ଦୀପାବଳିରେ ଏଭଳି ସଜାନ୍ତୁ ଘର…

ଦୀପାବଳିରେ ସମସ୍ତେ ଚାହାନ୍ତି ନିଜ ଘର ସୁନ୍ଦର ଦେଖାଯାଉ। ଆଉ ସବୁ କୋଣ ଝଲସି ଉଠୁ। କିନ୍ତୁ ଦାମୀ ଘରସଜା ସାମଗ୍ରୀ କିଣି ଘର ସଜାଇବା ବ୍ୟୟସାପେକ୍ଷ ହୋଇଥାଏ। ସେଥିପାଇଁ ଜାଣନ୍ତୁ କମ୍‌ ଖର୍ଚ୍ଚ ଓ ସହଜରେ କିଭଳି ଘରକୁ ସଜାଇ ହେବ…

ବଦଳାନ୍ତୁ ଘରର ଲୁକ୍‌-କାନ୍ଥରେ ସୁନ୍ଦର ଓ୍ବାଲ ପେପର୍‌ ଲଗାଇ ଘରକୁ ନୂଆ ଲୁକ୍‌ ଦେଇପାରିବେ। ଯଦି ଆପଣଙ୍କର ପେଣ୍ଟିଂ ଭଲ ହୁଏ ତେବେ ନିଜେ ଚାହିଁଲେ କାନ୍ଥରେ ସୁନ୍ଦର ପେଣ୍ଟିଂ କରି ଘରର ଲୁକ୍‌ ବଦଳାଇପାରିବେ। ପୁରୁଣା ପରଦାକୁ ସଫା କରି ସେଥିରେ ସୁନ୍ଦର ଲେସ୍‌ ଲଗାନ୍ତୁ ଓ ଘରେ ଲଗାନ୍ତୁ। ଦେଖିବେ ଘରର ଲୁକ୍‌ ଆକର୍ଷକ ହୋଇଯିବ। ଡ୍ରଇଂ ରୁମ୍‌ରେ କୌଣସି ପ୍ଲାଣ୍ଟ ରଖିଥିଲେ ସେଥିରେ ଲାଇଟ୍‌ ଲଗାଇ ଦିଅନ୍ତୁ।

ପ୍ରବେଶ ଦ୍ୱାରରେ ତୋରଣ- ଦୀପାବଳିରେ ଘରର ସବୁ କୋଣର ସାଜସଜ୍ଜା ଉପରେ ଧ୍ୟାନ ଦିଆଯାଏ। ତେବେ ପ୍ରବେଶ ଦ୍ୱାର ହେଉଛି ମୁଖ୍ୟ। ଫୁଲ, ପତ୍ର, ରଙ୍ଗବେରଙ୍ଗର କାଗଜରେ ତିଆରି ସୁନ୍ଦର ତୋରଣ ଲଗାଇପାରିବେ। ଏହା ଘରକୁ ଫେଷ୍ଟିଭ୍‌ ଲୁକ୍‌ ଦେବ।

ଫୁଲରେ ସଜାନ୍ତୁ- ବିଭିନ୍ନ ରଙ୍ଗ ଓ ପ୍ରକାରର ତାଜା ଫୁଲରେ ଘରର କବାଟ, ଝରକା ଓ ଠାକୁର ଘରକୁ ସଜାଇପାରିବେ। ଏହାଦ୍ୱାରା ଘର ମନମୋହକ ବାସ୍ନାରେ ଭରିଯିବ। ମନ ସତେଜ ଓ ପ୍ରସନ୍ନ ହେବ।

ରଙ୍ଗୋଲି- ରଙ୍ଗବେରଙ୍ଗର ରଙ୍ଗୋଲି ଦେଖିବାକୁ ଭାରି ଆକର୍ଷକ ଲାଗେ। ଦୀପାବଳିରେ ରଙ୍ଗୋଲି ନିଶ୍ଚୟ କରନ୍ତୁ। ଆଉ ସେଥିରେ ଦୀପ ରଖି ସଜାନ୍ତୁ। ଚାହିଁଲେ ଫୁଲରେ ବି ରଙ୍ଗୋଲି ତିଆରି କରିପାରିବେ।

