ନୂଆଦିଲ୍ଲୀ,୧୨।୧: ଦେଶର ରାଜଧାନୀ ଦିଲ୍ଲୀରୁ ଏକ ବଡ଼ ଖବର ସାମ୍ନାକୁ ଆସିଛି। ଦିଲ୍ଲୀର ଇନ୍ଦିରା ଗାନ୍ଧୀ ଇଣ୍ଟରନ୍ୟାସନାଲ ଏୟାରପୋର୍ଟ (ଆଇଜିଆଇ)ରେ ସ୍ପାଇସ୍ ଜେଟ୍ର ଏକ ବିମାନରେ ବୋମା ଥିବା ନେଇ ସୂଚନା ମିଳିଥିଲା। ଏହି ବିମାନ ଦିଲ୍ଲୀରୁ ପୁଣେ ଯାଉଥିଲା। ଏତିକିବେଳେ ସ୍ପାଇସଜେଟ୍ ବିମାନରେ ବୋମା ଥିବା ନେଇ ଏକ ଫୋନ୍ କଲ୍ ଆସିବା ପରେ ବିମାନବନ୍ଦରରେ ସର୍ଚ୍ଚ ଅପରେଶନ୍ ଆରମ୍ଭ ହୋଇଥିଲା। ଉକ୍ତ ବିମାନଟି ଗୁରୁବାର ସନ୍ଧ୍ୟା ୬ଟା ୩୦ରେ ଦିଲ୍ଲୀର ଆଇଜିଆଇ ବିମାନ ବନ୍ଦରରୁ ଉଡ଼ାଣ ଭରିିବାକୁଥିଲା। ହେଲେ ଏହି ସମୟରେ ବୋମା ଧମକ ନେଇ ଏକ ଫୋନ୍ କଲ୍ ମିଳିବା ପରେ ବିମାନ ଅଧିକାରୀମାନେ ବୋର୍ଡିଂକୁ ବନ୍ଦ କରିବା ସହ ବୋମା ସ୍କ୍ବାଡକୁ ଡାକିଥିଲେ। ବତ୍ତର୍ମାନ ଦିଲ୍ଲୀ ବିମାନବନ୍ଦରରେ ବିମାନର ଯାଞ୍ଚ କରାଯାଉଛି। ଏପର୍ଯ୍ୟନ୍ତ କୌଣସି ସନ୍ଦେହଜନକ ସନ୍ଧାନ ମିଳିନାହିଁ। ଅନ୍ୟପଟେ ସିଆଇଏସ୍ଏଫ୍ ଏବଂ ଦିଲ୍ଲୀ ପୋଲିସ ସତର୍କ ରହିଛନ୍ତି ବୋଲି ଦିଲ୍ଲୀ ପୋଲିସ କହିଛି।
