ବିଶ୍ୱର ସବୁଠୁ ଧନୀ ବ୍ୟକ୍ତି ଭାବେ ପରିଚିତ ଏଲନ ମସ୍କଙ୍କ ଗର୍ଲଫ୍ରେଣ୍ଡ ଗ୍ରାଇମ୍ସ ଟପ୍ଲେସ୍ ହୋଇ ଚର୍ଚ୍ଚାକୁ ଆସିଛନ୍ତି। ଗ୍ରାଇମ୍ସ ଟପ୍ଲେସ୍ ହୋଇ ନିଜ ନୂଆ ଟାଟୁ ଫଟୋ ସୋସିଆଲ ମିଡିଆରେ ଶେୟାର କରିଛନ୍ତି। କାନାଡାରେ ରହୁଥିବା ୩୩ ବର୍ଷୀୟା ଗାୟିକା ଗ୍ରାଇମ୍ସ ଏହି ଫଟୋ ଏବେ ଭାଇରାଲ ହୋଇଛି। ଫଟୋରେ ତାଙ୍କ ପିଠିରେ ସମ୍ପୂର୍ଣ୍ଣ ଟାଟୁ ହୋଇଥିବା ଦେଖାଯାଇଛି। ଏହି ଟାଟୁ କରିବା ସମୟରେ ହୋଇଥିବା ଯନ୍ତ୍ରଣା ବିଷୟରେ ମଧ୍ୟ ସେ ବର୍ଣ୍ଣନା କରିଛନ୍ତି। ଗ୍ରାଇମ୍ସଙ୍କ ଏହି ଟାଟୁ ଏଲିଅନ ଥିମ୍ ଉପରେ ଆଧାରିତ ବୋଲି ଜଣାପଡିଛି। ଏହି ଫଟୋ କ୍ୟାପସନରେ, ଗ୍ରାଇମ୍ସ ଲେଖିଛନ୍ତି – ମୋ ପାଖରେ ଏବେ ଏହାଠାରୁ ଭଲ ଫଟୋ ନାହିଁ କାରଣ ଏହି ଟାଟୁ ତିଆରି କରିବାରେ ମୋର ବହୁତ ଯନ୍ତ୍ରଣା ହୋଇଛି ଏବଂ ମୋତେ ଏବେ ନିଦ ମଧ୍ୟ ମାଡୁଛି। ଏହି ଟାଟୁ କିଛି ସପ୍ତାହ ପର୍ଯ୍ୟନ୍ତ ଲାଲ ରହିବ ବୋଲି ସେ କହିଛନ୍ତି। ସୂଚନାଯୋଗ୍ୟ, ଗ୍ରାଇମ୍ସଙ୍କ ଅସଲ ନାମ କ୍ଲେୟର ଏଲିସ ବାଉଚର। ତାଙ୍କୁ ଏଲିଅନ୍ସରେ ବହୁତ ରୁଚି ଅଛି। ସେ ପୂର୍ବରୁ ମଧ୍ୟ କହିସାରିଛନ୍ତି ମଙ୍ଗଳଗ୍ରହରେ ବାସ କରିବା ତାଙ୍କ ସ୍ବପ୍ନ ରହିଛି। ୫୦ ବର୍ଷରେ ସେଠାକୁ ଯାଇ ମାନବ ସମାଜ ସ୍ଥାପପ କରିବାକୁ ଚାହୁଁଛନ୍ତି। ନିଜ ସ୍ବପ୍ନ ପୂରଣ କରିବା ପାଇଁ ସେ କଠିନ ପରିଶ୍ରମ କରୁଛନ୍ତି ବୋଲି ନିଜ ୟୁଟ୍ୟୁବ୍ ଚ୍ୟାନେଲରେ କହିଛନ୍ତି। ଏଲନ ମସ୍କଙ୍କ କମ୍ପାନୀ ମଧ୍ୟ ମଙ୍ଗଳ ଗ୍ରହରେ ମାନବ ସଭ୍ୟତା ସ୍ଥାପନା ପାଇଁ ଲଗାତର ପ୍ରୟାସ ଜାରି ରଖିଛି। ୨୦୨୦ରେ ଗ୍ରାଇମ୍ସ ଏବଂ ଏଲନ ପୁତ୍ର ସନ୍ତାନର ମାତାପିତା ହୋଇଥିଲେ। ଦୁହେଁ ପୁଅଙ୍କ ନାମ X A-12। ଏହି ଅଜବ ନାମ ସେସମୟରେ ସୋସିଆଲ ମିଡିଆରେ ବେଶ୍ ଚର୍ଚ୍ଚାର ବିଷୟ ହୋଇଥିଲା।
