ନୂଆଦିଲ୍ଲୀ,୨୩ ।୬: ଦେଶର କିଛି ରାଜ୍ୟରେ ଜିକା ଭାଇରସ ମିଳିବା ଫଳରେ ଏବେ ଏହା ବିଶେଷଜ୍ଞଙ୍କୁ ଚିନ୍ତାରେ ପକାଇ ଦେଇଛି । ଏହାରୁ ନେଇ ପ୍ରତି ରାଜ୍ୟରେ ଗ୍ରାଉଣ୍ଡ ଲେବଲରୁ ସତର୍କ ରହିବାକୁ କୁହାଯାଇଛି । ନୂଆଦିଲ୍ଲୀସ୍ଥିତ ଭାରତୀୟ ଆୟୁର୍ବିଜ୍ଞାନ ଅନୁସନ୍ଧାନ ପରିଷଦ(ଆଇସିଏମଆର୍)ର ଅଧିନରେ ଥିବା ଦେଶର ଭିନ୍ନ ଭିନ୍ନ କେନ୍ଦ୍ର ମିଶି ଅନୁଧ୍ୟାନ କରିଛନ୍ତି କି ଦେଶର ଗୋଟିଏ କିମ୍ବା ଦୁଇଟି ନୁହେଁ କିଛି ରାଜ୍ୟରେ ଜିକା ଭାଇରସ ପହଞ୍ଚି ସାରିଲାଣି । କେବଳ ସେତିକି ନୁହେଁ ଜିକା ସହ ଡେଙ୍ଗୁ ଓ ଚିକନଗୁନିଆ ବି ଦେଖିବାକୁ ମିଳିଲାଣି ।
ଅର୍ଥାତ୍ ଜଣେ ରୋଗୀଙ୍କ ନିକଟରେ ଜିକା ବ୍ୟତୀତ ଡେଙ୍ଗୁ ଓ ଚିକନଗୁନିଆ ବି ଦେଖିବାକୁ ମିଳୁଛି । ପରୀକ୍ଷା ପରେ ଜଣାପଡିଛି କି ରୋଗୀଙ୍କ ନିକଟରେ ସହାୟକ ସଂକ୍ରମଣ ରହିଛି ଯାହାର ଏପର୍ଯ୍ୟନ୍ତ କୌଣସି ତଥ୍ୟ ଦିଆଯାଇ ନାହିଁ । ମେଡିକାଲ ଜର୍ନାଲ ଫ୍ରଣ୍ଟିୟର୍ସରେ ପ୍ରକାଶିତ ଏକ ଅଧ୍ୟୟନରେ ବିଶେଷଜ୍ଞମାନେ କହିଛନ୍ତି କି କିଛି ଦିନ ହେବ ଭାରତରେ ଜିକା ଭାଇରସର ଗମ୍ଭିର ସ୍ଥିତି ଦେଖିବାକୁ ମିଳିଛି । ଗତ ବର୍ଷ ଭିନ୍ନ ଭିନ୍ନ ରାଜ୍ୟରେ କିଛି ମାମଲା ବି ସାମ୍ନାକୁ ଆସିଛି ।
