ଏଇ ଭାରତରେ
7:07 amJune 23, 2022June 23, 2022 / 21

ପର୍ଯ୍ୟଟକମାନଙ୍କୁ ଆକୃଷ୍ଟ କରିବା ଲାଗି ଏକ ପରିବେଶ ଉପଯୋଗୀ ଗାଁଁ ପ୍ରତିଷ୍ଠା କରି କଶ୍ମୀରର ଫୟାଜ ଅହମ୍ମଦ ଏକ ଉଦାହରଣ ସୃଷ୍ଟି କରିଛନ୍ତି। କଶ୍ମୀରର ଗଣ୍ଡରବାଲ୍‌ ଜିଲାରେ ସେ ଏହି ଇକୋ ଭିଲେଜ କରି ଇକୋ ଟୁରିଜମ୍‌ ସହ କଶ୍ମୀରର କଳା ସ୍ଥାପତ୍ୟକୁ ଉତ୍ସାହିତ କରୁଛନ୍ତି। ଏହି ଭିଲେଜ୍‌ର ନାମ ରଖାଯାଇଛି ସାଗ୍‌। ଭିଲେଜ୍‌ରେ ଘର ତିଆରି ହୋଇଛି ମାଟିରେ। ଜୈବିକ ପଦ୍ଧତିରେ ଚାଷ କରାଯାଉଛି। ଏହା ଏକ ବର୍ଜ୍ୟଶୂନ୍ୟ ଗାଁ ଭାବେ ପର୍ଯ୍ୟଟକଙ୍କୁ ଆକର୍ଷିତ କରୁଛି। ଏହା କଶ୍ମୀରର ପ୍ରଥମ ତଥା ପରିବେଶ ପରିସଂସ୍ଥା ଉପଯୋଗୀ ଗାଁ ଭାବେ ମାନ୍ୟତା ବି ପାଇଛି। ଦେଢ଼ ଏକରରୁ ଊର୍ଦ୍ଧ୍ୱ ଜମିରେ ମାଟିଘର ନିର୍ମାଣ କରାଯାଇଛି। ଏହି ଗାଁରେ ଏଜୁୁକେଶନାଲ କ୍ୟାମ୍ପର ସୁଯୋଗ ମଧ୍ୟ ଛାତ୍ରୀଛାତ୍ରମାନେ ପାଉଛନ୍ତି। ବିଭିନ୍ନ କର୍ମଶାଳା ଓ ପ୍ରଶିକ୍ଷଣର ସୁବିଧା ମଧ୍ୟ ରହିଛି। ଏହା ପୂର୍ବରୁ ଫୟାଜ ଦିଲ୍ଲୀସ୍ଥିତ ୟୁନାଇଟେଡ ଷ୍ଟେଟ୍‌ସ-ଇଣ୍ଡିଆ ଏଜୁକେଶନ ଫାଉଣ୍ଡେଶନରେ ଚାକିରି କରିଥିତ୍ଲେ। ୨୦୦୯ରେ ଚାକିରି ଛାଡ଼ି ସେ କଶ୍ମୀର ଫେରି ଇକୋ ଭିଲେଜ ନିର୍ମାଣ ଆରମ୍ଭ କରିଥିଲେ। ସେ ତାଙ୍କ ବନ୍ଧୁ ଓ ପରିବାର ଲୋକମାନଙ୍କଠାରୁ ୬୦ ଲକ୍ଷ ଟଙ୍କା ସଂଗ୍ରହ କରି ଏହି ଗାଁ ନିର୍ମାଣରେ ବ୍ୟୟ କରିଛନ୍ତି। ଉକ୍ତ ଗାଁରେ ପର୍ଯ୍ୟଟକମାନେ ରହିବାର ସବୁ ପ୍ରକାର ବ୍ୟବସ୍ଥା କରାଯାଇଛି। ରେସିଡେନ୍‌ସିଆଲ କ୍ୟାମ୍ପସ୍‌ ପାଇଁ ଛାତ୍ରମାନେ ରହିବାର ବନ୍ଦୋବସ୍ତ ହୋଇଛି।