ମଣ୍ଡିରୁ ଧାନ ଉଠୁ ନ ଥିବାରୁ ଚଳିତ ମାସ ୮ ତାରିଖରେ ଧରିତ୍ରୀରେ ଖବର ପ୍ରସାରଣ କରାଯାଇଥିଲା।ଚାଷୀ ମାନେ ଶୀତ କାକରରେ ଖୋଲା ଆକାଶ ତଳେ ଦିନରାତି ପାଳିକରି ଧାନ ଜଗୁଥିଲେ । କେସିଙ୍ଗା ବ୍ଲକର ଗୋକୁଲେଶ୍ୱର୍ ପ୍ରାଥମିକ କୃଷି ସମବାୟ ସମିତିରୁ ଗୋଟିଏ ଧାନ ମଣ୍ଡିରୁ ୧୦୩୬ ଜଣଙ୍କ ଚାଷୀଙ୍କ ଠାରୁ ୫୨ ହଜାର ୫୫୧ କୁଇଣ୍ଟାଲ ଧାନ ଉଠି ଥିବା ବେଳେ ବର୍ତ୍ତମାନ ୨୯୪.୨୪ କୁଇଣ୍ଟାଲ ଧାନ ଉଠି ନାହିଁ। ସେହିପରି କଶୃପଡ଼ା ପ୍ରାଥମିକ କୃଷି ସମବାୟ ସମିତିର ୩ଟି ଧାନ ମଣ୍ଡିର ୯୮୬ଜଣ ଚାଷୀଙ୍କ ୪୭ହଜାର ୨୬୨.୪୦ କୁଇଣ୍ଟାଲ ଧାନ ଉଠିଛି। ବାକି ୫୨୨.୮୭ କୁଇଣ୍ଟାଲ ଧାନ ମଣ୍ଡିରେ ପଡ଼ି ରହିଛି। କାଣ୍ଡେଲର ୩ଟି ଧାନ ମଣ୍ଡି ରୁ ୧୦୯୮ଜଣ ଚାଷୀଙ୍କ ଠାରୁ ୪୩ହଜାର ୮୮୦.୩୪ କୁଇଣ୍ଟାଲ ଧାନ ଉଠିଛି ଏବଂ ୧୦୭.୬୫ କୁଇଣ୍ଟାଲ ଧାନ ଉଠି ନାହିଁ। କେସିଙ୍ଗା ପ୍ରାଥମିକ କୃଷି ସମବାୟ ସମିତିରୁ ୨ ଧାନ ମଣ୍ଡି ରୁ ୫୧୪ ଜଣ ଚାଷୀଙ୍କ ଠାରୁ ୨୦ହଜାର ୬୨୧.୪୪ କୁଇଣ୍ଟାଲ ଧାନ ଉଠି ଥିବା ବେଳେ ୨୯୯.୪୪ କୁଇଣ୍ଟାଲ ଧାନ ପଡ଼ି ରହିଛି। ସେହିପରି ପାଷ୍ଟିକୁଡ଼ି ପ୍ରାଥମିକ କୃଷି ସମବାୟ ସମିତିରୁ ଗୋଟିଏ ଧାନ ମଣ୍ଡିର ୧୦୫୧ଜନ ଚାଷୀଙ୍କଠାରୁ ୪୬ହଜାର ୬୧୯.୦୮ କୁଇଣ୍ଟାଲ ଧାନ ଉଠିଛି। ଆଉ ୨୦୪.୫୯ କୁଇଣ୍ଟାଲ ମଣ୍ଡି ରେ ଧାନ ପଡ଼ି ରହିଛି।ତୁଣ୍ଡଲା ପ୍ରାଥମିକ କୃଷି ସମବାୟ ସମିତିର ୩ଟି ଧାନ ମଣ୍ଡି ରୁ ୧୬୬୪ ଜନଚାଷୀଙ୍କ ଠାରୁ ୭୦ହଜାର ୬୫୯.୬୬ ଧାନ ଉଠିଥିବା ବେଳେ ଆଜି ସୁଦ୍ଧା ୫୨୬.୯୩ କୁଇଣ୍ଟାଲ ଧାନ ମଣ୍ଡିରେ ପଡ଼ି ରହିଛି।ସେହିପରି ଉତ୍କେଳା ପ୍ରାଥମିକ କୃଷି ସମବାୟ ସମିତିର ୨ଟି ଧାନ ମଣ୍ଡି ର ୧୬୭୦ଜନ ଚାଷୀଙ୍କ ଠାରୁ ୭୭ହଜାର ୯୧୭.୯୨କୁଇଣ୍ଟାଲ ଉଠିଥିବା ବେଳେ ୪୮୨.୯୨କୁଇଣ୍ଟାଲ ଧାନ ମଣ୍ଡି ରେ ପଡ଼ି ରହିଛି। ବର୍ତ୍ତମାନ ସୁଦ୍ଧା ୮ଜହାର ୧୯ ଜଣଙ୍କ ଚାଷୀଙ୍କଠାରୁ ଗୁରୁବାର ସୁଦ୍ଧା ୨ହଜାର ୪୩୮.୬୪ କୁଇଣ୍ଟାଲ ଉଠି ନ ଥିବା ନିୟନ୍ତ୍ରିତ ବଜାର କମିଟି ପକ୍ଷରୁ ଜଣାପଡ଼ିଛି। ଏ ସଂକ୍ରାନ୍ତରେ କେସିଙ୍ଗା ନିୟନ୍ତ୍ରିତ ବଜାର କମିଟିର ସମ୍ପାଦକ ଜ୍ୟୋତି ରଞ୍ଜନ ଦାଶଙ୍କୁ ପଚାରିବାରୁ ଗୁରୁବାର କିକିଆ ଓ ପାଷ୍ଟିକୁଡି ଚାଷୀଙ୍କଠାରୁ ଧାନ କିଛି ଉଠାଯାଇଛି, ଚଳିତ ସପ୍ତାହରେ ୭ ଟି ପେକ୍ସରେ ସବୁ ଧାନ ଉଠିଯିବ ବୋଲି ପ୍ରକାଶ କରିଥିଲେ।
