ଚେନ୍ନାଇ,୨୬।୪: ସମଗ୍ର ଦେଶ ଏବେ କରୋନା ସହିତ ଲଢୁଛି। ଦିନକୁ ଦିନ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଛି। ଅଧିକାଂଶ ରାଜ୍ୟରେ ଲକଡାଉନ ଲାଗୁ କରାଯାଇଛି। କରୋନା କାରଣରୁ ଦିଲ୍ଲୀ କ୍ୟାପିଟାଲର ତାରକା ବୋଲର ଆର ଅଶ୍ୱିନ ଆଇପିଏଲ ୨୦୨୧ର ୧୪ତମ ସିଜିନରୁ ଓହରି ଯାଇଛନ୍ତି। ଅଶ୍ୱିନ ସୋସିଆଲ ମିଡିଆରେ ଏହି ସୂଚନା ଦେଇଛନ୍ତି। ସେ ଟୁଇଟ୍ କରି କହିଛନ୍ତି ଯେ, ଆସନ୍ତାକାଲିଠାରୁ ମୁଁ ଚଳିତ ବର୍ଷର ଆଇପିଏଲରୁ ବିରତି ନେଉଛି। ମୋ ପରିବାର କରୋନା ବିରୋଧରେ ଲଢେଇ କରୁଛନ୍ତି ଏବଂ ମୁଁ ଏହି କଷ୍ଟ ସମୟରେ ସେମାନଙ୍କୁ ସମର୍ଥନ କରିବାକୁ ଚାହୁଁଛି। ଯଦି ସବୁକିଛି ଠିକ୍ ରହେ, ମୁଁ ଫେରିବାକୁ ଆଶା ରଖିଛି।
ଚଳିତବର୍ଷ ଆର୍ ଅଶ୍ୱିନ ୫ଟି ମ୍ୟାଚରେ କେବଳ ଗୋଟିଏ ସଫଳତା ହାସଲ କରିବାରେ ସକ୍ଷମ ହୋଇଥିଲେ। ସନରାଇଜର୍ସ ହାଇଦ୍ରାବାଦ ବିପକ୍ଷରେ ସୁପର ଓଭର ଜିତିବା ପରେ ଅଶ୍ୱିନ ଏହା ଟୁଇଟ୍ କରିଛନ୍ତି। ଦିଲ୍ଲୀ କ୍ୟାପିଟାଲ୍ସକୁ ଏପ୍ରିଲ ୨୭ରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ବିପକ୍ଷରେ ପରବର୍ତ୍ତୀ ମ୍ୟାଚ ଖେଳିବାକୁ ପଡିବ ଏବଂ ଅଶ୍ୱିନଙ୍କ ବିନା ଦଳ ପଡିଆକୁ ଓହ୍ଲାଇବ। ହାଇଦ୍ରାବାଦ ଉପରେ ଜିତିବା ପରେ ଦିଲ୍ଲୀ ପଏଣ୍ଟ ଟେବୁଲରେ ଦ୍ୱିତୀୟ ନମ୍ବରରେ ପହଞ୍ଚିଛି।
I would be taking a break from this years IPL from tomorrow. My family and extended family are putting up a fight against #COVID19 and I want to support them during these tough times. I expect to return to play if things go in the right direction. Thank you @DelhiCapitals 🙏🙏
— Stay home stay safe! Take your vaccine🇮🇳 (@ashwinravi99) April 25, 2021
