ନୂଆଦିଲ୍ଲୀ,୩ ।୧୧: ଦିଲ୍ଲୀ-ଏନସିଆରରେ ଗତ କିଛିଦିନ ହେବ ଲଗାତାର ଥଣ୍ଡା ବଢିବାରେ ଲାଗିଛି । ଦିନରେ ସାମାନ୍ୟ ଖରା ଦେଖାଯାଉଛି । ଏହାଯୋଗୁ ପାଗ ସାମନ୍ୟ ଥଣ୍ଡା ଓ ଗରମ ଅନୁଭବ ହେଉଛି । ଏହାସହ ସକାଳେ ,ସନ୍ଧ୍ୟା ଓ ରାତିରେ ଥଣ୍ଡା ସାମନ୍ୟ ବଢି ଯାଉଛି । ଏହାସହ ସକଳେ ଧୂଆଁ ଓ କୁହାଡି ଦେଖାଯାଉଛି । ଭାରତୀୟ ପାଣିପାଗ ବିଭାଗର ସୂଚନା ଅନୁଯାୟୀ, ଗୁରୁବାର ବି ଦିଲ୍ଲୀରେ ଧୂଆଁ ଘେରି ରହିବା ସହ ଦିନରେ ପାଗ ସଫା ରହିବ । ଶୁକ୍ରବାର ସମାନ ପାଗ ରହିବା ସହ ଶନିବାର ସାମନ୍ୟ ପରିବର୍ତ୍ତନ ହୋଇପାରେ । ଆକାଶରେ ବାଦଲ ଦେଖାଦେଇପାରେ । ନୋଏଡା ଓ ଗୁରୁଗ୍ରାମରେ ବି ଦିଲ୍ଲୀ ଭଳି ପାଣିପାଗ ରହିବ । ଏହି ସମୟରେ ସର୍ବୋଚ୍ଚ ତାପମାତ୍ରା ୩୦-୩୨ ଡିଗ୍ରୀ ରହିବ । ଏହିପରି ସର୍ବନିମ୍ନ ତାପମାତ୍ରା ୧୫ ଡିଗ୍ରୀ ସେଲସିୟସ ରହିପାରେ ।
ପାଣିପାଗର ପରିବର୍ତ୍ତନ ସହ ଦିଲ୍ଲୀ-ଏନସିଆରର ପ୍ରଦୂଷଣ ବେଳକୁ ବେଳ ବଢିବାରେ ଲାଗିଛି । ଏହା ଏବେ ଅତି ଜଟିଳ ଶ୍ରେଣୀକୁ ଚାଲିଇ ଯାଇଥିବା କୁହାଯାଉଛି । ଏଠାରେ ଏୟାର କ୍ୱାଲିଟି ଇଣ୍ଡେକ୍ସ ୪୪୦ ଉପରେ ରହିଛି । ଆନନ୍ଦ ବିହାରରେ ଏହା ୪୪୯ ହୋଇଥିବା ବେଳେ ଅଧିକାଂଶ ସ୍ଥାନରେ ଏୟାର କ୍ୱାଲିଟି ଇଣ୍ଡେକ୍ସ(ଏକ୍ୟୁଆଇ) ୪୪୨ ରହିଥିବା ରେକର୍ଡ କରାଯାଇଛି ।
