ଓ୍ବାଶିଂଟନ,୧୩ା୪: ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ଏକ ଅଜବ କଥା କହି ଟ୍ରୋଲ ହୋଇଛନ୍ତି। ସେ କହିଛନ୍ତି, ଗିରଫ ହେବା ପରେ ତାଙ୍କୁ ନ୍ୟୁୟର୍କ କୋର୍ଟରେ ହାଜର କରାଯିବାବେଳେ କୋର୍ଟ କର୍ମଚାରୀମାନେ କାନ୍ଦୁଥିଲେ।
କୋର୍ଟଙ୍କ ଦ୍ୱାରା ନିର୍ଦ୍ଦୋଷ ପ୍ରମାଣିତ ହେବା ପରେ ଟ୍ରମ୍ପ ପ୍ରଥମ ଥର ପାଇଁ ଏକ ଚ୍ୟାନେଲରେ ସାକ୍ଷାତକାର ପାଇଁ ପହଞ୍ଚିଥିଲେ। ଏହି ସାକ୍ଷାତକାରରେ ଟ୍ରମ୍ପ କହିଛନ୍ତି, ମୁଁ ଯେତେବେଳେ କୋର୍ଟରେ ହାଜର ହେଲି, ସେମାନେ ମୋତେ ସାଇନ ଇନ କଲେ। ସେଠାରେ କାର୍ଯ୍ୟ କରୁଥିବା ସମସ୍ତ କର୍ମଚାରୀ କାନ୍ଦୁଥିଲେ।
ସେ କହିଛନ୍ତି, ‘ଯେଉଁମାନେ ସେଠାରେ ବୃତ୍ତିଗତ ଭାବେ କାମ କରନ୍ତି, ଯେଉଁମାନଙ୍କୁ ହତ୍ୟାକାରୀଙ୍କୁ ଦଣ୍ଡ ଦେବାରେ କୌଣସି ଅସୁବିଧା ନାହିଁ, ସେମାନେ ମୋତେ ଦେଖି ସେଠାରେ କାନ୍ଦୁଥିଲେ। ସେହି କୋର୍ଟ ଏକ କାରାଗାର ପରି, ବହୁତ କଷ୍ଟସାଧ୍ୟ ସ୍ଥାନ ଏବଂ ସେମାନେ କାନ୍ଦୁଥିଲେ। ଟ୍ରମ୍ପ କହିଛନ୍ତି, ସେମାନେ ପ୍ରକୃତରେ କାନ୍ଦୁଥିଲେ ଏବଂ ମୋତେ କ୍ଷମା ମାଗୁଥିଲେ।
