Posted inଫୁରସତ

ପ୍ରଥମ ଟଙ୍କାରେ ହନୁମାନଙ୍କ ପାଖେ ଭୋଗ କରିଥିଲି: ଡା. ଶିବପ୍ରସାଦ

ଖୋର୍ଦ୍ଧା ଜିଲା କୁହୁଡ଼ି ନିକଟସ୍ଥ ଗଈନଡ଼ା ଗାଁରେ ମୋ ଜନ୍ମ। ଚିଲିକା ଉଚ୍ଚ ବିଦ୍ୟାପୀଠରୁ ୨୦୦୪ରେ ମାଟ୍ରିକ୍‌ ପାସ୍‌ କରିବା ପରେ ପୁରୀ ଏସ୍‌.ସି.ଏସ୍‌. କଲେଜରେ ଯୁକ୍ତ ଦୁଇ ବିଜ୍ଞାନ ପଢିଥିଲି। ତା’ପରେ ପୁରୀ ଗୋପବନ୍ଧୁ ଆୟୁର୍ବେଦ ମହାବିଦ୍ୟାଳୟରେ ବ୍ୟାଚଲର୍‌ ଅଫ୍‌ ଆୟୁର୍ବେଦ୍‌, ମେଡିସିନ ଆଣ୍ଡ ସର୍ଜରି (ବିଏଏମ୍‌ଏସ୍‌)କୋର୍ସ କଲି। ଏହା ଥିଲା ସାଢ଼େ ପାଞ୍ଚ ବର୍ଷିୟା ପାଠ୍ୟକ୍ରମ, ଯେଉଁଥିରେ ସାଢେ ଚାରି ବର୍ଷ ଆମକୁ ବିଭିନ୍ନ ବିଷୟ ଉପରେ ପଢ଼ିବାକୁ ପଡୁଥିଲା ଏବଂ ଶେଷ ବର୍ଷରେ ଆମର ଇଣ୍ଟର୍ନଶିପ୍‌ ହେଉଥିଲା। ପିଲାବେଳୁ ଯେହେତୁ ପାଠରେ ଭଲ ଥିଲି, ତେଣୁ ବିଏଏମ୍‌ଏସ୍‌ କୋର୍ସର ସବୁ ବିଷୟରେ ମୁଁ ଭଲ ମାର୍କ ରଖିଲି। ଏପରି କି ଗୋଟେ ବର୍ଷ ମୁଁ ୟୁନିଭର୍ସିଟି ଟପ୍ପର ବି ହୋଇଥିଲି। ଆଉ ସେହି ସମୟରେ ମୋତେ କନିକା ଆୟୁର୍ବେଦ ଫାଉଣ୍ଡେସନ୍‌ ତରଫରୁ ବେଷ୍ଟ ଷ୍ଟୁଡେଣ୍ଟ ଇନ୍‌ ଦ୍ରବ୍ୟଗୁଣ ସ୍କଲାର୍‌ ଆଓ୍ବାର୍ଡ ମିଳିଥିଲା। ବିଏଏମ୍‌ଏସ୍‌ କୋର୍ସ ସରିବା ପରେ ମୁଁ ଅଲ୍‌ ଇଣ୍ଡିଆ ଆୟୁଷ ପୋଷ୍ଟ ଗ୍ରାଜୁଏଶନ୍‌ ଏଣ୍ଟ୍ରାନ୍ସ ଟେଷ୍ଟ ଦେଇ ସର୍ବଭାରତୀୟ ସ୍ତରରେ ୨୭ତମ ସ୍ଥାନ ରଖିଲି ଏବଂ ଇନ୍‌ଷ୍ଟିଚ୍ୟୁଟ ଅଫ୍‌ ଟିଚିଂ ଆଣ୍ଡ ରିସର୍ଚ୍ଚ ଇନ୍‌ ଆୟୁର୍ବେଦ(ଯାହା ଏବେ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ନ୍ୟାଶନାଲ୍‌ ଇମ୍ପୋଟାନ୍ସ ଇନ୍‌ ଆୟୁର୍ବେଦ ଭାବେ ପରିଚିତ), ଜାମନଗରରେ ପିଜି ପାଇଁ ଆଡ୍‌ମିଶନ୍‌ ନେଲି। ଏହା ଥିଲା ୩ ବର୍ଷର କୋର୍ସ ଆଉ ପ୍ରଥମରୁ ହିଁ ମୋତେ ପ୍ରତିମାସ ପାଖାପାଖି ୪୨ ହଜାର ଟଙ୍କା ଲେଖାଏ ଷ୍ଟାଇପେଣ୍ଡ ମିଳିଚାଲିଲା। ତେବେ ପ୍ରଥମ ମାସର ଷ୍ଟାଇପେଣ୍ଡ ପାଇଲା ପରେ ଜାମନଗରସ୍ଥିତ ଏକ ହନୁମାନ ମନ୍ଦିରରେ ମୁଁ ହଜାର ଟଙ୍କାର ଭୋଗ କରିଥିଲି। ତା’ପରେ ପ୍ରାୟ ୭୦% ଟଙ୍କା ଘରକୁ ବାପାଙ୍କ ପାଠକୁ ପଠାଇଥିଲି। କାରଣ ଆମେ ଥିଲୁ ୮ ଭାଇଭଉଣୀ (୬ଭଉଣୀ ଓ ୨ ଭାଇ)। ଭାଇମାନଙ୍କ ଭିତରେ ମୁଁ ଥିଲି ସବୁଠୁ ବଡ଼। ତେଣୁ ବାପାଙ୍କୁ ପରିବାର ଚଳାଇବାରେ ସାହାଯ୍ୟ କରିବା ମୋର କର୍ତ୍ତବ୍ୟ ଥିଲା। ସେଥିପାଇଁ କେବଳ ଗୋଟିଏ ମାସ ନୁହେଁ ପ୍ରତିମାସ ଷ୍ଟାଇପେଣ୍ଡ ପାଇଲା ପରେ ମୁଁ ଘରକୁ ଟଙ୍କା ପଠାଉଥିଲି। ପିଜି ପରେ ମୁଁ ଓଡ଼ିଶା ପବ୍ଲିକ୍‌ ସର୍ଭିସ୍‌ କମିଶନ୍‌ରେ ଆପ୍ଲାଏ କରି ମେଡିକାଲ୍‌ ଅଫିସର୍‌ ଭାବେ ୨୦୧୭ରେ ଗଭର୍ନମେଣ୍ଟ ଆୟୁର୍ବେଦିକ ଡିସ୍‌ପେନ୍‌ସାରୀ, ଗୋଳାବନ୍ଧ, କେନ୍ଦୁଝରରେ ନିଯୁକ୍ତି ପାଇଲି। ୨୦୧୮ରେ ଲେକ୍‌ଚରର୍‌ ଇନ୍‌ ଦ୍ରବ୍ୟଗୁଣ ପୋଷ୍ଟ ପାଇଁ ଏଣ୍ଟ୍ରାନ୍ସ ବାହାରିବାରୁ ସେଥିରେ ଆପ୍ଲାଏ କରି ଓଡ଼ିଶାରେ ଟପ୍ପର ହେଲି। ଆଉ ସେବେଠାରୁ ମୁଁ କବିରାଜ ଅନନ୍ତ ତ୍ରିପାଠୀ ଶର୍ମା ଆୟୁର୍ବେଦ ମହାବିଦ୍ୟାଳୟ ଓ ଚିକିତ୍ସାଳୟ, ଆଙ୍କୁଶପୁର, ବ୍ରହ୍ମପୁରର ଦ୍ରବ୍ୟଗୁଣ ବିଭାଗରେ ଅଧ୍ୟାପକ ସହିତ ଭାରପ୍ରାପ୍ତ ଅଧିକାରୀ ଦାୟିତ୍ୱରେ କାର୍ଯ୍ୟ କରିଆସୁଛି। ଏ ତ ଥିଲା ମୋର ପାଠପଢା ଓ ଚାକିରି ଜୀବନ କଥା। ଏହାବାଦ୍‌ ଆୟୁର୍ବେଦ ଚିକିତ୍ସା ସମ୍ପର୍କିତ ପ୍ରାୟ ୧୦/୧୨ଟି ରିସର୍ଚ୍ଚ ଆର୍ଟିକିଲ୍‌ ମୋର ଜାତୀୟ ଓ ଅନ୍ତର୍ଜାତୀୟ ସ୍ତରର ସାଇଣ୍ଟିଫିକ୍‌ ଜର୍ନାଲ୍‌ରେ ପ୍ରକାଶିତ ହୋଇସାରିଛି। ତା’ଛଡ଼ା କରୋନା କାଳରେ ସରକାରଙ୍କ ତରଫରୁ ମୋତେ ରୋଗୀମାନଙ୍କର ସେବା କରିବାର ସୁଯୋଗ ଦିଆଯାଇଥିବାରୁ ବି ମୁଁ ଖୁବ୍‌ ଖୁସି ଅଛି। କାରଣ ରୋଗୀ ସେବା ହିଁ ମୋର ଧର୍ମ ଆଉ କର୍ମ।


