ମୁମ୍ବାଇ,୫ା୧୧: ଭାରତର ସବୁଠାରୁ ପ୍ରତିଷ୍ଠିତ ବ୍ୟବସାୟୀ ତଥା ଟାଟା ସନ୍ସର ପୂର୍ବତନ ଅଧ୍ୟକ୍ଷ ସାଇରସ୍ ମିସ୍ତ୍ରୀଙ୍କ ଗତ ସେପ୍ଟେମ୍ବରରେ ମହାରାଷ୍ଟ୍ରର ପାଲଘର ନିକଟରେ ଏକ କାର୍ ଦୁର୍ଘଟଣାରେ ମୃତ୍ୟୁ ଘଟିଥିଲା। ସାଇରସ୍ଙ୍କ ମୃତ୍ୟୁ ଘଟଣାରେ କାସା ପୋଲିସ ଦୁର୍ଘଟଣା ସମୟରେ ଗାଡ଼ି ଚଳାଉଥିବା ଡାକ୍ତର ଅନାହିତା ପାଣ୍ଡୋଲଙ୍କ ବିରୋଧରେ ମାମଲା ରୁଜୁ କରିଛି।
ସାଇରସ୍ଙ୍କ ମର୍ସିଡିଜ୍ କାର୍କୁ ଡାକ୍ତର ଅନାହିତା ପାଣ୍ଡୋଲ ଚଳାଉଥିଲେ ଏବଂ ଦୁର୍ଘଟଣା ଘଟିବା ପରେ ବ୍ୟବସାୟୀ ପଛରେ ବସିଥିଲେ। ଅନାହିତାଙ୍କ ସ୍ବାମୀ ଡାରିୟସ ପାଣ୍ଡୋଲଙ୍କ ବିବୃତ୍ତି ନେଇ ପୋଲିସ ଏକ ମାମଲା ରୁଜୁ କରିଛି। କାର୍ ଦୁର୍ଘଟଣାର ଗୁରୁତର ହୋଇ ବଞ୍ଚିଥିବା ଡାରିୟସଙ୍କୁ ଗତ ମାସ ଶେଷରେ ମୁମ୍ବାଇର ଏକ ଡାକ୍ତରଖାନାରୁ ଡିସଚାର୍ଜ କରାଯାଇଥିଲା।
ଡାରିୟସ ପୋଲିସକୁ ଦେଇଥିବା ବିବୃତ୍ତିରେ କହିଛନ୍ତି, ଦୁର୍ଘଟଣା ସମୟରେ ତାଙ୍କ ସ୍ତ୍ରୀ ତଥା ସ୍ତ୍ରୀ ରୋଗ ବିଶେଷଜ୍ଞ ଡା. ଅନାହିତା କାର୍ ଚଳାଉଥିଲେ। ସେ ତାଙ୍କ ସହିତ ଆଗ ସିଟ୍ରେ ବସିଥିଲେ। ସାଇରସ ଏବଂ ତାଙ୍କ ଭାଇ ଜାହାଙ୍ଗୀର ପଛ ସିଟ୍ରେ ବସିଥିଲେ। ସେମାନେ ଗୁଜରାଟରୁ ମହାରାଷ୍ଟ୍ରକୁ ମର୍ସିଡିଜ-ବେଞ୍ଜ କାର୍ରେ ଫେରୁଥିଲେ।
