ଅଙ୍କାରା,୯ ।୨: ତୁର୍କୀ ଓ ସିରିଆରେ ୬ ଫେବୃୟାରୀରେ ଆସିଥିବା ବିନାଶକାରୀ ଭୂକମ୍ପ ଫଳରେ ହଜାର ହଜାର ଜୀବନରେ ବିରାମ ଲାଗିଛି । ଏବେ କେବଳ ଧ୍ୱଂସାବଶେଷ ଭିତରୁ ଜୀବନ ଖୋଜା ଚାଲିଛି । ୩ ଦିନ ପରେ ଜୀବନର ଆଶା କମ ଥିବା ବେଳେ ଏବେ ପ୍ରିୟଜନଙ୍କ ମୃତଦେହକୁ ଖୋଜି ଚାଲିଛନ୍ତି ଅନେକେ । ଏବେବି ସେଠାରେ କାନ୍ଦ ବୋବାଳି ଛାତି ଥରାଇ ଦେଉଛି । ମୃତକଙ୍କ ସଂଖ୍ୟା ବେଳକୁ ବେଳ ବଢିବାରେ ଲାଗିଛି । ଉଭୟ ଦେଶରେ ଏବେ ମୃତକଙ୍କ ସଂଖ୍ୟା ୧୫୦୦୦ ଟପି ଗଲାଣି । ସେପଟେ ଆହତଙ୍କ ସଂଖ୍ୟା ବି ୬୦ ହଜରରୁ ଅଧିକ ହେଲାଣି । ଅନ୍ୟପଟେ ହଜାର ହଜାର ଘର ଧୂଳିସାତ୍ ହୋଇଯାଇଥିବା ବେଳେ ଏବେବି ଅନେକ ଏହା ତଳେ ପୋତି ହୋଇ ରହିଥିବା ଆଶଙ୍କା କରାଯାଉଛି ।
ତୁର୍କୀ ଓ ସିରିଆରେ ଆସିଥିବା ଏହି ଶକ୍ତିଶାଳୀ ଭୂକମ୍ପରେ ତୁର୍କୀରେ ଏବେ ପର୍ଯ୍ୟନ୍ତ ୧୨,୩୯୧ ଲୋଙ୍କ ମୃତ୍ୟୁ ହୋଇଥିବା ବେଳ ୬୨,୯୧୪ ଆହତ ହୋଇଛନ୍ତି । ସେହିପରି ସିରିଆରେ ମୃତକଙ୍କ ସଂଖ୍ୟା ୩,୪୮୬ ହୋଇଥିବା ବେଳେ ଆହତଙ୍କ ସଂଖ୍ୟା ୫,୨୪୭ ହୋଇଥିବା କୁହାଯାଉଛି ।