ରଙ୍ଗିନ ମହମବତି- ଦୀପାବଳିରେ ରଙ୍ଗିନ ମହମବତି ଘରକୁ ଆକର୍ଷକ କରାଏ। ଏହା ବିନା ତ ଯେମିତି ଦୀପାବଳି ଘର ସଜା ଅଧୁରା। ଘରର ବିଭିନ୍ନ ସ୍ଥାନରେ ଏହାକୁ ଜଳାନ୍ତୁ। ଦେଖିବେ ଘର ରଙ୍ଗିନ ଲାଗିବ ଓ ଆଲୋକରେ ଝଲସି ଉଠିବ।

ଫେୟାରୀ ଲାଇଟ୍‌- ଆଲୋକର ଏହି ପର୍ବରେ ଫେୟାରୀ ଲାଇଟ୍‌ର ବ୍ୟବହାର ନ କରିବେ ବା କେମିତି। ଏହାକୁ ବ୍ୟବହାର କଲେ ଦେଖିବେ ଘର ଝଲସି ଉଠିବ। ଚାହିଁଲେ ପରିବାର ସଦସ୍ୟଙ୍କର କିଛି ଫଟୋକୁ ଲାଇଟ୍‌ ମଝିରେ ଲଗାଇ କାନ୍ଥରେ ଟାଙ୍ଗି ପାରିବେ। ଏହାଦ୍ୱାରା ଦୀପାବଳି ଖାସ୍‌ ଲାଗିବ। ଥରେ ଏହି ଲାଇଟ୍‌ କିଣିଲେ, ଅନ୍ୟ ଖାସ୍‌ ଦିନରେ ବି ଏହାକୁ ବ୍ୟବହାର କରିପାରିବେ।

ପେପରବ୍ୟାଗ୍‌ ଲ୍ୟୁମିନେୟର୍‌- ଏହିଦିନର ଡେକୋରେଶନ୍‌ ପାଇଁ ପେପର୍‌ବ୍ୟାଗ୍‌ ଲ୍ୟୁମିନେୟର, ବ୍ୟାଟେରିରେ ଚାଲୁଥିବା ମହମବତି ଭଲ ବିକଳ୍ପ। ଏହା ଦେଖିବାକୁ ବହୁତ ୟୁନିକ୍‌ ଲାଗେ। ଏହାକୁ କାନ୍ଥରେ କିମ୍ବା ଛାତ ଉପରେ ଟଙ୍ଗାଇପାରିବେ।

ଡେକୋରେଟିଭ୍‌ ଲାଣ୍ଟର୍ନ- ଆଜିକାଲି କାଗଜ, କପଡା ଓ ଗ୍ଲାସ୍‌ରେ ତିଆରି ବିଭିନ୍ନ ସୁନ୍ଦର ସୁନ୍ଦର ଡିଜାଇନ୍‌ର ଡେକୋରେଟିଭ୍‌ ଲାଣ୍ଟର୍ନ ବଜାରରେ ଉପଲବ୍ଧ ହେଉଛି। ଏହାର ମୂଲ୍ୟ ବି ବେଶି ନ ଥାଏ। ଚାହିଁଲେ ନିଜେ ମଧ୍ୟ ଏହାକୁ ତିଆରି କରି ଘରକୁ ଡିଫରେଣ୍ଟ ଲୁକ୍‌ ଦେଇପାରିବେ।


Enter your email to get our daily news in your inbox.

All Right Reserved By Dharitri.Com

ଜଳାତଙ୍କର ଯନ୍ତ୍ରଣା

”ଭୂତାଣୁମାନେ ସଂକ୍ରମିତ ପ୍ରାଣୀର ଲାଳରେ ରହିଥିବା ଯୋଗୁ ଏମାନେ କାମୁଡିବା ଦ୍ୱାରା ରୋଗ ହେବା ସ୍ବାଭାବିକ। ସଂକ୍ରମିତ ପ୍ରାଣୀ କାମୁଡି ଦେଲେ କିମ୍ବା ଚାଟି ପକାଇଲେ...

୨୦୨୨ରେ ଏହି ୫ ରାଶିର ବ୍ୟକ୍ତିଙ୍କୁ ମିଳିବ ମନପସନ୍ଦର ଜୀବନସାଥୀ, ରହିଛି ଏଭଳି ଯୋଗ

ଆସିଛି ନୂଆ ବର୍ଷ। ନୂତନ ବର୍ଷକୁ ନେଇ ସମସ୍ତଙ୍କ ମନରେ ଅନେକ ଆଶା। କିଏ ଚାକିରି ତ କିଏ ବିବାହକୁ ନେଇ ଅନେକ କିଛି ଭାବି...

