ୱାଶିଂଟନ,୨ ।୧୨: ଖୁବଶୀଘ୍ର ମନୁଷ୍ୟ ବ୍ରେନ୍ ଚିପ ଲଗାଇ ବୁଲିବାକୁ ବାହାରିବ । ଏହାସହ ଏହି ଚିପ ଦ୍ୱାରା ଦୃଷ୍ଟିବାଧିତଙ୍କୁ ଆଲୋକ ମିଳିବ । ଟେଲସା ସିଇଓ ଏଲନ ମସ୍କ ଦାବି କରିଛିନ୍ତି କି ତାଙ୍କ କମ୍ପାନୀ ନ୍ୟୁରାଲିଂକ ଆସନ୍ତା ୬ ମାସ ମଧ୍ୟରେ ମନୁଷ୍ୟର ବ୍ରେନରେ ଚିପ ଲଗାଇବାକୁ ଯାଉଛି ।
ଦ ଷ୍ଟ୍ରିଟର ଏକ ରିପୋର୍ଟ ଅନୁଯାୟୀ, ମସ୍କ କହିଛନ୍ତି କମ୍ପାନୀର ମୂଳ ଲକ୍ଷ୍ୟ ହେଉଛି ଦୃଷ୍ଟି ଓ ପାରାଲିସିସକୁ ଠିକ୍ କରିବା । ଜନ୍ମରୁ ଯେଉଁମାନେ ଦୃଷ୍ଟି ବାଧିତ ସେମାନଙ୍କ ଆଖିରେ ନ୍ୟୁରାଲିଂକ ସାହାଯ୍ୟରେ ଆଲୋକ ଆସିପାରିବ । ଶରୀରର ହାଡ ଭାଙ୍ଗିଯିବାରୁ ଯେଉଁମାନେ ସମ୍ପୂର୍ଣ୍ଣ ଭାବେ ଅକ୍ଷମ ହୋଇଯାଇଛନ୍ତି ସେମାନେ ପୁଣିଥରେ ହୃଷ୍ଟପୁଷ୍ଟ ହେବାକୁ ନ୍ୟୁରାଲିଂକ ଟେକନିକ ବି ସାହାଯ୍ୟ କରିବ ।
ମସ୍କ ନ୍ୟୁରାଲିଂକ ଶୋ’ରେ କହିଛନ୍ତି, ବ୍ରେନରେ ଚିପ ଲଗାଇବାକୁ ନେଇ କମ୍ପାନୀ କଠିନ ପରିଶ୍ରମ କରୁଛି । ଅଧିକାଂଶ କାଗଜପତ୍ର କାର୍ଯ୍ୟ ୟୁଏସ ଫୁଡ ଆଣ୍ଡ ଡ୍ରଗ ଆଡମିନିଷ୍ଟ୍ରେଶନ(ଏଫଡିଏ)କୁ ଦିଆଯାଇଛି । ଏହାପରେ ମାନବ ବ୍ରେନରେ ନ୍ୟୁରାଲିଂକ ସ୍ଥାପନ କରିବାରେ ସଫଳତା ମିଳିବ ।
ମସ୍କ କହିଛନ୍ତି ଏବେ ମାନବ ପାଇଁ ଅର୍ଟିଫିସିୟାଲ ଇଣ୍ଟଲିଜେନ୍ସର ମୁକାବିଲା କରିବା ଜରୁରୀ ହୋଇପଡିଛି । ଏହାର କଠିନତାକୁ କମ କରିବାକୁ ଚେଷ୍ଟା କରିବାକୁ ପଡିବ । ସେ କହିଛନ୍ତି ଲ୍ୟାପଟପ ଓ ଫୋନ ସହ ଇଣ୍ଟରାକ୍ଟ କରିବା ଲୋକଙ୍କ କ୍ଷମତା ଖୁବ୍ କମ ।
