Posted inଫୁରସତ

ଡିଜିଟାଲ ରେପ୍‌: ବିପଦରେ ନାବାଳିକା

ନୂଆଦିଲ୍ଲୀ: ନୋଏଡା ସୁରଜପୁର ଜିଲା ସଲାରପୁର ଗ୍ରାମର ଜଣେ ୬୫ ବର୍ଷୀୟ ବ୍ୟକ୍ତିଙ୍କୁ ଡିଜିଟାଲ ରେପ୍‌ ଅଭିଯୋଗରେ ସେସନ୍ସ କୋର୍ଟ ମଙ୍ଗଳବାର ଆଜୀବନ ଜେଲ ଦଣ୍ଡାଦେଶ ଶୁଣାଇଛନ୍ତି। ପୋସ୍କୋ ଆକ୍ଟ ଅନ୍ତର୍ଗତ ଆଇପିସି ଧାରା ୩୭୫ ଅଧୀନରେ ସମ୍ପୃକ୍ତ ବ୍ୟକ୍ତିଙ୍କ ବିରୋଧରେ ନୋଏଡା ସେକ୍ଟର ୩୯ ପୋଲିସ ମାମଲା ରୁଜୁ କରିଥିଲା। ଅଭିଯୁକ୍ତ ଆକବର ଅଲ୍ଲୀଙ୍କ ଘର ପଶ୍ଚିମବଙ୍ଗରେ। ୨୦୧୯ରେ ନୋଏଡା ସଲାରପୁରରେ ରହୁଥିବା ତାଙ୍କ ଝିଅ ଘରକୁ ସେ ବୁଲିବା ପାଇଁ ଆସିଥିଲେ। ପାଖଘରେ ରହୁଥିବା ସାଢ଼େ ତିନି ବର୍ଷର ଝିଅଙ୍କୁ ଚକୋଲେଟ ଦେବାର ପ୍ରଲୋଭନ ଦେଖାଇ ଆକବର ଅଲ୍ଲୀ ତାଙ୍କୁ ଡିଜିଟାଲ ରେପ୍‌ କରିଥିବା ପୋଲିସ କହିଛି। ପୀଡ଼ିତା ନାବାଳିକା ଜଣକ ଘରକୁ ଆସି କାନ୍ଦି କାନ୍ଦି ତାଙ୍କ ମା’ଙ୍କୁ ଘଟଣା ସମ୍ପର୍କରେ କହିଥିଲେ। ପୀଡ଼ିତାଙ୍କ ପରିବାର ଏ ନେଇ ଥାନାରେ ଅଭିଯୋଗ କଲା ପରେ ପୋଲିସ ତୁରନ୍ତ ଆକବରଙ୍କୁ ଗିରଫ କରିନେଇଥିଲା। ଜାମିନ ପାଇଁ ସେ ହାଇକୋର୍ଟରେ ଆବେଦନ କରିଥିଲେ ହେଁ କୋର୍ଟ ଆବେଦନ ପତ୍ରକୁ ଖାରଜ କରିଦେଇଥିଲେ। ଆଜୀବନ କାରାଦଣ୍ଡ ସାଙ୍ଗକୁ ଆକବରଙ୍କୁ ୫୦ ହଜାର ଟଙ୍କା ଜରିମାନା ଦେବା ଲାଗି କୋର୍ଟ ଶୁଣାଣିରେ କହିଛନ୍ତି।
ଡିଜିଟାଲ ରେପ୍‌ କ’ଣ?
ପ୍ରତ୍ୟେକ ଦିନ ବଳାତ୍କାର ସମ୍ବନ୍ଧୀୟ ଘଟଣା ସବୁ ଖବରକାଗଜ ଓ ନ୍ୟୁଜ୍‌ ଚ୍ୟାନେଲରେ ଦେଖିବାକୁ ମିଳୁଛି। ଏହି ବଳାତ୍କାର ମାମଲାରେ ଏବେ ଡିଜିଟାଲ ରେପ୍‌ ଯୋଡ଼ିହୋଇଛି। ଅନେକଙ୍କ ମନରେ ଏହି ରେପ୍‌ ସମ୍ବନ୍ଧୀୟ ଭୁଲ ଧାରଣା ରହିଛି। ଏଥିରେ ବ୍ୟବହୃତ୍‌ ହୋଇଥିବା ଡିଜିଟାଲ ଶବ୍ଦର ଅର୍ଥ ଇଣ୍ଟରନେଟ୍‌ କିମ୍ବା ଭର୍ଚୁଆଲ ମୋଡ୍‌ ନୁହେଁ। ଇଂଲିଶ ଶବ୍ଦ କୋଷରେ ଡିଜିଟାଲର ଅର୍ଥ ଆଙ୍ଗୁଠି। ସରଳ ଭାବେ କହିବାକୁ ଗଲେ ଅଙ୍ଗୁଳକୁ ବ୍ୟବହାର କରି କରାଯାଉଥିବା ବଳାତ୍କାର ହେଉଛି ଡିଜିଟାଲ ରେପ୍‌। ୨୦୧୨ ଡିସେମ୍ବର ପର୍ଯ୍ୟନ୍ତ ଡିଜିଟାଲ ରେପ୍‌କୁ ବଳାତ୍କାର ଅନ୍ତର୍ଭୁକ୍ତ କରାଯାଇ ନ ଥିଲା। ଏହାକୁ ଶାରୀରିକ ନିର୍ଯାତନା ଭାବେ ଧରାଯାଉଥିଲା।
ଅଧିକାଂଶ ବୟସ୍କ ବ୍ୟକ୍ତିଙ୍କ ବିରୋଧରେ ଡିଜିଟାଲ ରେପ୍‌ ଅନ୍ତର୍ଗତ ମାମଲା ରୁଜୁ ହୋଇଛି ।
ନିକଟରେ ନୋଏଡାର ୫୦ ବର୍ଷୀୟ ମନୋଜ ଲାଲାଙ୍କୁ ଡିଜିଟାଲ ରେପ୍‌ ଅଭିଯୋଗରେ ଗିରଫ କରାଯାଇଥିବାବେଳେ ନୋଏଡାର ଆଉ ଜଣେ ବ୍ୟକ୍ତି ନିଜ ୫ ବର୍ଷର ଝିଅକୁ ବଳାତ୍କାର କରିଥିବା ଅଭିଯୋଗ ହୋଇଛି। ୨୦୨୧ରେ ୮୦ ବର୍ଷ ବୟସର ଜଣେ ପେଣ୍ଟର ତାଙ୍କ ଘରେ ରହୁଥିବା ଜଣେ ନାବାଳିକାଙ୍କୁ ଦୀର୍ଘ ୭ ବର୍ଷ ଧରି ଡିଜିଟାଲ ରେପ୍‌ କରିଥିବା ଅଭିଯୋଗ ହୋଇଥିଲା। ଡିଜିଟାଲ ରେପ୍‌ ସମ୍ବନ୍ଧୀୟ ଅଧିକାଂଶ ମାମଲା ବୟସ୍କ ଲୋକଙ୍କ ବିରୋଧରେ ଆସୁଛି। ଦେଶରେ ଏ ଭଳି ଅନେକ ଘଟଣା ଘଟୁଥିବାବେଳେ ଅଳ୍ପ ସଂଖ୍ୟକ ମାମଲା ହିଁ ଲୋକଲୋଚନକୁ ଆସୁଛି। ସାମାଜିକ ଅପବାଦ ଡରରେ ଡିଜିଟାଲ ରେପ୍‌ର ଶିକାର ହୋଇଥିବା ପୀଡ଼ିତା ଓ ସେମାନଙ୍କ ପରିବାର ଏ ନେଇ କୌଣସି ଅଭିଯୋଗ କରୁ ନ ଥିବା ମାମଲାର ଶୁଣାଣି ବେଳେ ସୁରଜପୁର ସେସନ୍ସ କୋର୍ଟ ଜଜ୍‌ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଚିତା ସହ ସେଲ୍‌ଫି, ଭିଡିଓ ଦେଖିଲେ…

