Posted inଖେଳ

‘ପ୍ରତି ରାଜ୍ୟ ଗୋଟିଏ କ୍ରୀଡ଼ାକୁ ଅଗ୍ରାଧିକାର ଦେବେ’

ନୂଆଦିଲ୍ଲୀ, ୯ା୭(ପି.ଟି.)- ଭାରତର ପ୍ରତ୍ୟେକ ରାଜ୍ୟ ଗୋଟିଏ ଲେଖାଏ କ୍ରୀଡ଼ାକୁ ଅଗ୍ରାଧିକାର ଦେବେ। ଉକ୍ତ କ୍ରୀଡ଼ାର ଉନ୍ନତି ପାଇଁ ସମ୍ପୃକ୍ତ ରାଜ୍ୟ ଫୋକସ କରିବେ। କେନ୍ଦ୍ର ସରକାରଙ୍କ ପକ୍ଷରୁ ରାଜ୍ୟଗୁଡ଼ିକୁ ଏହି ପରାମର୍ଶ ଦିଆ ଯାଇଛି ବୋଲି କ୍ରୀଡ଼ାମନ୍ତ୍ରୀ କିରେନ ରିଜିଜୁ ବୁଧବାର ପ୍ରକାଶ କରିଛନ୍ତି। ଅଲିମ୍ପିକ୍ସରେ ଅଧିକ ପଦକ ହାସଲ ଏହାର ମୁଖ୍ୟ ଉଦ୍ଦେଶ୍ୟ ବୋଲି ସେ କହିଛନ୍ତି। କର୍ପୋରେଟ୍‌ ସେକ୍ଟରକୁ ମଧ୍ୟ ସମାନ ପରାମର୍ଶ ଦିଆ ଯାଇଛି ବୋଲି ‘ରୋଲ ଅଫ୍‌ କର୍ପୋରେଟ୍‌ ଇଣ୍ଡିଆ ଫର ଫିଟ୍‌ ଇଣ୍ଡିଆ’ ଶୀର୍ଷକରେ ଆସୋଚାମ ପକ୍ଷରୁ ଆୟୋଜିତ ଓ୍ବେବିନାରରେ ଭାଗନେଇ ରିଜିଜୁ ପ୍ରକାଶ କରିଛନ୍ତି। ” ଆମେ ରାଜ୍ୟ ଗୁଡ଼ିକୁ ଗୋଟିଏ ଲେଖାଏ କ୍ରୀଡ଼ାକୁ ବାଛିବା ପାଇଁ ଚିଠି ଲେଖିଛୁ। ଉଦାହରଣ ସ୍ବରୂପ ମଣିପୁର ବକ୍ସିଂ ଏବଂ ସିପକ୍‌ଟାକ୍ରକୁ ବାଛିବ। ଏହି ରାଜ୍ୟ ଫୁଟବଲ ଏବଂ ଆର୍ଚେରି ମଧ୍ୟ ଖେଳାଇ ପାରିବ। ମାତ୍ର ବାଛିଥିବା କ୍ରୀଡ଼ା ଉପରେ ଫୋକସ କରିବାକୁ ପଡ଼ିବ। ଆମେ ପ୍ରତି କର୍ପାରେଟ ସଂସ୍ଥାକୁ ମଧ୍ୟ ଗୋଟିଏ ଲେଖାଏ କ୍ରୀଡ଼ାକୁ ପୋଷ୍ୟଭାବେ ଗ୍ରହଣ କରି ତା’ ଉପରେ ଫୋକସ କରିବାକୁ ପରାମର୍ଶ ଦେଇଛୁ। ତେବେ କାହାକୁ ଅନ୍ୟ କ୍ରୀଡ଼ାକୁ ସମର୍ଥନ କରିବାରୁ ବାରଣ କରିପାରିବ ନାହିଁ“ ବୋଲି ରିଜିଜୁ କହିଛନ୍ତି।
