ବେଙ୍ଗାଲୁରୁ,୩୧ ।୧୨: ଭାରତୀୟ ବାୟୁସେନାରେ ଶୁକ୍ରବାର ଅଗ୍ନିପଥ ଯୋଜନାରେ ଅଗ୍ନିବୀର ବାୟୁଙ୍କ ପ୍ରଥମ ବ୍ୟାଚ ବଡ ଯୋଶ ଓ ଉତ୍ସାହର ସହ ସେମାନଙ୍କ ପ୍ରଶିକ୍ଷଣ ଆରମ୍ଭ କରିଛନ୍ତି । ଭାରତୀୟ ବାୟୁସେନା ପକ୍ଷରୁ ଅଫିସିଆଲ ଟୁଇଟର ହ୍ୟାଣ୍ଡେଲ ଜରିଆରେ ଏହି ସୂଚନା ଦିଆଯାଇଛି । ସୂଚନାଯୋଗ୍ୟ, ଚଳିତ ବର୍ଷ ଜୁନ ୨୪ରେ ଭାରତୀୟ ବାୟୁସେନା ପକ୍ଷରୁ ପ୍ରଥମଥର ଅଗ୍ନିବୀର ଭର୍ତ୍ତି ପାଇଁ ଅନଲାଇନ ରେଜିଷ୍ଟ୍ରେଶନ ଆରମ୍ଭ କରାଯାଇଥିଲା ।
ଭାରତୀୟ ବାୟୁସେନା ପକ୍ଷରୁ ଶୁକ୍ରବାର ଏକ ଭିଡିଓ ଟୁଇଟ କରାଯାଇଛି, ଏହି ଭିଡିଓରେ ପ୍ରଶିକ୍ଷଣ ପାଇଁ ପ୍ରସ୍ତୁତ ହେଉଥିବା ଯବାନଙ୍କର ଉତ୍ସାହ ଦେଖିବାକୁ ମିଳିଛି । ଏହାସହ ସେମାନେ ନିଜ ନିଜ ବିଷୟରେ କିଛି କହୁଛନ୍ତି । ଏହାସହ ବାୟୁସେନାରେ ଯୋଗଦେଇ ତାଙ୍କର ପ୍ରତିକ୍ରିୟା ରଖୁଛନ୍ତି । କେହି କେହି କହୁଛନ୍ତି ଅଗ୍ନିବୀର ବାୟୁ ହୋଇ ମୋତେ ଦେଶର ସେବା କରିବାର ଅବସର ମିଳିଥିବାରୁ ମୁଁ ନିଜକୁ ଗୌରବାନ୍ୱିତ ମନେ କରୁଛି । ଆଉ କେହି କହୁଛନ୍ତି ଅଗ୍ନିବୀର ବାୟୁ ହେବାର ସ୍ୱପ୍ନ ପୂରଣ ହୋଇଛି ।