ସୋସିଆଲ ମିଡିଆରେ ଅନେକ ଭିଡିଓ ଭାଇରାଲ ହୋଇଥାଏ। ସେଥିରୁ କିଛି ଭିଡିଓରେ ଲୋକଙ୍କ ସାହସକୁ ଦେଖିଲେ ଲୋମ ଟାଙ୍କୁରି ଉଠେ। ବିଶେଷକରି ଯେତେବେଳେ ଲୋକମାନେ ବନ୍ୟ...

ନିୟତିର ଖେଳ : ଜାତୀୟ ସ୍ବର୍ଣ୍ଣବିଜେତା ଏବେ ଦିନ ମଜୁରିଆ

କାନପୁର : ନିୟତିର ଗତି ବଡ଼ ବିଚିତ୍ର। ପରିସ୍ଥିତି କେତେବେଳେ ବଦଳିଯାଏ ତାହା କହିହେବନି। ସଫଳତାର ପାହାଚ ଚଢ଼ି ଉପରକୁ ଯାଇଥିବା ଜଣେ ଖେଳାଳି ଏକ...

ଜୀବାଶ୍ମର ହେବ ରିସାଇକ୍ଲିଂ

ପ୍ରାଣୀଟିଏ ମରିଯାଏ। ତାକୁ ପୋଡ଼ିଦେଲେ ବା ପୋତିଦେଲେ ତାହା ନଷ୍ଟ ହୋଇଯାଏ। ଗଛଟିଏ ମରିଯାଏ। ତାହା ମାଟିରେ ମିଶିଯାଏ। ହେଲେ ବାସ୍ତବରେ ଏହି ପ୍ରାଣୀ ବା...

କଇଁଛ ଉପରେ ବିଲେଇର ରାଜ୍‌, ପଡ଼ିଯିବା ଭୟରେ କରୁଛି ଏମିତି

ପ୍ରତ୍ୟେକ ଦିନ ସୋସିଆଲ ମିଡିଆରେ କିଛିନା କିଛି ଭିଡିଓ ଏବଂ ଫଟୋ ଭାଇରାଲ ହୋଇଥାଏ। ସେଥିରୁ କେତେକ ଭିଡିଓ ଏବଂ ଫଟୋ ହସର ଖୋରାକ ଯୋଗାଉଥିବା...

କଲେଜରେ ପିତା ଜୁନିୟର୍‌, ଝିଅ ସିନିୟର୍‌

ସାଧାରଣତଃ ପିଲାମାନଙ୍କୁ କଲେଜରେ ପାଠ ପଢାଇବାର ସ୍ବପ୍ନ ଦେଖିଥାନ୍ତି ପିତା। କିନ୍ତୁ ପିଲାମାନେ ଯଦି ନିଜ ଅଭିଭାବକଙ୍କୁ ପଢିବା ପାଇଁ ପ୍ରେରଣା ଯୋଗାଇଥାନ୍ତି ତେବେ ତାହା...

ଲକ୍‌ଜ୍ୟୁରିୟସ୍‌ ଭାସମାନ ମାନସନ୍‌

ଧନୀ ବ୍ୟକ୍ତିମାନେ ବିଳାସମୟ ୟଟ୍‌ରେ ଛୁଟି କାଟିବାକୁ ବହୁତ ଭଲ ପାଆନ୍ତି। ତେବେ ୟଟ୍‌ଟି ଯଦି ବିଳାସମୟ ଘର ଭଳି ହୋଇଥିବ ମଜା ଆହୁରି ବଢିଯିବ।...

ବିମାନରୁ ଡେଇଁ ଗର୍ଲଫ୍ରେଣ୍ଡଙ୍କୁ ପ୍ରପୋଜ୍‌ କଲେ ସ୍କାଏ ଡାଇଭର

ମିଆମି, ୧୨।୩: ପ୍ରେମ ପାଇଁ ପ୍ରେମିକା ପ୍ରେମିକ ନାନା ପ୍ରକାର କାମ କରିବାକୁ ପଛାଇ ନ ଥାନ୍ତି। ଏବେ ଜଣେ ଯୁବକ ଗର୍ଲଫ୍ରେଣ୍ଡଙ୍କୁ ନିଆରା ଢ଼ଙ୍ଗରେ...

ମିରର୍‌ ବିଚ୍‌

ଜାପାନ, ମିତୋୟୋ ସହରସ୍ଥ ଚିଚିବୁଗାହାମା ବିଚ୍‌ ବା ବେଳାଭୂମି ହେଉଛି ଏକ ଲୋକପ୍ରିୟ ଟୁରିଷ୍ଟ ଡେଷ୍ଟିନେସନ୍‌। ହେଲେ ଦିନେ ଏହା ଲୋକଲୋଚନଠୁ ଦୂରରେ ଥିଲା। କିନ୍ତୁ...

Advertisement
Archives

Model This Week