ଭାରତ ପରି ଏକ ବଡ଼ ଦେଶରେ ଏକାଧିକ କ୍ରୀଡ଼ାର ଉନ୍ନତି ସମ୍ଭବ। ତେବେ ଏଥିପାଇଁ ପ୍ରତି ରାଜ୍ୟ ଗୋଟିଏ ଲେଖାଏ କ୍ରୀଡ଼ା ଉପରେ ଧ୍ୟାନ ଦେବାକୁ ପଡ଼ିବ। ୨୦୨୮ ଲସ୍‌ ଏଞ୍ଜେଲ୍ସ ଅଲିମ୍ପିକ୍ସରେ ଭାରତ ଟପ୍‌-୧୦ ଫିନିଶ୍‌ ଲକ୍ଷ୍ୟ ରଖିଛି। ମାତ୍ର ଏବେଠାରୁ ଟାର୍ଗେଟ ନ ରଖିଲେ ଭାରତ ସେହି ସ୍ଥାନରେ ପହଞ୍ଚତ୍ ପାରିବ ନାହିଁ। ଅନ୍ୟ ଦେଶ ଗୁଡ଼ିକର ପ୍ରଦର୍ଶନକୁ ଦେଖିଲେ ଭାରତ ଯଦି ୧୦ରୁ ୧୨ ସ୍ବର୍ଣ୍ଣ ପଦକ ଜିତି ପାରିବ ତେବେ ପଦକ ତାଲିକାର ଟପ୍‌-୧୦ରେ ରହି ପାରିବ। କାରଣ ଆମେରିକା ଓ ଚାଇନା ପରି ୪-୫ଟି ଦେଶ ୪୦ରୁ ୫୦ ସ୍ବର୍ଣ୍ଣ ପଦକ ପାଉଛନ୍ତି। ଆର୍ଚେରି, ରେସ୍‌ଲିଂ, ବକ୍ସିଂ, ହକି, ଶୁଟିଂ ଆଦି ୧୪ଟି କ୍ରୀଡ଼ାକୁ ଅଗ୍ରାଧିକାର ଭିତ୍ତିରେ ଚିହ୍ନଟ କରାଯାଇଛି। ଅଲିମ୍ପିକ୍ସରେ ପଦକ ଲକ୍ଷ୍ୟରେ ଏହା ଉପରେ ଫୋକସ କରାଯିବ। ତେବେ ଅନ୍ୟ କ୍ରୀଡ଼ା ଉପରେ ମଧ୍ୟ ଧ୍ୟାନ ଦିଆଯିବ ବୋଲି ରିଜିଜୁ କହିଛନ୍ତି।
ଅଲିମ୍ପିକ୍ସରେ ଭାରତ ସଫଳ ହେବାକୁ ହେଲେ ସ୍ପୋଟର୍‌ସ ଫେଡେରେଶନ ଗୁଡ଼ିକ, ସରକାର ଏବଂ କର୍ପୋରେଟ ସେକ୍ଟରକୁ ମିଳିତଭାବେ କାର୍ଯ୍ୟ କରିବାକୁ ପଡ଼ିବ। ଜେଏସ୍‌ଡବ୍ଲ୍ୟୁ ଗ୍ରୁପ୍‌ର ଇନ୍‌ସ୍ପାୟାର ଇନ୍‌ଷ୍ଟିଚ୍ୟୁଟ ଦେଶର ଶୀର୍ଷସ୍ଥାନୀୟ ରେସ୍‌ଲର ଏବଂ ଜାଭେଲିନ୍‌ ଥ୍ରୋୟରଙ୍କ ପାଇଁ ସୁବିଧା ସୁଯୋଗ ଉପଲବ୍ଧ କରାଇଛି। ସେଠାରେ ସେମାନେ ଟ୍ରେନିଂ ନେଇ ପାରୁଛନ୍ତି। ସେହିପରି କର୍ପୋରେଟଗୁଡ଼ିକ ସୁବିଧା ସୁଯୋଗ ଏବଂ ଭିତ୍ତିଭୂମି ଉପଲବ୍ଧ କରାଇଲେ ଟପ୍‌ ଆଥଲେଟ୍‌ମାନଙ୍କୁ ଟ୍ରେନିଂ ପ୍ରଦାନ କରାଯାଇ ପାରିବ। ଯୋଜନାବଦ୍ଧଭାବେ କାର୍ଯ୍ୟ କଲେ ନିଶ୍ଚିତ ସଫଳତା ମିଳିବ ବୋଲି କ୍ରୀଡ଼ାମନ୍ତ୍ରୀ କହିଛନ୍ତି।

