ଦାରିଙ୍ଗବାଡି, ୭।୫ (ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡି କଫି ବଗିଚା ପରିସର ମଧ୍ୟରେ କଫି ଚାଷ ସମ୍ୱନ୍ଧୀୟ କର୍ମଶାଳା ଅନୁଷ୍ଠିତ ହୋଇଯାଇଛି। ଏହି କର୍ମଶାଳାରେ ବ୍ଲକର ବିଭିନ୍ନ ପଞ୍ଚାୟତରୁ କଫି ଚାଷୀ ଯୋଗଦେଇଥିଲେ। କାର୍ଯ୍ୟକ୍ରମକୁ ରାଜ୍ୟ ସରକାରଙ୍କ ମୃତ୍ତିକା ସଂରକ୍ଷଣ ବିଭାଗର ପ୍ରକଳ୍ପ ନିର୍ଦ୍ଦେଶକଙ୍କ ଦ୍ୱାରା ଆୟୋଜନ କରାଯାଇଥିଲା। ଏହି ଚାଷ କରିବାକୁ ଛାଇ ରହିଥିବା ଜମିର ଆବଶ୍ୟକତା ସହ ପ୍ରଚୁର ପାଣିର ବ୍ୟବସ୍ଥା ରହିଥିବା ଆବଶ୍ୟକତା ସମ୍ପର୍କରେ କୁହାଯାଇଥିଲା। ଗ୍ରାମ୍ୟ ଜମି କିମ୍ୱା ପତ୍ରା ଜଙ୍ଗଲରେ ଗାଁ କମିଟି ମଧ୍ୟରେ ଆଲୋଚନା କରି ଚାଷ କରାଯିବା ଦରକାର କଫିର ଚାହିଦା ପେଟ୍ରୋଲିୟମ ପଦାର୍ଥ ପରେ ଦିତୀୟ ଚାହିଦା ବୋଲି କୁହାଯାଇଥିଲା।
କଫି ଥରେ ଫଳ ଧରିବା ପରେ ପରିଶ୍ରମ କମିବ ଓ ୪୦ ରୁ୫୦ ବର୍ଷ ପର୍ଯ୍ୟନ୍ତ କଫି ଫଳ ଦେବ ଓ ରୋଜଗାର ଦେଉଥିବା କୁହାଯାଇଥିଲା। ସେହିପରି କନ୍ଧମାଳ ଜିଲା କୁ କଫିର ହବ କରାଯିବ ଯାହା କି ଏଠାକାର କଫି ବିଶସ୍ତରୀୟ ପାଇଁ ପ୍ରୟାସ କରାଯିବ। ଜୈବିକ କଫି ଦାରିଙ୍ଗବାଡିରେ ୧ ଶହ ହେକ୍ଟର ଜମିରେ ଏହି ଚାଷ କରାଯିବା ପାଇଁ ଯୋଜନା ରହିଥିବା ବେଳେ ଚଳିତ ବର୍ଷ ୩୫ ହେକ୍ଟର ଜମିରେ କରାଯିବା ପାଇଁ ହିତାଧିକାରୀ ଚୟନ କରାଯାଇଥିବା କୁହାଯାଇଥିଲା। କନ୍ଧମାଳ କଫିକୁ ବିଶ୍ୱସ୍ତରୀୟ କରାଯିବାକୁ ଯୋଜନା ରହିଛି। କଫି ଚାଷ ପାଇଁ ପ୍ରକୃତ
