ସରକାରୀ ନିଯୁକ୍ତି ପାଇଁ ସଭିଙ୍କ ମନରେ ଥାଏ ଆଗ୍ରହ। ତେବେ ଘରୋଇ ହେଉ କିମ୍ବା ସରକାରୀ ନିଯୁକ୍ତି ଉଭୟ କ୍ଷେତ୍ରରେ ଜାତକରେ ଶନି ମହାଗ୍ରହଙ୍କ ସ୍ଥିତି ହିଁ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ। ଶନିଙ୍କ ଯୋଗକାରକ ସ୍ଥିତି ଦ୍ୱାରା ଜାତକରେ ପ୍ରଶାସନିକ ଅଧିକାରୀ ହେବାର ସଙ୍କେତ ନିହିତ ରହିଥାଏ। ଏହା ସହିତ ଦଶମ ତଥା ଏକାଦଶ ଭାବରେ ଥିବା ରବିଙ୍କ ସ୍ଥିତି ମଧ୍ୟ ସରକାରୀ ନିଯୁକ୍ତି ସୁଯୋଗ ସୃଷ୍ଟି କରିଥାଏ ବୋଲି ଜ୍ୟୋତିଷ ଶାସ୍ତ୍ରରେ ଉଲ୍ଲେଖ ରହିଛି। ଜାତକରେ ପଞ୍ଚମହାପୁରୁଷ ଯୋଗ ମଧ୍ୟରୁ ଗୋଟିଏ ଯୋଗ ସୃଷ୍ଟି ହେଉଥିଲେ ଏହା ସରକାରୀ ନିଯୁକ୍ତି ସମ୍ଭାବନା ବୃଦ୍ଧି କରେ। ମାତାପିତାଙ୍କୁ ସମ୍ମାନ, ଗାୟତ୍ରୀ ମନ୍ତ୍ର ଜପ, ତୁଳସୀ ଚଉରାରେ ଜଳ ଦାନ ଆଦି ଦ୍ୱାରା ମଧ୍ୟ ସରକାରୀ ନିଯୁକ୍ତିର ମାର୍ଗ ପ୍ରଶସ୍ତ ହୋଇଥାଏ। ଜାତକରେ ଦଶମ, ଏକାଦଶ, ଷଷ୍ଠ ଭାବରେ ଗ୍ରହଙ୍କ ସ୍ଥିତି ଅନୁକୁଳ ନ ଥିଲେ ସରକାରୀ ନିଯୁକ୍ତି ମିଳିବା ଆଶା କ୍ଷୀଣ ହୋଇଥାଏ। ସେହିଭଳି ବୃହସ୍ପତିଙ୍କ ସ୍ଥିତି ମଧ୍ୟ ସରକାରୀ ନିଯୁକ୍ତି କ୍ଷେତ୍ରରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ। ରବି କେତୁ କିମ୍ବା ରାହୁ ସହିତ ମିଳିତ ହେଲେ ଜାତକରେ ଗ୍ରହଣ ଯୋଗ ସୃଷ୍ଟି ହୋଇଥାଏ। ଫଳରେ ସରକାରୀ ନିଯୁକ୍ତି ମିଳିବା କଷ୍ଟକର ହୋଇଥାଏ। ତେବେ ଉପଯୁକ୍ତ ପ୍ରତିକାର ମାଧ୍ୟମରେ ଏହାର ନିରାକରଣ କରାଯାଇ ପାରିଥାଏ ବୋଲି ଜ୍ୟୋତିଷ ଶାସ୍ତ୍ରରେ ଉଲ୍ଲେଖ ରହିଛି।
