁ ଓଡ଼ିଶା ଭିଜିଲାନ୍ସ ସୁପାରିଶ କରିଛନ୍ତି।
Dharitri – Odisha’s No.1 Odia Daily
