ନିଜ କ୍ୟାରିୟରକୁ ନେଇ ସଭିଏଁ ଚିନ୍ତା କରିଥାନ୍ତି । ବାସ ଘରେ ଥିବା କେତେକ ବାସ୍ତୁଦୋଷ କାରଣରୁ କ୍ୟାରିୟରରେ ନାନା ବାଧା ବିଘ୍ନ ଉପୁଜିଥାଏ ବୋଲି। ଫଳରେ ଅନେକ ଚେଷ୍ଟା ପରେ ମଧ୍ୟ ସଫଳତା ମିଳିପାରି ନ ଥାଏ। ବାସ୍ତୁ ଅନୁଯାୟୀ ଘରର ଉତ୍ତର-ପୂର୍ବ ଦିଗରେ ଡଷ୍ଟବିନ୍, ପୁରୁଣା ଖବରକାଗଜ ଗଦା ଓ କିଚେନ୍ ରହିବା ଦ୍ୱାରା ମନରେ ସର୍ବଦା ନକାରାତ୍ମକ ଚିନ୍ତା ଆସେ। ଏସବୁ ଘରର ଦକ୍ଷିଣ-ପଶ୍ଚିମ ଦିଗରେ ରହିଲେ କ୍ୟାରିୟରରେ ଉନ୍ନତି ଘଟିଥାଏ । ସେହିପରି ଘରର ଉତ୍ତର-ପୂର୍ବ ଦିଗରେ ସ୍ବସ୍ତିକ ଚିହ୍ନ ରହିବା ଦ୍ୱାରା ଆଭ୍ୟନ୍ତରୀଣ କ୍ଷେତ୍ରରେ ସକାରାତ୍ମକ ପରିବେଶ ସୃଷ୍ଟି ହୁଏ । ଏହା ଦ୍ୱାରା ମନରେ ଆଧ୍ୟାତ୍ମିକ ଭାବନା ସୃଷ୍ଟି ହୋଇଥାଏ। ଘରର ପୂର୍ବ କିମ୍ବା ଦକ୍ଷିଣ-ପୂର୍ବ ଦିଗରେ ବେଡରୁମ୍ ରହିଲେ ଏହାର ପ୍ରଭାବରେ କ୍ୟାରିୟର କ୍ଷେତ୍ରରେ ବାଧା ସୃଷ୍ଟି ହୋଇଥାଏ। ଶୌଚାଳୟ, ଷ୍ଟୋରରୁମ୍ ଘରର ବ୍ରହ୍ମସ୍ଥଳର ପୂର୍ବ କିମ୍ବା ଉତ୍ତର-ପୂର୍ବ ଦିଗରେ ରହିଲେ ପରିବାର ସଦସ୍ୟଙ୍କ ଉପରେ ଖରାପ ପ୍ରଭାବ ପଡ଼ିଥାଏ । କେତେକ ସହଜ ଉପାୟ ଆପଣେଇଲେ ବାସ ଘରେ ଥିବା ବାସ୍ତୁଦୋଷର ନିରାକରଣ କରାଯାଇପାରିଥାଏ ବୋଲି ବାସ୍ତୁବିତ୍ ମତପୋଷଣ କରିଥାନ୍ତି।
