କାଲିଫର୍ନିଆ,୧୭ ।୧: ତୁଲରେ କାଉଣ୍ଟିର ମାଇକ ବୋଡ୍ରେକ୍ସ ସୋମବାର କହିଛନ୍ତି ଆମେରିକା କାଲିଫର୍ନିଆ ରାଜ୍ୟର ଗୋଶେନରେ ହୋଇଥିବା ଗୁଳିକାଣ୍ଡ ଘଟଣାରେ ଜଣେ ଶିଶୁ ସମେତ ୬ ଜଣଙ୍କ ମୃତ୍ୟୁ ହୋଇଛି । ଏହି ଗୁଳିକାଣ୍ଡ ସୋମବାର ସକାଳେ ମଧ୍ୟ କାଲିଫର୍ନିଆର ଏକ ଘରେ ହୋଇଥିବା ବେଳେ ଅଧିକାରୀମାନେ ଅତିକମରେ ୨ ଜଣଙ୍କୁ ଖୋଜୁଛନ୍ତି । ଶେରିଫ କହିଛନ୍ତି, ଏହି ଘଟଣାରେ ମୋଟ ୬ ଜଣ ପିଡ଼ିତ ରହିଛନ୍ତି । ଏହାର ଏକ ଭିଡିଓ ତୁଲାରେ କାଉଣ୍ଟି ଶେରିଫ କାର୍ଯ୍ୟାଳୟ(ଟିସିଏସଓ)ର ଫେସବୁକ ପେଜରେ ପୋଷ୍ଟ କରାଯାଇଛି । ସେ କହିଛନ୍ତି ମୃତକଙ୍କ ମଧ୍ୟରେ ଜଣେ ୧୭ ବର୍ଷିୟା ମା’ ଓ ତାଙ୍କର ୬ ମାସର ଶିଶୁ ରହିଛନ୍ତି ।
ଏହି ଘଟଣାରେ ଗୋଟିଏ ଗ୍ରୁପ ସମ୍ପୃକ୍ତ ଥିବା ଯାଞ୍ଚକର୍ତ୍ତାମାନେ ଅନୁମାନ କରିଛନ୍ତି । ଟିସିଏସଓର ଫେସବୁକ ପୋଷ୍ଟ ଅନୁଯାୟୀ, ଯାଞ୍ଚକର୍ତ୍ତା ଅନୁମାନ କରୁଛନ୍ତି ଏହି ଘଟଣାରେ ଅତିକମରେ ୨ ଜଣ ସମ୍ପୃକ୍ତ ରହିଛନ୍ତି । ଅନୁମାନ କରାଯାଉଛି କି ଏହି ପରିବାରକୁ ଟାର୍ଗେଟ କରାଯାଇ ଗୁଳିକାଣ୍ଡ କରାଯାଇଛି ।
