ଅତାବିରା, ୮ା୮(ଯୁଧିଷ୍ଠିର ମହାପାତ୍ର): ଅତାବିରା ବାଳକ ହାଇସ୍କୁଲ ପଡ଼ିଆରେ ଦୁଇଦିନିଆ ଫୁଟବଲ ପ୍ରତିଯୋଗିତା ଶନିବାର ଉଦ୍ଘାଟିତ ହୋଇଯାଇଛି l ଅତାବିରା ଫୁଟବଲ ଟିମ୍ ପକ୍ଷରୁ ଆୟୋଜିତ ଏହି ପ୍ରତିଯୋଗିତାର ଉଦ୍ଘାଟନୀ ମ୍ୟାଚରେ ଗେଙ୍ଗୁଟିପାଲିକୁ ହରାଇ ଜିଏମ୍ୟୁ ସମ୍ବଲପୁର ଦଳ ବିଜୟ ଧାରା ଆରମ୍ଭ କରିଥିଲା। ପ୍ରଥମ ସେମିଫାଇନାଲରେ ଜିଏମ୍ୟୁ ସମ୍ବଲପୁର ଓ ଶ୍ରେୟାଂଶ ସ୍ପୋର୍ଟିଂ ସୋନପୁର ମଧ୍ୟରେ ଖେଳ ଅନୁଷ୍ଠିତ ହୋଇଥିଲା। ଖେଳ ଅସମାହିତ ରହିବାରୁ ଟ୍ରାଇବେକର ସହାୟତା ନିଆଯାଇଥିଲା l ଏଥିରେ ୩-୪ ଗୋଲରେ ଜିଏମ୍ୟୁ ସମ୍ବଲପୁର ଦଳ ସୋନପୁରକୁ ହରାଇ ଫାଇନାଲକୁ ପ୍ରବେଶ କରିଛି ।
ପ୍ରଥମ ଦିନରେ ଜିଏମ୍ୟୁ ସମ୍ବଲପୁର, ଗେଙ୍ଗୁଟିପାଲି, ରେଙ୍ଗାଲି ଲିଟିଲ ଷ୍ଟାର, ବରଗଡ଼ ୟୁନାଇଟେଡ, ଶ୍ରେୟାଂଶ ସ୍ପୋର୍ଟିଂ ସୋନପୁର, ଜେଏସ୍ ଏଫ୍ସି ବଲାଙ୍ଗୀର, ଡେଙ୍ଗିମାଛା (ହୀରାକୁଦ) ଏବଂ ବୌଦ୍ଧ ଦଳ ଅଂଶଗ୍ରହଣ କରିଥିଲେ। ରବିବାର ପ୍ରତିଯୋଗିତାର ଦ୍ୱିତୀୟ ଦିନରେ ସମ୍ବଲପୁର ସ୍ପୋଟର୍ସ ହଷ୍ଟେଲ, ଏଲଏଫ୍ସି ବରଗଡ଼, ମୁଣ୍ଡା ଏଫ୍ସି ସମ୍ବଲପୁର, ସମଲେଶ୍ୱରୀ କ୍ଲବ ବରପାଲି, ସାଇମନ ଷ୍ଟାର, ରିସାଣ୍ଟ ଏଫ୍ସି ବଲାଙ୍ଗୀର, ଏସ୍ଏଲ୍ ଏଫ୍ସି ବେଲପାହାଡ଼ ଓ ମାଲୟା-୧୧ ମଧ୍ୟରେ ମୁକାବିଲା ହେବ। ଏହି ଦଳ ଗୁଡ଼ିକ ମଧ୍ୟରୁ ଯେଉଁ ଦଳ ଫାଇନାଲ ପ୍ରବେଶ କରିବ ସେହି ଦଳ ସହ ଫାଇନାଲିଷ୍ଟ ଜିଏମ୍ୟୁ ସମ୍ବଲପୁର ସହ ଫାଇନାଲ ଖେଳ ଅନୁଷ୍ଠିତ ହେବ। ଉଦ୍ଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ଅତାବିରା ବିଜ୍ଞାପିତ ଅଞ୍ଚଳ ପରିଷଦର ଅଧ୍ୟକ୍ଷ ବନମାଳୀ ବରିହା, ସମ୍ମାନିତ ଅତିଥି ଭାବେ ୧ ନମ୍ବର କାଉନସିଲର ଦୀପକ ରାଏ ଓ କାର୍ଯ୍ୟନିର୍ବାହୀ ଅଧିକାରୀ ନରେନ୍ଦ୍ର ପ୍ରଧାନ ଯୋଗ ଦେଇଥିଲେ।
