ଇସଲାମାବାଦ୍,୨୧।୧୧: ପାକିସ୍ତାନର ଉତ୍ତରପଶ୍ଚିମ ଅଞ୍ଚଳରେ ଥିବା ଖାତ୍ ଜିଲାରେ ୧୩ ଶହ ବର୍ଷ ପୁରାତନ ବିଷ୍ଣୁ ମନ୍ଦିରର ସନ୍ଧାନ ମିଳିିଛି। ଏହା ହିନ୍ଦୁ ଶାହୀ ଅବା କାବୁଲ ଶାହୀ ରାଜଙ୍କ ସମୟରେ ନିର୍ମାଣ କରାଯାଇଥିବା ଅନୁମାନ କରାଯାଉଛି। ଖାଇବର ପସ୍ତୁନଖ୍ବା ଅଞ୍ଚଳରେ ଥିବା ପ୍ରତ୍ନତତ୍ତ୍ୱ ବିଭାଗ ପକ୍ଷରୁ ଏସମ୍ପର୍କରେ ସୂଚନା ଦିଆଯାଇଛି। ମନ୍ଦିରର ବହୁ ଅଂଶ ମାଟିତଳେ ପୋତି ରହିଥିବା ପ୍ରତ୍ନତତ୍ତ୍ୱବିତ୍ ଫୈଜଲ ଖାଲିକ୍ କହିଛନ୍ତି। ମନ୍ଦିର ନିକଟରେ ଏକ ଛୋଟ ପାଣି କୁଣ୍ଡ ରହିଥିବାର ଅନୁମାନ କରାଯାଉଛି। ଶ୍ରଦ୍ଧାଳୁ ପ୍ରଭୁଙ୍କୁ ଦର୍ଶନ କରିବା ପୂର୍ବରୁ ଏଠାରେ ଗାଧୋଉଥିବାର ଅନୁମାନ କରାଯାଉଥିବା ଫୈଜଲ କହିଛନ୍ତି।
