ଦେବଗଡ଼,୨।୫(ଶେଖର ଝାଙ୍କର): ଶନିବାର ପ୍ରକାଶ ପାଇଛି ମାଟ୍ରିକ ପରୀକ୍ଷା ଫଳ। ଦେବଗଡ଼ ଜିଲାରେ ପାସ ହାର ୯୬.୨୬ ପ୍ରତିଶତ ରହିଛି। ଚଳିତ ବର୍ଷ ୮୬ଟି ହାଇସ୍କୁଲର ୪୦୫୧ ପରୀକ୍ଷାର୍ଥୀ ମଧ୍ୟରୁ ୬୭ଜଣ ପରୀକ୍ଷାର୍ଥୀ ଅନୁପସ୍ଥିତ ଥିଲେ। ସେଥିମଧ୍ୟରୁ ୩୮୩୫ ପରୀକ୍ଷାର୍ଥୀ କୃତକାର୍ଯ୍ୟ ହୋଇଛନ୍ତି। ତେବେ ଏ୧ ଗ୍ରେଡରେ ଜିଲାରେ ୬ଜଣ, ଏ୨ ଗ୍ରେଡରେ ୭୪ଜଣ, ବି୧ ଗ୍ରେଡରେ ୨୫୨ଜଣ, ବି୨ ଗ୍ରେଡରେ ୫୧୮ଜଣ, ସି ଗ୍ରେଡରେ ୯୦୦ଜଣ, ଡିଗ୍ରେଡରେ ୧୨୨୩ଜଣ, ଇଗ୍ରେଡରେ ୮୬୨ ଜଣ ପାସ ହୋଇଥିବା ସୂଚନା ମିଳିଛି।
ପିଏସଶ୍ରୀ ଅପୂର୍ୱ ହାଇସ୍କୁଲର ଛାତ୍ରୀ ଅଲିଶା ଭଇଁଷା ୯୨.୩୩ ପ୍ରତିଶତ ସହ ୫୫୪ ମାର୍କ ରଖି ଜିଲା ଟପର ହୋଇଥିବା ଜିଲା ଶିକ୍ଷା ବିଭାଗ ସୂତ୍ରରୁ ପ୍ରକାଶ।
ଆଲିଶାଙ୍କ ପିତା ଭୀମସେନ ଭଇଁସା, ମା’ରାଧାରାଣୀ ଭଇଁସା ଦେବଗଡ଼ କଦଳୀମୁଣ୍ଡା, ପରପୋଷିରେ ଘର। ଡାକ୍ତର ହୋଇ ଲୋକଙ୍କ ସେବା କରିବେ ବୋଲି ଆଲିଶା ପ୍ରକାଶ କରିଛନ୍ତି।
