ବେଳେବେଳେ ସୋସିଆଲ ମିଡିଆରେ ଏମିତି କିଛି ଭିଡିଓ ଭାଇରାଲ ହୋଇଥାଏ ଯାହାକୁ ଦେଖି ଲୋକେ ହସିହସି ଗଡ଼ିଥାନ୍ତି। ଏବେ ସେମିତି ଏକ ଭିଡିଓ ଭାଇରାଲ ହେଉଛି। ଯାହାକୁ ଲୋକେ ପସନ୍ଦ କରୁଛନ୍ତି।
ଏହି ଭିଡିଓଟି ସୋସିଆଲ ମିଡିଆରେ ‘Fred Schultz’ ନାମକ ଏକ ଆକାଉଣ୍ଟରେ ଶେୟାର କରାଯାଇଛି। ଏଥିରେ ଦେଖିବାକୁ ମିଳିଛି କୁକୁରଟି ସୁଇମିଂ ପୁଲ୍ ନିକଟରେ ଠିଆ ହୋଇଛି। ଏହି ସମୟରେ ସେ ପୁଲ୍ରେ ଭାସୁଥିବା ଏକ ବଲ୍କୁ ଦେଖୁଛି। ପରେ ଏହାକୁ ଆଣିବା ପାଇଁ ଚେଷ୍ଟା କରି ପାଣିକୁ ଓହ୍ଲାଉଛି। ପାଣିରେ ଭାସୁଥିବା ଏକ ମ୍ୟାଟ୍ ଜରିଆରେ ଓହ୍ଲାଉଛି। କିନ୍ତୁ ମ୍ୟାଟ୍ ଉପରେ ନିଜର ସନ୍ତୁଳନ ରକ୍ଷା କରିପାରୁନି। ମ୍ୟାଟ୍ଟି ପାଣିରେ ଏପଟସେପଟ ହେଉଛି। କିଛି ସମୟ ପରେ ବଲ୍ଟିକୁ କୁକୁର ମୁହଁରେ ଉଠାଇଆଣି କୂଳରେ ପହଞ୍ଚିବାରେ ସକ୍ଷମ ହୋଇଛି।
ଲୋକେ ଏହି ଭିଡିଓକୁ ଖୁବ୍ ପସନ୍ଦ କରୁଛନ୍ତି। ଲୋକେ କୁକୁରର ବୁଦ୍ଧିକୁ ପ୍ରଶଂସା କରୁଛନ୍ତି। ଭିଡିଓଟିକୁ ବର୍ତ୍ତମାନ ସୁଦ୍ଧା ୮୦୦୦ରୁ ଅଧିକ ଲୋକ ଦେଖିସାରିଲେଣି। ଏଥିରେ ଭଲ ଭଲ କମେଣ୍ଟ ସବୁ ଦେଉଛନ୍ତି। ଜଣେ ୟୁଜର ଲେଖିଛନ୍ତି, ‘ସ୍ମାର୍ଟ ଡଗ୍’। ଆଉ ଜଣେ ୟୁଜର ଲେଖିଛନ୍ତି, ‘କୁକୁରର ଶକ୍ତି’।