Enter your email to get our daily news in your inbox.

All Right Reserved By Dharitri.Com

୨୩ ବର୍ଷରେ ହରାଇ ବସିଥିଲେ ଦୃଷ୍ଟିଶକ୍ତି, କୁକୁର ଲାଗି ଫେରିପାଇଲେ ଫିଟ୍‌ନେସ

ଲଣ୍ଡନ: ବ୍ରିଟେନ୍‌ର ପୋର୍ଟସ୍‌ମାଉଥ୍‌ରେ ରହୁଥିବା ଇୟାନ ମୋରିସ୍‌ ଯେତେବେଳେ ୨୩ ବର୍ଷର ହୋଇଥିଲେ, ସେତେବେଳେ ସେ ଦୃଷ୍ଟିଶକ୍ତି ହରାଇଥିଲେ। ତଥାପି ହାରି ନ ଥିଲେ। ଫିଟ୍‌ନେସ...

ଏହି ହୀରା ଖଣି ଉପର ଦେଇ ଉଡ଼ିପାରେନା ବିମାନ…

ପୂର୍ବ ସାଇବେରିଆରେ ରହିଛି ପୃଥିବୀରେ ସବୁଠାରୁ ବଡ଼ ହୀରା ଖଣି। ଏହାର ଗଭୀର ୧୭୨୨ ଫୁଟ ଏବଂ ଚୌଡ଼ା ୩୯ଶହ ଫୁଟ। ଏହାର ଖନନ ୧୯୫୫...

ପଛରୁ ଛପିଛପି ହାତୀକୁ କରୁଥିଲେ ପିଛା: ହଠାତ୍‌ ବୁଲିପଡ଼ି ମାଡ଼ିଆସିବାରୁ…

ପ୍ରତ୍ୟେକ ଦିନ ସୋସିଆଲ ମିଡିଆରେ କିଛି ନା କିଛି ନୂତନ ଭିଡିଓ ଏବଂ ଫଟୋ ଭାଇରାଲ ହେଉଛି। ସେଥିରୁ କେତେକ ଭିଡିଓ ଏବଂ ଫଟୋ ହସର...

ବିବାହ ଭୋଜିରେ ଖାଦ୍ୟ ପରିବେଷଣକାରୀଙ୍କୁ ଦେଖି ଆଶ୍ଚର୍ଯ୍ୟ ହେଲେ ଲୋକେ

ଦେଶରେ ବର୍ତ୍ତମାନ କରୋନା ମହାମାରୀ କାୟା ବିସ୍ତାର କରିଥିବା ବେଳେ ଆନ୍ଧ୍ରପ୍ରଦେଶରେ ଏକ ବିବାହ ଭୋଜିରେ ଏପରି ଏକ ଘଟଣା ଦେଖିବାକୁ ମିଳିଥିଲା ଯାହା ଦେଖି...

ଶାନ୍ତି, ଏକତା, ଭାଇଚାରା ମୂଳ ଲକ୍ଷ୍ୟ

ପ୍ରତିବର୍ଷ ଅଗଷ୍ଟ ୨୦ରେ ଦେଶବ୍ୟାପୀ ସଦ୍‌ଭାବନା ଦିବସ ପାଳନ କରାଯାଇଥାଏ। ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ଜନ୍ମ ଦିବସକୁ ୨୦୦୮ଠାରୁ ସଦ୍‌ଭାବନା ଦିବସ ଭାବେ ପାଳନ...

ଅର୍ଥନୀତିରେ ମାନକକରଣ ଗୁରୁତ୍ୱପୂର୍ଣ୍ଣ

ଅର୍ଥନୀତିର ବିକାଶରେ ଗୁଣବତ୍ତାଯୁକ୍ତ ମାନକ ବଜାୟ ରଖିବା ଗୁରୁତ୍ୱପୂର୍ଣ୍ଣ। ଏହାଦ୍ୱାରା ଘରୋଇ ଉତ୍ପାଦର ଚାହିଦା ଅନ୍ତର୍ଜାତୀୟସ୍ତରରେ ବୃଦ୍ଧି ପାଇପାରିଥାଏ। ଦେଶଦେଶ ମଧ୍ୟରେ ବାଣିଜ୍ୟ ସମୟରେ ଖାଦ୍ୟ...

ଯେଉଁଠି ୫୦ ଟଙ୍କା ପାଇଁ ଲଗାଯାଏ ଜୀବନ ବାଜି

ବିଶ୍ୱରେ ଏମିତି ଅନେକ ପ୍ରକାରର ପରମ୍ପରା ରହିଛି, ଯାହା ଶୁଣିଲେ ଯେତିକି ଆଶ୍ଚର୍ଯ୍ୟ ଲାଗେ ସେତିକି ଆଶଙ୍କା ବି ସୃଷ୍ଟି ହୁଏ। ଏଭଳି ଏକ ପରମ୍ପରା...

ବର ‘କବୁଲ ହୈ’ କହିବା ମାତ୍ରକେ ଖୁସିରେ ଆତ୍ମବିଭୋର ହୋଇଗଲେ ବଧୂ; ସର୍ବସମ୍ମୁଖରେ କଲେ ଏମିତି ଯେ…

ନୂଆଦିଲ୍ଲୀ: ବିବାହ ସମସ୍ତଙ୍କ ଜୀବନର ଖାସ୍‌ ଦିନ ଭିତରୁ ଗୋଟିଏ। ସେଥିରୁ କିଛି ଯୋଡ଼ି ସବୁକିଛି ଠିକ୍‌ ଭାବେ ହୋଇଯାଉ ବୋଲି ଚିନ୍ତାରେ ରହୁଥିବା ବେଳେ...

Advertisement
Archives

Model This Week