ଓ୍ବାଶିଂଟନ,୨୭।୮ : ପେଙ୍ଗୁଇନ ହେଉଛନ୍ତି ଏପରି ପ୍ରାଣୀ, ଯେଊଁମାନେ କେବଳ ପୃଥିବୀର ଏକ ନିର୍ଦ୍ଦିଷ୍ଟ ଅଞ୍ଚଳରେ ବାସ କରିଥାନ୍ତି। ତାହା ହେଉଛି ଆଣ୍ଟାର୍କଟିକ ନିକଟରେ। କୁହାଯାଏ ଡାଇନୋସର ସମୟରୁ ସେମାନେ ପୃଥିବୀରେ ରହିଛନ୍ତି। କିନ୍ତୁ ବର୍ତ୍ତମାନ ସେମାନଙ୍କ ମଧ୍ୟରୁ ଏକ ବିଶେଷ ପ୍ରଜାତି ଯାହା ଏମ୍ପରର ପେଙ୍ଗୁଇନ ନାମରେ ପରିଚିତ ଏବେ ଲୋପ ପାଇବାର ସଙ୍କଟରେ ପଡ଼ିଛନ୍ତି। ବୈଜ୍ଞାନିକମାନେ ଭୟ କରୁଛନ୍ତି ଯଦି ଏହା ଜାରି ରହେ ତେବେ ଆଗାମୀ ସମୟରେ ଏମ୍ପରର ପେଙ୍ଗୁଇନ ପୃଥିବୀରୁ ବିଲୁପ୍ତ ହୋଇଯିବେ। ନିକଟରେ ହୋଇଥିବା ଏକ ଅନୁସନ୍ଧାନରେ କୁହାଯାଇଛି ଆଣ୍ଟାର୍କଟିକାରେ ଏମ୍ପରର ପେଙ୍ଗୁଇନଙ୍କ ୯୦ ପ୍ରତିଶତ ବାସସ୍ଥାନ ଶେଷ ହେବାକୁ ଯାଉଛି।
ନେଚର ପତ୍ରିକାରେ ପ୍ରକାଶିତ ଏକ ରିପୋର୍ଟରେ କୁହାଯାଇଛି ଚଳିତ ଶତାବ୍ଦୀର ଶେଷ ସୁଦ୍ଧା ଏମ୍ପରର ପେଙ୍ଗୁଇନ ବିଲୁପ୍ତ ହୋଇପାରନ୍ତି। ବାସ୍ତବରେ, ବିଶ୍ୱ ତାପମାତ୍ରାରେ ବୃଦ୍ଧି ଯୋଗୁ ଆଣ୍ଟାର୍କଟିକା ସମୁଦ୍ର ବରଫ ଦ୍ରୁତ ଗତିରେ ହ୍ରାସ ପାଉଛି, ଯେଉଁଥିପାଇଁ ଏମ୍ପରର ପେଙ୍ଗୁଇନଙ୍କ ବାସସ୍ଥାନ ଶୀଘ୍ର ସମାପ୍ତ ମୁହାଁ ହୋଇଛି ।
ଆମେରିକାର ମତ୍ସ୍ୟ ଏବଂ ବନ୍ୟପ୍ରାଣୀ ବିଭାଗ ମଧ୍ୟ ଏମ୍ପରର ପେଙ୍ଗୁଇନଙ୍କ ଭବିଷ୍ୟତ ପାଇଁ ଚିନ୍ତିତ । ସେମାନଙ୍କୁ ଶିକାରୀଙ୍କଠାରୁ ରକ୍ଷା କରିବା ପାଇଁ ସ୍ବତନ୍ତ୍ର ଆଇନ ଆଣିପାରିବ। କିନ୍ତୁ ଜଳବାୟୁ ପରିବର୍ତ୍ତନ ଯୋଗୁ ସେମାନେ କିପରି ଅସୁବିଧାର ସମ୍ମୁଖୀନ ହେଉଛନ୍ତି ତାହା ଅତ୍ୟନ୍ତ ସଙ୍କଟ ଜନକ। ଏହି ପ୍ରାଣୀମାନେ ଏକାଠି ରୁହନ୍ତି ଏବଂ ଏକତ୍ର ପିଲାମାନଙ୍କୁ ଜନ୍ମ ଦିଅନ୍ତି। କିନ୍ତୁ ଦ୍ରୁତ ଗତିରେ ତରଳୁଥିବା ବରଫ ଯୋଗୁ ସେମାନଙ୍କ ବାସସ୍ଥାନ ନଷ୍ଟ ହେଉଛି। ଜଳବାୟୁ ପରିବର୍ତ୍ତନ ହେତୁ ସେମାନଙ୍କ ପ୍ରଜନନରେ ସମସ୍ୟା ଦେଖାଦେଇଛି। ଏହା ହେଉଛି ସେମାନଙ୍କର ଭବିଷ୍ୟତ ବର୍ତ୍ତମାନ ବିପଦରେ ଅଛି ।
ଏମ୍ପରର ପେଙ୍ଗୁଇନଙ୍କ ଭବିଷ୍ୟତ ବିଷୟରେ ବୈଜ୍ଞାନିକମାନେ ଗତ କିଛି ବର୍ଷ ଧରି ଗବେଷଣା କରିଆସୁଛନ୍ତି। ଜଳବାୟୁ ପରିବର୍ତ୍ତନ ଯୋଗୁ ୱେଡେଲ ସାଗର, ଯେଉଁଠାରେ ସମ୍ରାଟ ପେଙ୍ଗୁଇନ୍ର ବିଶ୍ୱର ଦ୍ୱିତୀୟ ବୃହତ୍ତମ ବାସସ୍ଥାନ ଅଛି। ତାହା ୨୦୧୬ରେ ଅନେକାଂଶରେ ଧ୍ୱଂସ ହୋଇ ଯାଇଥିଲା। ଏମ୍ପରର ପେଙ୍ଗୁଇନର ଅନେକ ନବଜାତ ଶିଶୁ ଏହି ଘଟଣାରେ ମରି ଯାଇଥିଲେ। ସେବେଠାରୁ ବଶ୍ୱର ବିଭିନ୍ନ ସ୍ଥାନରୁ ବୈଜ୍ଞାନିକମାନେ ଜଳବାୟୁ କାର୍ଯ୍ୟାନୁଷ୍ଠାନ ପାଇଁ ଦାବି କରୁଛନ୍ତି।
