ସୋସିଆଲ ମିଡିଆର କ’ଣ କେତେବେଳେ ଭାଇରାଲ ହେଉଛି ତାହା କହିହେବ ନାହିଁ। ଅନେକ ସମୟରେ ପୋଷ୍ଟ ହୋଇଥିବା ଭିଡିଓଗୁଡିକ ଏତେ ମଜାଳିଆ ହୋଇଥାଏ, ଯେ କେହି ହେଉନା କାହିଁକି ହସ ରୋକି ପାରିବେ ନାହିଁ। ଏବେ ସେମିତି ଏକ ହୃଦୟ ଜିତିଥିବା ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଯାହା ଦେଖିଲେ ଆପଣ ମଧ୍ୟ ହସ ଅଟକାଇ ପାରିବେନି।
ଭିଡିଓରେ ଜଣେ କୁନି ଝିଅ ତା’ ମା’ଙ୍କ ପାଖରେ ବସିଥିବାର ନଜର ଆସିଛି। ଏହି ସମୟରେ ଝିଅଟି ମା’ଙ୍କ କେଶକୁ ଛୁଇଁ ଦେଇ ନିଜେ ଆଶ୍ଚର୍ଯ୍ୟଜନକ ପ୍ରତିକ୍ରିୟା ଦେଇଛି। ମହିଳା ଜଣକ ଶୋଇଥିବା ବେଳେ ପାଖରେ ତାଙ୍କ କୁନି ଝିଅ ବସି ତାଙ୍କ କେଶରେ ହାତ ମାରୁଛି। ମା’ଙ୍କର ଲମ୍ବା କେଶରେ ହାତ ମାରିବା ପରେ ସେ ନିଜ ମୁଣ୍ଡରେ ହାତ ମାରୁଛି। ତା’ ମୁଣ୍ଡରେ କେଶ ନାହିଁ ବୋଲି ସେ ଜାଣିପାରୁଛି। ପରେ ଏମିତି ପ୍ରତିକ୍ରିୟା ଦେଉଛି ଯେ, ତା’ ମା ବି ହସୁଛନ୍ତି। କୁନି ଝିଅର ସୁନ୍ଦର ପ୍ରତିକ୍ରିୟା ଦେଖି ପ୍ରଶଂସକମାନେ ହସି ହସି ଗଡୁଛନ୍ତି।
ଭିଡିଓଟି ସୋସିଆଲ ମିଡିଆରେ ktgirlie01 ନାମକ ଏକ ଇନ୍ଷ୍ଟାଗ୍ରାମ ଆକାଉଣ୍ଟରେ ଶେୟାର କରାଯାଇଛି। ୟୁଜରମାନେ ଏହି ଭିଡିଓକୁ ବହୁତ ପସନ୍ଦ କରିଛନ୍ତି। ଜଣେ ୟୁଜର ଲେଖିଛନ୍ତି, ଭିଡିଓରେ ଦେଖାଯାଇଥିବା ଝିଅଟି ସ୍ବତନ୍ତ୍ର ଶୈଳୀ ହେତୁ ହୃଦୟ ଜିତିପାରିଛି। ସେହିପରି ଆଉ ଜଣେ ୟୁଜର ଲେଖିଛନ୍ତି, ଝିଅଟି ପ୍ରକୃତିରେ ବହୁତ ସୁନ୍ଦର ଦେଖାଯାଉଛି। ଏହା ସହିତ ଅନେକ ୟୁଜରଙ୍କୁ ଏହି ଭିଡିଓଟି ଏତେ ପସନ୍ଦ ଆସିଛି ଯେ, ସେମାନେ ନିଜ ନିଜ ସୋସିଆଲ ମିଡିଆ ଆକାଉଣ୍ଟରେ ଶେୟାର କରିଛନ୍ତି।