ଏହାକୁ ଟଙ୍କା ଦେଇ କିଣିବା ଅସମ୍ଭବ

ଆଚାର୍ଯ୍ୟ ଚାଣକ୍ୟ, ତାଙ୍କ ନୀତି ଶାସ୍ତ୍ରରେ ଜୀବନ ସହିତ ଜଡ଼ିତ ସମସ୍ତ ଦିଗକୁ ଗଭୀର ଭାବରେ ଆଲୋକପାତ କରିଛନ୍ତି। ତାଙ୍କ ନୀତିରେ ସେ ବ୍ୟକ୍ତିଙ୍କ ସହ...

ଫୁସ୍‌ଫୁସ୍‌ କ୍ୟାନସର୍‌ରୁ ରକ୍ଷାକରେ ଗାଜର

ଷ୍ଟେଟ୍‌ ୟୁନିଭର୍ସିଟି ଅଫ୍‌ ନ୍ୟୁୟର୍କର ବିଶେଷଜ୍ଞଙ୍କ ଦ୍ୱାରା କରାଯାଇଥିବା ଏକ ଗବେଷଣା ଅନୁସାରେ, ଯେଉଁ ବ୍ୟକ୍ତି ବିଟା କ୍ୟାରୋଟିନ ଅଧିକ ଗ୍ରହଣ କରିଥାନ୍ତି, ସେମାନଙ୍କଠାରେ ଅନ୍ୟଲୋକଙ୍କ...

ଏପରି ସ୍ତ୍ରୀଙ୍କୁ ବିବାହ କଲେ ପୁରୁଷ ଜୀବନ ହୁଏ ଧନ୍ୟ; ଜାଣନ୍ତୁ କାହାକୁ ଏପରି କହିଛନ୍ତି ଚାଣକ୍ୟ

ବିବାହକୁ ସମସ୍ତଙ୍କର ଭିନ୍ନ ଚିନ୍ତାଧାରା ଥାଏ। ହେଲେ ବହୁତ ଭଲପାଉଥିବା ଏବଂ ମନର କଥାକୁ ସହଜରେ ବୁଝିପାରୁଥିବା ଜୀବନସାଥୀଟିଏ ଲୋଡିଥାନ୍ତି ସମସ୍ତେ। ଚାଣକ୍ୟ ନୀତିରେ ଏପରି...

ସ୍ତନ୍ୟପାନର ଉପକାରିତା

ସ୍ତନ୍ୟପାନ କରାଇବା ଦ୍ୱାରା ମା’ ଦେହରୁ ଅଯଥା ଚର୍ବିଅଂଶ ହ୍ରାସ ହୁଏ। ଫଳରେ ପ୍ରସବ ପରବର୍ତ୍ତୀ ମୋଟାପଣ ଦୂର ହୋଇଥାଏ। କ୍ଷୀର ଖୁଆଇବା ଦ୍ୱାରା ମା’ର...

ଏମାନଙ୍କୁ ହୃଦ୍‌ଘାତ ଆଶଙ୍କା ଅଧିକ

ନିକଟରେ ହୋଇଥିବା ଏକ ଅନୁସନ୍ଧାନରୁ ଜଣାପଡ଼ିଛି ଯେ, ଭିଟାମିନ ‘ଡି’ ହାର୍ଟ ପାଇଁ ଖୁବ୍‌ ଜରୁରୀ। ଏହା ହାଡ଼କୁ ମଜଭୂତ କରିବା ସହ ହାର୍ଟକୁ ମଧ୍ୟ...

ଆକର୍ଷଣୀୟ ପର୍ଯ୍ୟଟନସ୍ଥଳୀ ଅଲୁଭା

କେରଳର କୋଚିସ୍ଥିତ ଏକ ଆକର୍ଷଣୀୟ ପର୍ଯ୍ୟଟନସ୍ଥଳୀ ହେଉଛି ଅଲୁଭା। ସ୍ଥାନୀୟ ଅଞ୍ଚଳରେ ପ୍ରବାହିତ ହେଉଥିବା ପ୍ରସିଦ୍ଧ ପେରିୟାର୍‌ ନାମକ ନଦୀଠାରୁ ଏହା ପ୍ରାୟ ୧୫ କି.ମି...

Advertisement


Archives

Model This Week