ନୂଆଦିଲ୍ଲୀ,୧୧ ।୩: ଦୁଇ ଦିନ ପୂର୍ବରୁ ମୁମ୍ବାଇ ସମୁଦ୍ର କୂଳରେ ଦୁର୍ଘଟଣା ହେବା ପରେ ଭାରତୀୟ ସେନା ଧ୍ରୁବ ହେଲିକପ୍ଟରର ଉଡାଣ ଉପରେ ପ୍ରତିବନ୍ଧକ ଲଗାଇଛନ୍ତି । ଏହା ଏବେ ଜାରି ରହିବ ଯେପର୍ଯ୍ୟନ୍ତ ହେଲିକପ୍ଟର ଦୁର୍ଘଟଣାର କାରଣ ଜଣାପଡିନାହିଁ । ତେଣୁ ଯାଞ୍ଚ ଶେଷ ହେବା ପର୍ଯ୍ୟନ୍ତ ଏହି ହେଲିକପ୍ଟର ଉଡାଣରେ ପ୍ରତିବନ୍ଧକ ଲଗାଯାଇଛି ।
ସୂଚନାଯୋଗ୍ୟ, ଆଡଭାନ୍ସ ଲାଇଟ ହେଲିକପ୍ଟର(ଏଏଲଏଚ) ଧ୍ରୁବ ହିନ୍ଦୁସ୍ତାନ ଏରୋନଟିକ୍ସ ଲିମିଟେଡ(ହାଲ) ଦ୍ୱାରାନିର୍ମାଣ କରାଯାଇଥିବା ବହୁ ଉଦ୍ଦ୍ୟେଶିୟ ହେଲିକପ୍ଟର । ଏହାର ବ୍ୟବହାର ସେନା ଯବାନଙ୍କ ପରିବହନ ଓ ସାମଗ୍ରୀ ପରିବହନରେ କରାଯାଇଥାଏ । ହାଲର ଅଧିକାରୀମାନେ ମିଡିଆକୁ କହିଛନ୍ତି କି କମ୍ପାନୀ ଏହା ସୁନିଶ୍ଚିତ କରିବା ପାଇଁ ଗ୍ରାହକଙ୍କ ସହ ମିଶି କାମ କରିବ ଯେମିତି ହେଲିକପ୍ଟରର ପରିଚାଳନା ବନ୍ଦ ନ ହୁଏ ।
