କ୍ୱିଭ,୭ ।୭: ରୁଷିଆ-ୟୁକ୍ରେନ୍ ଯୁଦ୍ଧ ଏବେବି ଉତ୍ତେଜନା ପରିସ୍ଥିତି ଦେଇ ଗତି କରୁଛି । ଲୁହାନସ୍କ ଉପରେ କବଜା କରିବା ପରେ ଏବେ ରୁଷିଆ ସେନା ୟୁକ୍ରେନର ଦୋନେସ୍କକୁ କବଜାକୁ ଆଣିବାକୁ ସମସ୍ତ ଶକ୍ତି ଲଗାଇ ଦେଇଛନ୍ତି । ଏଠାରେ ରୁଷିଆ ପକ୍ଷରୁ ବୋମାମାଡ କରାଯାଉଥିବାରୁ ଗତ ୨୪ ଘଣ୍ଟାରେ ୫ ଜଣଙ୍କ ମୃତ୍ୟୁ ହୋଇଥିବା କୁହାଯାଉଛି । ଏହାସହ ୨୧ରୁ ଅଧିକ ଆହତ ବି ହୋଇଛନ୍ତି । ରୁଷିଆ ସେନା ଦୋନେସ୍କ ଅଞ୍ଚଳରେ ନିଜ ପାଇଁ ରାସ୍ତା ଖୋଲିବା ମଧ୍ୟରେ କ୍ରାମାତୋର୍ସ୍କରେ ୩.୫ ଲକ୍ଷ ୟୁକ୍ରେନବାସୀଙ୍କୁ ଘର ଖାଲି କରିବାକୁ କୁହଯାଇଛି ।
ଦୋନେସ୍କର ଗଭର୍ନର ପାୱଲୋ କିରିଲେଂକୋ କହିଛନ୍ତି ରୁଷିଆ ସେନାର ଅଧିକାରୀମାନେ ଏଠାରୁ ସାଢେ ୩ ଲକ୍ଷ ଲୋକଙ୍କୁ ଘର ଖାଲି କରିବାକୁ ଅପିଲ କରିଛନ୍ତି । ସେ କହିଛନ୍ତି ଲୋକଙ୍କ ଜୀବନ ବଞ୍ଚାଇବାକୁ ଏହା ବଡ ପଦକ୍ଷେପ । କାରଣ ଲୋକଙ୍କୁ ହଟାଇବା ପରେ ହିଁ ୟୁକ୍ରେନ୍ ସେନା ସେଠାରେ ଯୁଦ୍ଧ ପାଇଁ ଭଲଭାବେ ପ୍ରସ୍ତୁୂତ ହୋଇ ରହିପାରିବେ ।
ଗଭର୍ନର କହିଛନ୍ତି ଏବେ ୟୁକ୍ରେନର ଭାଗ୍ୟ ଦୋନେସ୍କ ଅଞ୍ଚଳ ସ୍ଥିର କରିବ । ଇତିମଧ୍ୟରେ ଦୋନେସ୍କରେ ରୁଷଆ ପକ୍ଷର ବହୁ ପରିମାଣରେ ଗୁଳିଗୋଳା ବର୍ଷଣ କରାଯାଇଛି । ଦୋନେସ୍କରେ ଅଧିକାଂଶ ଲୋକ ରୁଷିଆ ଭାଷା କହୁଥିବାରୁ ରୁଷିଆ ଏହି ଅଞ୍ଚଳକୁ ନିଜ କବଜାକୁ ନେବାକୁ ଚାହୁଁଛି ।
