ଗଞ୍ଜାମ,୧।୯(ବିଦ୍ୟାଧର ସାହୁ): ଗଞ୍ଜାମ କଲେଜ ଧନ୍ଦା ମୂଳକ ଶିକ୍ଷା (ଭୋକେଶନାଲ)ରେ ଟପ୍ପର ଛାତ୍ରୀ ସୁଇଟି ନାୟକ ଫାଷ୍ଟ ପ୍ରାଇଜ ପ୍ରଦାନ କରାଯିବା ସହ ସମ୍ବର୍ଦ୍ଧନା ଦିଆଯାଇଥିଲା l ସ୍ବାୟତ୍ତ ଶାସନ ଦିବସ ଉପଲକ୍ଷେ ଏନଏସି ପ୍ରଶାସନ ପକ୍ଷରୁ ଅଧ୍ୟକ୍ଷା ପ୍ରତିଭା ପାଢ଼ୀ ଏବଂ ଏନଏସି କାର୍ଯ୍ୟନିର୍ବାହୀ ଅଧିକାରୀ ଅପର୍ଣ୍ଣା ଡାଙ୍ଗୁଆ ପୁରସ୍କୃତ କରିଥିଲେ l ସୁଇଟି ଗତ ପରୀକ୍ଷାରେ ସର୍ବୋଚ୍ଚ ୪୬୯ ମାର୍କ ରଖି କ୍ଲାସ ଟପ୍ପର ହୋଇଥିଲେ ମଧ୍ୟ କଲେଜ ପ୍ରତିଷ୍ଠା ଉତ୍ସବରେ ଭୋକେଶନାଲ ମୁଖ୍ୟଙ୍କ ବେପରୁଆ ମନୋଭାବ ଯୋଗୁ ପୁରସ୍କୃତ ହେବାରୁ ବଞ୍ଚିତ ହୋଇଥିଲେ। ଦ୍ୱିତୀୟ ଓ ତୃତୀୟ ହୋଇଥିବା ପିଲା ପୁରସ୍କାର ପାଇଥିଲେ l କଲେଜ କର୍ତ୍ତୃପକ୍ଷଙ୍କ କାର୍ଯ୍ୟକୁ ସେତେବେଳେ ବିଭିନ୍ନ ଛାତ୍ର ସଂଗଠନ ଓ ବୁଦ୍ଧିଜୀବୀ ଦୃଢ ନିନ୍ଦା କରିଥିଲେ l ପୁରସ୍କାର ପାଇବା ପରେ ସୁଇଟି ଖୁସିବ୍ୟକ୍ତ କରିବା ସହ ବାପା ବାବୁ ନାୟକ ଓ ବଡ଼ ଭଉଣୀ ରେଶମା ନାୟକଙ୍କ ପ୍ରେରଣା ଯୋଗୁ ସେ କଠିନ ପରିଶ୍ରମ କରି ଏହି ସଫଳତା ପାଇଥିବା ସୁଇଟି ଗଣମାଧ୍ୟମ ସୂଚନା ଦେଇଛନ୍ତି l
