ଘର ସଜାଇବାରେ ବାସ୍ତୁଶାସ୍ତ୍ରର ଏକ ପ୍ରମୁଖ ଭୂମିକା ରହିଛି। ଏହା ଅନୁଯାୟୀ କିଛି ଜିନିଷରେ ଘର ସଜାଇଲେ ଘରେ ସୁଖସମୃଦ୍ଧି ବଢିବ ଓ ଦୁର୍ଭାଗ୍ୟ ବି ଆସିବ ନାହିଁ। ଜାଣନ୍ତୁ ସେ ସମ୍ପର୍କରେ…
-ରାମାୟଣ ବା ମହାଭାରତ ଭଳି ଯୁଦ୍ଧ ଫଟୋ ବା ପେଣ୍ଟିଂ ଘରେ ଟାଙ୍ଗନ୍ତୁ ନାହିଁ । ଏହାଦ୍ୱାରା ପରିବାର ସଦସ୍ୟଙ୍କ ମଧ୍ୟରେ ତିକ୍ତତା ବଢିବା ସହ ପ୍ରତିଦ୍ୱନ୍ଦ୍ୱିତା ସୃଷ୍ଟି ହୋଇପାରେ।
-ଘର ଭିତରେ କ୍ୟାକଟସ୍ ବା ଅନ୍ୟ କଣ୍ଟାଜାତୀୟ ଗଛ ରଖନ୍ତୁ ନାହିଁ । ଗୋଲାପ ଗଛ ବି ଘର ଭିତରେ ରଖିବା ଅନୁଚିତ । ଏହା କ୍ଷୟକ୍ଷତି ଓ ବିନାଶର କାରଣ ହୋଇପାରେ ।
-ବାସ୍ତୁଶାସ୍ତ୍ର ଅନୁଯାୟୀ ଫଳ, ଫୁଲ ନ ଥିବା ଗଛର ଚିତ୍ର, ବୁଡିଯାଉଥିବା ଡଙ୍ଗାର ଚିତ୍ର, ଶିକାର କରୁଥିବା ଚିତ୍ର, ଇନ୍ଦ୍ରଜାଲ ପରି ଚିତ୍ର, କାନ୍ଦୁଥିବା ଶିଶୁର ଚିତ୍ର, ଦ୍ୱନ୍ଦ୍ୱ ସୃଷ୍ଟି କରୁଥିବା ଫଟୋ ବା ପେଣ୍ଟିଂ ଆଦି ଘରେ ଟାଙ୍ଗିବା ଅନୁଚିତ । ଏସବୁ ଘରେ ନକାରାମତ୍କ ଶକ୍ତି ସୃଷ୍ଟି କରିଥାଏ ଓ ଜୀବନରେ ଦୁଃଖ ଆଣିଥାଏ ।
-ତାଜମହଲର କୌଣସି ସୋପିସ୍ ବା ପେଣ୍ଟିଂ ଘରେ ନ ରଖିବା ଭଲ।
-ଘୁଷୁରି, ସାପ, ଚିଲ, ପେଚା, କାଉ, ବାଦୁଡି, ଶାଗୁଣା, ପାରା ଆଦିଙ୍କ ଫଟୋ ବା ମୂର୍ତ୍ତି ରଖନ୍ତୁ ନାହିଁ। ଭାଲୁ, ବାଘ, ବିଲୁଆ, ସିଂହ ଆଦି ହିଂସ୍ର ପ୍ରାଣୀଙ୍କର କୌଣସି କାଠ ବା ଧାତୁ ନିର୍ମିତ ମୂର୍ତ୍ତି ରଖନ୍ତୁ ନାହିଁ । ଏସବୁ ଘରେ ନକାରାମତ୍କ ପ୍ରଭାବ ପକାଇଥାଏ ।
-ଦେବଦେବୀଙ୍କ ଅଧା ଭଙ୍ଗା ମୂର୍ତ୍ତି ବା ଅଧା ଚିରା ଫଟୋ ରଖନ୍ତୁ ନାହିଁ। ଭଙ୍ଗା ଆଇନା ମଧ୍ୟ ଘରେ ରଖନ୍ତୁ ନାହିଁ ।