୩ ପ୍ରକାର କଫି କିସମ ରହିଛି ସମୁଦ୍ର ପତ୍ତନ ଠାରୁ ଅତି କମ ରେ ୮ ଶହ ମିଟର ଉଚ୍ଚତାରେ ରହିଥିବା ଜମି ରେ ଏହି ଚାଷ ବହୁତ ଭଲ ଓ ସଫଳତାର ସହ ହେବ ଯାହାକି ଦାରିଙ୍ଗବାଡି ସମୁଦ୍ର ପତ୍ତନ ଠାରୁ ୯ ଶହ ମିଟର ଉଚ୍ଚତା ରେ ରହିଛି ତେଣୁ ଏଠି ଏହି ଚାଷ ସଫଳ ରହିଛି। ସେହିପରି ୧୫ ରୁ ୨୫ ଡିଗ୍ରୀ ତାପମାତ୍ରା ଆବଶ୍ୟକ, ଜଳବାୟୁ, ମାଟିର ଉର୍ୱତା, ବର୍ଷାର ଆବଶ୍ୟକତା, ମାଟି ପରୀକ୍ଷା କରେଇବା ଜରୁରୀ ବୋଲି କୁହାଯାଇଥିଲା। ସେହିପରି ଏହି ଚାଷ ପାଇଁ ଜମିରେ ଛାଇ ନ ଥିଲେ ସେଠାରେ ସିଲଭର ଓକ ଗଛ ଲଗାଇବା ଭଳି କାର୍ଯ୍ୟ କରାଯିବାକୁ ଚାଷୀଙ୍କୁ ପରାମର୍ଶ ଦିଆଯାଇଥିଲା। ଜାନୁୟାରୀରୁ ଫେବୃୟାରୀରେ ନର୍ସରୀ ଆରମ୍ଭ କରାଯିବା ପାଇଁ ପରାମର୍ଶ ଦିଆଯାଇଥିଲା ପରେ ମାର୍ଚ୍ଚ ଓ ଏପ୍ରିଲରେ ଗଛ ପୋତିବା କାର୍ଯ୍ୟ କଲେ ସଫଳ ହୋଇପାରିବ ବୋଲି ପରାମର୍ଶ ଦିଆଯାଇଥିଲା ପରେ ପ୍ରାକ୍ଟିକାଲ କଫି ନର୍ସରୀରେ ଚାଷୀଙ୍କୁ ତାଲିମ ପ୍ରଦାନ କରାଯାଇଥିଲା। ଏହି କାର୍ଯ୍ୟକ୍ରମରେ କନ୍ଧମାଳ ଜିଲ୍ଲା ମୃତ୍ତିକା ସଂରକ୍ଷଣ ବିଭାଗର ପ୍ରକଳ୍ପ ନିର୍ଦ୍ଦେଶକ ଚିନ୍ତାମଣି ଜେନା ଅଧ୍ୟକ୍ଷତା କରିଥିବା ବେଳେ ଭାରତ ସରକାରଙ୍କ ମୃତ୍ତିକା ଓ ଜଳ ସଂରକ୍ଷଣ ବିଭାଗ କୋରାପୁଟ ଆଞ୍ଚଳିକ କାର୍ଯ୍ୟାଳୟର ବୈଜ୍ଞାନିକ ଡ଼ଃ ଶାଶ୍ୱତ କୁମାର କର ଏବଂ ଭାରତ ସରକାରଙ୍କ କଫି ବୋର୍ଡ ଅଧୀନ କୋରାପୁଟ କଫି ବୋର୍ଡ ର ଏସଏଲଓ ଉପେନ୍ଦ୍ର କୁମାର ସାହା ପ୍ରମୁଖ କଫି ଚାଷୀଙ୍କୁ ତାଲିମ ପ୍ରଦାନ କରିଥିଲେ। କାର୍ଯ୍ୟକ୍ରମକୁ ଦାରିଙ୍ଗବାଡି ମୃତ୍ତିକା ସଂରକ୍ଷଣ ବିଭାଗର ପିଆଇଏ ପ୍ରଫୁଲ୍ଲ ପ୍ରଧାନ ପରିଚାଳନା କରିଥିଲେ। ଜିଲ୍ଲାର ଅତିରିକ୍ତ ମୃତ୍ତିକା ସଂରକ୍ଷଣ ଅଧିକାରୀଙ୍କ ସମେତ ଅନ୍ୟ କର୍ମଚାରି ଫିଲଡ ଅଧିକାରୀମାନେ କାର୍ଯ୍ୟକ୍ରମରେ ସହଯୋଗ କରିଥିଲେ।