 


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ବାଉଣ୍ଡ୍ରି ଗଣିତ ନିୟମକୁ ପୂର୍ବତନ କ୍ରିକେଟରଙ୍କ ସମାଲୋଚନା

ନୂଆଦିଲ୍ଲୀ,୧୫।୭(ପିଟି)- ଗୌତମ ଗମ୍ଭୀରଙ୍କ ବ୍ୟତୀତ ପୂର୍ବତନ କ୍ରିକେଟର ଅନ୍ତର୍ଜାତୀୟ କ୍ରିକେଟ ପରିଷଦ (ଆଇସିସି)ର ବାଉଣ୍ଡ୍ରି ଗଣିତ ଦ୍ୱାରା ବିଶ୍ୱ ଚାମ୍ପିୟନ ନିର୍ଦ୍ଧାରଣ କରାଯିବା ପ୍ରକ୍ରିୟାକୁ ସମାଲୋଚନା...

ଓଡ଼ିଆ ହକି ତାରକା ସୁନୀତା ଲାକ୍ରାଙ୍କ ଅବସର

ନୂଆଦିଲ୍ଲୀ, ୨।୧ (ପି.ଟି.)- ଭାରତୀୟ ମହିଳା ହକି ଦଳର ଷ୍ଟାର୍‌ ଖେଳାଳି ତଥା ଓଡ଼ିଆ ଡିଫେଣ୍ଡର୍‌ ସୁନୀତା ଲାକ୍ରା ଗୁରୁବାର ଅନ୍ତର୍ଜାତୀୟ ହକିରୁ ଅବସର ଘୋଷଣା...

କଟା ଘା’ରେ ଚୂନ ଲଗାଇଲେ କୋହଲି

ଇଂଲଣ୍ଡ,୧୭।୮: ଭାରତୀୟ କ୍ରିକେଟ ଦଳ ଆୟୋଜକ ଇଂଲଣ୍ଡ ଐତିହାସିକ ଲର୍ଡସରେ ଭାରତୀୟ ଦଳ ଇଂଲଣ୍ଡକୁ ୧୫୧ ରନରେ ପରାସ୍ତ କରିଛି। ଭାରତୀୟ ଦଳ ଜିତିବା ପାଇଁ...

ଏକଦିବସୀୟ ମ୍ୟାଚ୍‌ରେ ଦ୍ରୁତତମ ୧୦ ହଜାର ରନ୍‌ ସଂଗ୍ରହ କରିଥିବା ବିଶ୍ୱର ୫ ଖେଳାଳି

ବିଶ୍ୱରେ ଏମିତି କିଛି ଖେଳାଳି ଅଛନ୍ତି ଯେଉଁମାନଙ୍କ ରେକର୍ଡ ଭାଙ୍ଗିବା କଷ୍ଟକର। ଏକଦିବସୀୟ ମ୍ୟାଚରେ ୧୦ ହଜାର ରନ ସଂଗ୍ରହ ଏକ ଏଭଳି ମାଇଲ୍‌ଖୁଣ୍ଟ, ଯାହାକୁ...

ଏହି ରେଷ୍ଟୁରାଣ୍ଟ ପରସୁଛି ୫ଫୁଟ ଲମ୍ବର ମୋଟେରା ଥାଳି, ପରସାଯାଉଛି ଧୋନୀ, କୋହଲିଙ୍କ ନାମରେ ଖାଦ୍ୟ

ଅହମ୍ମଦାବାଦର କୋର୍ଟୟାଡ ବାଏ ମାରିଅଟ ଭାରତର ୨ଟି ସବୁଠୁ ପ୍ରିୟ କ୍ରିକେଟ ଏବଂ ଖାଦ୍ୟକୁ ୫ ଫୁଟ ଲମ୍ବର ଏକ ପ୍ଲେଟରେ ଏକାଠି କରିବାକୁ ଚେଷ୍ଟା...

ପ୍ରଥମ ଟେଷ୍ଟ: ରୁଟ୍‌ଙ୍କ ବୃହତ୍‌ ଶତକ: ଇଂଲଣ୍ଡ ପ୍ରଭାବୀ

ଗାଲେ,୧୬।୧(ପି.ଟି.): ଅଧିନାୟକ ଜୋ ରୁଟ୍‌ଙ୍କ ଅପରାଜିତ ଶତକ (୧୬୮*, ୨୫୪ ବଲ, ୧୨ ଚୌକା) ବଳରେ ଇଂଲଣ୍ଡ ଘରୋଇ ଶ୍ରୀଲଙ୍କା ବିପକ୍ଷ ପ୍ରଥମ ଟେଷ୍ଟରେ ବୃହତ୍‌...

ଧୋନୀଙ୍କ ରେକର୍ଡ ଭାଙ୍ଗିଲେ ଏହି କ୍ରିକେଟରଙ୍କ ସ୍ତ୍ରୀ

ମହେନ୍ଦ୍ର ସିଂ ଧୋନୀଙ୍କୁ ଟି-୨୦ ଏବଂ ଏକଦିବସୀୟ କ୍ରିକେଟର୍‌ ବାଦ୍‌ଶାହ ବୋଲି କୁହାଯାଏ। ତାଙ୍କ ନାଁରେ ଅନେକ ରେକର୍ଡ ମଧ୍ୟ ରହିଛି। ଏବେ ଧୋନୀ ଅନ୍ତର୍ଜାତୀୟ...

ସିନ୍ଧୁ ହାରିଲେ

ଚାଙ୍ଗ୍‌ଝୋ(ଚାଇନା),୧୯।୯: ନୂଆକରି ବିଶ୍ୱ ଚାମ୍ପିୟନ ଟାଇଟଲ ହାସଲ କରିଥିବା ମହିଳା ବ୍ୟାଡ୍‌ମିସଣ୍ଟନ ଖେଳାଳି ପିଭି ସିନ୍ଧୁ ଏଠାରେ ଚାଲିଥିବା ଚାଇନା ଓପନ ସୁପର ୧୦୦୦ ଟୁର୍ନାମେଣ୍ଟର...

Advertisement
Ten Cric Info


Archives

Model This Week