ମଦ ନିଶାରେ ଅନେକ ଥର ଲୋକମାନେ ଏପରି ଅଜବ କାର୍ଯ୍ୟ କରନ୍ତି, ଯାହା ଚେତନା ପାଇବା ପରେ ସେମାନେ ଅନୁତାପ କରନ୍ତି। ଏବେ ଉତ୍ତରପ୍ରଦେଶର ଦେଓରିଆ ଜିଲାରୁ ଏକ ଏଭଳି ଆଶ୍ଚର୍ଯ୍ୟଜନକ ମାମଲା ସାମ୍ନାକୁ ଆସିଛି। ଦେଓରିଆର ଜଣେ ବ୍ୟକ୍ତି ମଦ ନିଶାରେ ସାପ ସହିତ ପଙ୍ଗା ନେବାକୁ ଚେଷ୍ଟା କରିଥିଲେ। ସେ ଏହାକୁ ପ୍ରଥମେ ଏକ ଖେଳନା ଭାବି ସାପ ଖେଳିଥିଲେ। ତାଙ୍କର କୌଣସି ଧାରଣା ନ ଥିଲା ଯେ ସେ ଖେଳନା ଭଳି ଖେଳୁଥିବା ଜୀବ ଏକ ବିଷାକ୍ତ ସାପ।
https://twitter.com/AnbNewstv/status/1721380353179369952/
ଏହି ଘଟଣାର ଏକ ଭିଡିଓ ସୋସିଆଲ ମିଡିଆରେ ମଧ୍ୟ ଭାଇରାଲ ହେଉଛି। ଏହି ଭିଡିଓରେ ଏହା ଦେଖିବାକୁ ମିଳେ ଯେ, ଜଣେ ୨୨ ବର୍ଷ ବୟସ୍କ ବ୍ୟକ୍ତି ମଦ୍ୟପାନ କରି ସାପ ସହିତ ଖେଳୁଛନ୍ତି। ସେହି ବ୍ୟକ୍ତି ସାପ ଲାଞ୍ଜକୁ ଧରିଛନ୍ତି। ପ୍ରଥମେ ସେ ଏହାକୁ ଧରିଥାନ୍ତି, କିନ୍ତୁ ତା’ପରେ ହଠାତ୍ ସେ ରାଗିକି ସାପକୁ ତଳେ ଫୋପାଡି ଦିଅନ୍ତି। ତଳେ ପଡିବା ପରେ ସାପ ଚେତାଶୂନ୍ୟ ହୋଇଯାଏ। କିନ୍ତୁ ବ୍ୟକ୍ତି ତଥାପି ନିଜ କାର୍ଯ୍ୟରୁ ନିବୃତ୍ତ ହୁଅନ୍ତି ନାହିଁ। ସେ ପୁଣି ଥରେ ତା’ସହ ଖେଳିବାକୁ ଲାଗିଥିଲେ।
ଏହି ଯୁବକଙ୍କ ନାମ ଜୟସ୍ବାଲ ବୋଲି ଜଣାପଡିଛି। ଜୟସ୍ବାଲ ସାପକୁ ଅନେକ ଥର କାମୁଡ଼ିବା ପାଇଁ ଚ୍ୟାଲେଞ୍ଜ କରିଥିଲେ। ସାପ କାମୁଡ଼ିବା ପରେ ଜୟସ୍ବାଲ ମୃତ୍ୟୁବରଣ କରିଥିଲେ। ପୋଷ୍ଟମର୍ଟମ ପାଇଁ ପୋଲିସ ତାଙ୍କ ମୃତଦେହ ପଠାଇଛି। କୁହାଯାଉଛି ଯେ ଏହି ଘଟଣା ଅହିରାଉଲି ଗ୍ରାମରେ ଘଟିଛି। ଜୟସ୍ବାଲଙ୍କର ୬ ଭାଇ ଓ ଭଉଣୀ ଅଛନ୍ତି। ସେ ସେମାନଙ୍କ ମଧ୍ୟରେ କନିଷ୍ଠ ଥିଲେ। ଜୟସ୍ବାଲଙ୍କ ମାତାପିତା ସିଲିଗୁଡିରେ ରୁହନ୍ତି।
