ବରେଲି,୨୪/୫:ଉତ୍ତରପ୍ରଦେଶର ଜଣେ ବିଚାରପତିଙ୍କ ବରେଲିସ୍ଥିତ ବାସଭବନରୁ ପୋଷା କୁକୁର ଚୋରି ହୋଇଛି। ସେମାନଙ୍କ ପଡ଼ୋଶୀ ଡମ୍ପି ଅହମଦ କୁକୁର ଚୋରି କରିଥିବା ବିଚାରପତିଙ୍କ ପରିବାର ଲୋକେ ଅଭିଯୋଗ କରିଛନ୍ତି। ସେମାନଙ୍କ ଅଭିଯୋଗ ଆଧାରରେ ପୋଲିସ ପ୍ରାଣୀ ନିଷ୍ଠୁରତା ଆଇନରେ ୨୪ରୁ ଊର୍ଦ୍ଧ୍ୱ ଲୋକଙ୍କ ନାଁରେ ମାମଲା ରୁଜୁ କରିଛି।
ବିଚାରପତି ଜଣକ ହର୍ଦୋଇରେ ପୋଷ୍ଟିଂ ହୋଇଥିବାବେଳେ ତାଙ୍କ ପରିବାର ବରେଲିର ସନ୍ସିଟି କଲୋନିରେ ରହୁଛନ୍ତି। କିଛିଦିନ ପୂର୍ବରୁ ବିଚାରପତିଙ୍କ ପରିବାର ଓ ଅହମଦଙ୍କ ପରିବାର ମଧ୍ୟରେ ବଚସା ହୋଇଥିଲା। ସେହି କଲୋନିରେ ରହୁଥିବା ଅହମଦଙ୍କ ପୁଅ କାଦିର ଖାନ୍ ଜଜ୍ଙ୍କ ପରିବାର ସଦସ୍ୟଙ୍କୁ ଡରାଇବାକୁ ଉଦ୍ୟମ କରିବା ସହ ହତ୍ୟା ଧମକ ଦେଇଥିଲେ ବୋଲି ଅଭିଯୋଗ ହୋଇଛି। ଗତ ୧୬ ତାରିଖ ରାତିରେ ଅହମଦଙ୍କ ସ୍ତ୍ରୀ ବିଚାରପତିଙ୍କ ଘରକୁ ଆସିଥିବାବେଳେ ସେମାନଙ୍କ କୁକୁର ଉକ୍ତ ମହିଳା ଓ ତାଙ୍କ ଝିଅଙ୍କୁ ଆକ୍ରମଣ କରିଥିଲା। ଏହାକୁ ନେଇ ଦୁଇ ପରିବାର ମଧ୍ୟରେ ଝଗଡ଼ା ହୋଇଥିଲା। ଖବର ପାଇ ବିଚାରପତି ଲକ୍ଷ୍ନୌରୁ ବରେଲି ପୋଲିସକୁ ଫୋନ୍ କରି ସବୁ କଥା ଜଣାଇବା ସହ ଏତଲା ଦାଏର କରିଥିଲେ। ପରେ କୁକୁରକୁ ଖୋଜି ବାହାର କରିବା ପାଇଁ ପୋଲିସ ଟିମ୍ ଉଦ୍ୟମ ଚଳାଇଛି।
