ମାପୁଟୋ,୧୧।୧୧: ମୋଜାମ୍ବିକ୍ୟୁରେ ଇସଲାମିକ ଷ୍ଟେଟ୍(ଆଇଏସ) ଆତଙ୍କବାଦୀ ସଂଗଠନ ଅତି ଅମାନୁଷିକ ଭାବେ ୫୦ ଜଣ ନୀରିହ ଲୋକଙ୍କ ମୁଣ୍ଡ କାଟ କରିଛି। ସ୍ଥାନୀୟ କେବୋ ଡେଲଗାଡ଼ୋ ରାଜ୍ୟର ନାଞ୍ଜବା ଗାଁରେ ପଶି ଆତଙ୍କବାଦୀମାନେ ଏଭଳି ନର ସଂହାର କରିଛନ୍ତି। ଗାଁର ଫୁଟବଲ ପଡ଼ିଆରେ ଲୋକଙ୍କୁ ହତ୍ୟା କରିବା ପରେ ସେମାନଙ୍କ ଶରୀରକୁ ଖଣ୍ଡ ଖଣ୍ଡ କରି କାଟି ନିକଟସ୍ଥ ଜଙ୍ଗଲରେ ପିଙ୍ଗି ଦିଆଯାଇଥିବା ସ୍ଥାନୀୟ ପ୍ରଶାସନ ପକ୍ଷରୁ ସୂଚନା ଦିଆଯାଇଛି। ଗାଁର ମହିଳାମାନଙ୍କୁ ଆତଙ୍କବାଦୀମାନେ ଅପହରଣ କରି ନେଇଛନ୍ତି। ଜଙ୍ଗଲରୁ କ୍ଷତ ବିକ୍ଷତ ମୃତଦେହ ମିଳିବା ପରେ ତଦନ୍ତ କରି ଘଟଣା ସମ୍ପର୍କରେ ପୋଲିସ ଜାଣିପାରିଥିବା କୁହାଯାଉଛି। ୨୦୧୭ଠାରୁ ବର୍ତ୍ତମାନ ସୁଦ୍ଧା ଆତଙ୍କବାଦୀ ସଂଗଠନ ଦ୍ୱାରା ୨ ହଜାରରୁ ଅଧିକ ଲୋକଙ୍କୁ ହତ୍ୟା କରାଯାଇଛି। ଜୀବନ ଭୟରେ ୪ ଲକ୍ଷ ୩୦ ହଜାରରୁ ଅଧିକ ଲୋକ ଭିଟା ମାଟି ଛାଡି ପଳାଇଥିବା ସରକାରୀ ରିପୋର୍ଟରେ ଉଲ୍ଲେଖ କରାଯାଇଛି।
